తీవ్ర వివాదంలో 'ఉస్తాద్ భగత్ సింగ్'.. పవన్ సినిమాపై మంటలు రేపిన పూనమ్ కౌర్

వివాదాస్పద వ్యాఖ్యలతో వార్తల్లో నిలిచే పూనమ్ కౌర్ మరోసారి సోషల్ మీడియాలో హాట్ టాపిక్ గా మారింది. అప్పట్లో పూనమ్ కౌర్ పవన్ కళ్యాణ్ ని ఉద్దేశిస్తూ ఇన్ డైరెక్ట్ గా చేసిన ట్వీట్స్ హాట్ టాపిక్ గా నిలిచాయి. మరోసారి పూనమ్ కౌర్ పవన్ నటిస్తున్న చిత్రాన్ని టార్గెట్ చేస్తూ సోషల్ మీడియాలో తీవ్ర వ్యాఖ్యలు చేసింది. 

ప్రస్తుతం పవన్ కళ్యాణ్ ఫ్యాన్స్ ఉస్తాద్ భగత్ సింగ్ మ్యానియాతో ఊగిపోతున్నారు. హరీష్ శంకర్, పవన్ కళ్యాణ్ కాంబినేషన్ లో దాదాపు 10 ఏళ్ల తర్వాత వస్తున్న చిత్రం ఇది. ఈ చిత్రంలో పవన్ పవర్ ఫుల్ పోలీస్ ఆఫీసర్ గా నటిస్తున్నారు. నేడు ఈ చిత్రం నుంచి ఫస్ట్ గ్లింప్స్ వీడియో రిలీజ్ చేసి సంధ్య థియేటర్స్ లో ప్రదర్శించనున్నారు. 

దీనితో చిత్ర యూనిట్ వరుస పోస్టర్లు రిలీజ్ చేస్తూ ఫ్యాన్స్ లో జోష్ నింపుతున్నారు. అభిమానులంతా గ్లింప్స్ కోసం ఎదురుచూస్తున్న తరుణంలో పూనమ్ కౌర్ ఈ చిత్రంపై తీవ్ర వ్యాఖ్యలు చేసింది. పవన్ కళ్యాణ్ కాళ్ళని చూపిస్తున్న పోస్టర్ ఒకటి రిలీజ్ చేశారు. దీనిపై పూనమ్ కౌర్ తీవ్ర అభ్యంతరం చెబుతూ సంచలన వ్యాఖ్యలు చేసింది. 

పవన్ పాదాల కింద ఉస్తాద్ భగత్ సింగ్ టైటిల్ ఉంది. దీనితో ఇది స్వాతంత్ర సమరయోధుడు భగత్ సింగ్ ని కించపరచడమే అంటూ పూనమ్ ట్వీట్ చేసింది. ఈ చిత్రంపై కేంద్ర ప్రభుత్వానికి ఫిర్యాదు చేయాలి. భగత్ సింగ్ లాంటి స్వాతంత్ర యోధుడి పేరుని కాళ్ళ కింద పెట్టడం ఏంటి.. ఇది కించపరచడం కదా అంటూ పూనమ్ కౌర్ ట్వీట్ చేసింది. ఇది అహంకార పూరితమైన చర్య అంటూ పూనమ్ కౌర్ వ్యాఖ్యలు చేసింది. 

ఇందర్వాన్ష్ సింగ్ అనే సోషల్ యాక్టివిస్ట్ కూడా ఉస్తాద్ భగత్ సింగ్ పోస్టర్ పై మండిపడ్డారు. కాళ్ళ కింద భగత్ సింగ్ పేరు పెట్టడాన్ని ఖండిస్తున్నాం అని ట్వీట్ చేశారు. 

మరి ఈ వివాదంపై చిత్ర యూనిట్ ఎలాంటి వివరణ ఇస్తుందో చూడాలి. పోస్టర్ ని మార్చుతారా లేక విమర్శలపై స్పందిస్తారా అనేది వేచి చూడాలి. ప్రస్తుతం అయితే ఉస్తాద్ భగత్ సింగ్ హంగామా సోషల్ మీడియాలో ఒక రేంజ్ లో ఉంది. ఈ చిత్రానికి దేవిశ్రీ ప్రసాద్ సంగీతం అందిస్తున్నారు.