సూపర్ స్టార్ మహేష్ బాబు నటిస్తున్న లేటెస్ట్ మూవీ గుంటూరు కారం. సంక్రాంతి కానుకగా గుంటూరు కారం ఘాటు చూపించేందుకు మహేష్ బాబు జనవరి 12న థియేటర్స్ లోకి దిగిపోతున్నాడు.
సూపర్ స్టార్ మహేష్ బాబు నటిస్తున్న లేటెస్ట్ మూవీ గుంటూరు కారం. సంక్రాంతి కానుకగా గుంటూరు కారం ఘాటు చూపించేందుకు మహేష్ బాబు జనవరి 12న థియేటర్స్ లోకి దిగిపోతున్నాడు. మంగళవారం రోజు గుంటూరులో గ్రాండ్ గా ప్రీరిలీజ్ ఈవెంట్ నిర్వహించారు. ట్రైలర్ కూడా అదిరిపోవడంతో మహేష్ సినిమాకి ఉండాల్సిన హైప్ వచ్చేసింది.
జనవరి 12న ఈ చిత్రం గ్రాండ్ రిలీజ్ కి అంతా సిద్ధం అయింది. తాజాగా సీనియర్ రచయిత పరుచూరి గోపాల కృష్ణ మాట్లాడుతూ గుంటూరు కారం చిత్రంపై.. మహేష్ బాబుపై ఆసక్తికర వ్యాఖ్యలు చేశారు.
మహేష్ బాబు సినిమాపట్ల వినయంగా విధేయంగా ఉంటాడు. మహేష్ బాబు కూడా వాళ్ళ నాన్నలాగే. తల వంచుకుని తన పని తాను చేసుకుంటూ వెళ్ళిపోతాడు. ఒక్కసారి సినిమాకి కమిటైతే తన 100 పర్సెంట్ డెడికేషన్ అందిస్తాడు అని పరుచూరి ప్రసంశలు కురిపించారు. సినిమా అన్నా, నిర్మాతలు అన్నా కృష్ణ గారికి ఎంతో గౌరవం అని గతంలో పరుచూరి తెలిపారు.
గుంటూరు కారం అనే టైటిల్ వినగానే అదిరిపోయింది అనిపించింది. ఎందుకంటే మహేష్ బాబుది గుంటూరు జిల్లానే. గుంటూరు జిల్లా వాళ్ళు చాలా కోపంగా ఉంటారని అంటుంటారు. ఎందుకంటే వాళ్ళు గుంటూరు కారం తింటారు కాబట్టి అనే నానుడి ఉంది. ఈ చిత్రంలో త్రివిక్రమ్ కూడా మహేష్ బాబు పాత్రని అదే విధంగా చూపించినట్లు అర్థం అవుతోంది.
గుంటూరు కారం ఘాటుగా కనిపిస్తుంది.. ఒక్కసారి నాలుకకి తగిలితే కళ్ళల్లో నీళ్ళే, వాడొక బ్రేకుల్లేని లారీ ఎవడాపుతాడో లాంటి డైలాగులని పరుచూరి అభినందించారు. హీరోయిన్ విషయంలో కూడా త్రివిక్రమ్ చాలా మాసీగా డైలాగులు రాసారని అన్నారు.
ఇతర మాస్ చిత్రాలని మహేష్ బాబు గతంలో చేశాడు. కానీ పోకిరి చిత్రాన్ని మించే విధంగా మహేష్ బాబు బాడీ లాంగ్వేజ్ ఈ మూవీలో కనిపిస్తోంది అని.. గుంటూరు కారం పెద్ద విజయం సాధించాలని పరుచూరి గోపాలకృష్ణ ఆకాంక్షించారు.