తండ్రి నాగార్జున హౌజ్‌లో రెచ్చిపోయాడు తనయుడు అఖిల్‌. పూజాతో కలిసి `లెహరాయి` అంటూ సాంగేసుకున్నాడు. పూజాతో కలిసి స్టెప్పులేస్తూ రొమాన్స్ కి తెరలేపాడు. నాగ్‌ ఎంట్రీతో అటు అఖిల్‌, ఇటు పూజా షాక్‌ అయ్యారు. ఇంతకి ఏం జరిగిందంటే..
బిగ్‌బాస్‌5 ఈ ఆదివారం చాలా స్పెషల్‌గా మారింది. దాదాపు నాలుగు గంటలు పండుగలా సాగింది. ఎమోషన్స్, ఫన్నీ సన్నివేశాల, పాటలు, కామెడీ సన్నివేశాలతో సాగింది. నవరాత్రి స్పెషల్‌ ఎపిసోడ్‌ ఆద్యంతం ఎంటర్‌టైన్‌మెంట్స్ ని పంచాయి. అందులో భాగంగా `మోస్ట్ ఎలిజిబుల్‌ బ్యాచ్‌లర్‌` సినిమా హీరోహీరోయిన్‌ అఖిల్‌, పూజా హెగ్డేలు `బిగ్‌బాస్‌5`లో సందడి చేశారు.
బిగ్‌బాస్‌ స్టేజ్‌పై పూజాతో స్టెప్పేశాడు అఖిల్‌. నాగ్‌ లేని టైమ్ లో వీరిద్దరు హగ్‌ చేసుకుంటూ డాన్స్ చేయడంతో అప్పుడే హౌజ్‌లోకి ఎంట్రీ ఇచ్చారు నాగ్‌. హేయ్‌.. అంటూ అనడంతో ఇద్దరు వదిలేసుకున్నారు. నాగ్‌ స్వీట్‌ వార్నింగ్‌ని, అదే తరహాలో సెటైరికల్‌గా కౌంటర్‌ ఇచ్చాడు అఖిల్‌.
నవరాత్రి స్పెషల్‌లో భాగంగా వీరిద్దరు సందడి చేసి సినిమా గురించి విశేషాలను పంచుకున్నారు. మంచి లాఫ్టర్‌ థెరఫీ లాంటి చిత్రమన్నారు. అదే సమయంలో ఇంటి సభ్యులతో కాసేపు ముచ్చటించారు. అందులో భాగంగా అఖిల్‌.. పూజాని ఇంప్రెస్‌ చేసిన వాళ్లు గేమ్‌లో విన్నర్ గా నిలుస్తారని చెప్పారు. ఈ టాస్క్ లో శ్రీరామ్‌, సన్నీ, షణ్ముఖ్‌, సిరి, జెస్సీ, మానస్, విశ్వ పాల్గొన్నారు.
శ్రీరామ్‌ పాట పాడారు. తనదైన గాత్రంతో ఆకట్టుకున్నారు. కానీ పూజా హెగ్డే ఇంప్రెస్‌ కాలేదు. ఆ తర్వాత సన్నీ మిమిక్రీ చేశాడు. డక్‌ లా మాట్లాడుతూ, పూజా నువ్వుంటే ఇష్టం అనే విషయాన్ని తెలిపారు. ఇక షణ్ముఖ్‌ మోనోలాగ్‌ చేశాడు. సింగిల్‌ గాయ్స్ బాధలు తెలిపారు. సిరి, జెస్సీలతో కలిసి చిన్న స్కిట్‌ చేశాడు. లవర్స్ లేని కుర్రాళ్లు పడే బాధలను కళ్లకి కట్టినట్టు చూపించాడు షణ్ముఖ్‌. మొత్తంగా సింగిలే కింగులు అని తెలిపారు.
జెస్సీ .. `లెహరాయి.. `పాటకి హవభావాలు పలికారు. స్టెప్పులేశారు. కొత్తగా ఆకట్టుకునే ప్రయత్నం చేశాడు. కానీ వర్కౌట్‌ కాలేదు. ఆ తర్వాత మానస్ ఓ ప్రేమ పాటకి డాన్సు చేశాడు. అద్భుతంగా డాన్సు చేసి అందరిని ఆకట్టుకున్నారు. ఇంత మంది కుర్రాళ్లు తమదైన పర్‌ఫెర్మెన్స్ తో ఇంటి సభ్యులను, ఆడియెన్స్ ని అలరించారు.
కానీ పూజా మాత్రం ఇంటిసభ్యులకు షాక్‌ ఇచ్చింది. తనని బిగ్‌బాస్‌ సభ్యులు ఇంప్రెస్‌ చేయలేకపోయారని తెలిపింది. తనని ఇంప్రెస్‌ చేసింది అఖిలే అని తెలిపింది పూజా. అంతేకాదు రెడ్ డ్రెస్‌లో గ్లామరస్‌గా కనిపించి కనువిందు చేసింది. క్యూట్‌ ఎక్స్ ప్రెషన్స్, వచ్చీ రాని తెలుగుతో నవ్వులు పూయించింది పూజా.