ఆ మూవీ తర్వాత కొందరు దర్శకులు వాడుకున్నారు.. అందం ఉండి కూడా గుర్తింపు లేదు, పాయల్ షాకింగ్ కామెంట్స్

ఆర్ఎక్స్ 100 చిత్రంలో బోల్డ్ రొమాన్స్ తో పాయల్ రాజ్ పుత్ ఒక రేంజ్ లో రచ్చ చేసింది. తొలి చిత్రంలోనే బోల్డ్ గా నటించి మెప్పించడంతో ఓవర్ నైట్ క్రేజ్ సొంతం చేసుకుంది పాయల్ రాజ్ పుత్. ఆర్ఎక్స్ 100 చిత్రంలో కార్తికేయకి జోడిగా ఆమె రొమాంటిక్ సన్నివేశాల్లో రెచ్చిపోయింది. వీరిద్దరి కెమిస్ట్రీకి కుర్రకారు ఫిదా అయ్యారు. దీంతో పాయల్ పేరు టాలీవుడ్ లో మారుమోగింది. 

RX 100 చిత్రంతో వచ్చిన క్రేజ్ ని క్యాష్ చేసుకోవడంలో పాయల్ కాస్త తడబడిందనే చెప్పాలి. సరైన కథలు ఎంచుకోకపోవడంతో కొన్నిపరాజయాలు ఎదురయ్యాయి. డిస్కో రాజా, వెంకీ మామ లాంటి చిత్రాల్లో నటించినప్పటికీ పాయల్ కు సరైన గుర్తింపు లభించలేదు. 

పాయల్ రాజ్ పుత్ నటించిన లేటెస్ట్ మూవీ మాయా పేటిక. ఈ చిత్రం నేడు ప్రేక్షకుల ముందుకు వచ్చింది. అయితే ఆశించిన రెస్పాన్స్ అయితే రావడం లేదు. ఈ చిత్ర ప్రచార కార్యక్రమాల్లో భాగంగా పాయల్ రాజ్ పుత్ ఓ ఇంటర్వ్యూలో సంచలన వ్యాఖ్యలు చేసింది. 

ఈ ఇంటర్వ్యూలో మీ అందం, ప్రతిభకి తగ్గ గుర్తింపు దక్కలేదని చాలా మంది అంటున్నారు. దీనిపై మీ అభిప్రాయం ఏంటి అని పాయల్ రాజ్ పుత్ ని యాంకర్ ప్రశ్నించారు. పాయల్ రాజ్ పుత్ సమాధానం ఇస్తూ.. నా వరకు నేను ప్రతి చిత్రం కోసం ఎంతో కమిట్మెంట్ గా వర్క్ చేస్తాను. 200 శాతం ఎఫర్ట్ పెడతాను. 

అయితే నేను చేసిన ప్రతి చిత్రం వర్కౌట్ అవుతోందా లేదా అనేది నా చేతుల్లో ఉండదు. అది అదృష్టం, విధిరాత పై కూడా ఆధారపడి ఉంటుంది. ఇంకా లోతుగా చర్చించుకుంటే.. ఆర్ఎక్స్ 100 సూపర్ హిట్ తర్వాత నన్ను చాలా మంది మిస్ గైడ్ చేశారు. దీనితో తప్పుడు నిర్ణయాలు తీసుకున్నా. ఇండస్ట్రీకి అప్పుడే కొత్తగా వచ్చాను కాబట్టి అంత మెచ్యూరిటీ లేదు. 

Payal Rajput

దానిని అడ్వాంటేజ్ గా తీసుకుని కొందరు తప్పుదోవ పట్టించారనే విషయం నాకు అర్థం అయింది. కొంతమంది దర్శకులు నన్ను వాడుకున్నారు అంటూ సంచలన వ్యాఖ్యలు చేసింది. కానీ ఇప్పుడు నేను కొంచెం ఆలోచించి గలుగుతున్నాను. ఎక్కడికి వెళ్ళాలి ఎక్కడికి వెళ్ళకూడదు.. ఎలాంటి నిర్ణయాలు తీసుకోవాలి అనేది తెలుసుకున్నట్లు పాయల్ తెలిపింది. 

ఇంకా వివరిస్తూ ఆర్ఎక్స్ 100 చిత్రం తర్వాత ఒంటరిగా ఉండే దానిని. ఎలాంటి సినిమా చేయాలో అర్థం అయ్యేది కాదు. దీనితో కొందరు ఆ సినిమా ఒకే చేయి... ఈ సినిమా వదిలేయ్.. ఇందులో నటిస్తే ఎక్కువ డబ్బు వస్తుంది అంటూ మిస్ లీడ్ చేసినట్లు పేర్కొంది. వెంకీ మామ చిత్రంలో సీనియర్ హీరో వెంకటేష్ సరసన నటించడం కూడా అలాంటి నిర్ణయమేనా అని ప్రశ్నించగా.. పాయల్ రాజ్ పుత్ మౌనం వహించింది.