కల్కి సక్సెస్ ని జీర్ణించుకోలేకపోతున్న ఆ స్టార్ హీరో, ప్రభాస్ స్థానం కొట్టేద్దాం అనుకుంటే..!

కల్కి భారీ విజయం దిశగా అడుగులు వేస్తుంది. ఈ విజయాన్ని ఇండస్ట్రీ మొత్తం సెలబ్రేట్ చేసుకుంటుంది. ఓ హీరో మాత్రం జీర్ణించుకోలేకపోతున్నాడట. ప్రభాస్ పొజిషన్ మీద కన్నేసిన ఆ హీరో రగిలిపోతున్నాడట. అది ఎవరో? ఎందుకో? చూద్దాం..   

2024లో టాలీవుడ్ కి మంచి ఆరంభం దక్కింది. చిన్న సినిమా హనుమాన్ భారీ విజయం సాధించింది. గుంటూరు కారం సైతం మిక్స్డ్ టాక్ తో చెప్పుకోదగ్గ వసూళ్లు రాబట్టింది. మరో సంక్రాంతి చిత్రం నా సామిరంగ బ్రేక్ ఈవెన్ దాటి హిట్ స్టేటస్ అందుకుంది. 

అనంతరం టిల్లు స్క్వేర్ వసూళ్ల వర్షం కురిపించింది. అయితే సమ్మర్ సీజన్ సప్పగా సాగింది. సార్వత్రిక ఎన్నికలు, ఐపీఎల్ ఈవెంట్స్ నేపథ్యంలో పెద్ద చిత్రాల విడుదల ఆగిపోయింది. చాలా చిన్న చిత్రాలు వచ్చిపోయాయి. ఒక దశలో తెలంగాణలో సింగిల్ స్క్రీన్ థియేటర్స్ మూత పడ్డాయి. ఈ క్రమంలో కల్కి విడుదల, దాని విజయం పై పరిశ్రమ మనుగడ ఆధారపడి ఉందని పలువురు అభిప్రాయ పడ్డారు. 

ఆశించిన విధంగా కల్కి 2829 AD  భారీ విజయం దిశగా అడుగులు వేస్తుంది. పాజిటివ్ టాక్ తెచ్చుకున్న కల్కి రెండు రోజుల్లోనే రూ. 300 కోట్ల వరల్డ్ వైడ్ వసూళ్లకు చేరువైంది. యూఎస్ లో కల్కి చిత్రానికి విపరీతమైన రెస్పాన్స్ దక్కుతుంది. కల్కి హిందీ వెర్షన్ రెండు రోజులకు రూ. 45.75 కోట్ల నెట్ వసూళ్లు రాబట్టింది. 

Kalki 2829 AD

హిందీలో సైతం కల్కి ఘన విజయం నమోదు చేసే సూచనలు కనిపిస్తున్నాయి. ప్రభాస్ మరోసారి నార్త్ ఇండియా బాక్సాఫీస్ షేక్ చేయడం ఖాయం. కల్కి సక్సెస్ ని ఇండస్ట్రీ మొత్తం ఎంజాయ్ చేస్తుంది. పలువురు హీరోలు, దర్శక నిర్మాతలు...  కల్కి దర్శక నిర్మాతలను, హీరో ప్రభాస్ ని పొగుడుతూ ట్వీట్స్ వేశారు. ఒక హీరో మాత్రం కల్కి హిట్ కావడం తట్టుకోలేకపోతున్నాడట. 

ఆ హీరో కూడా పాన్ ఇండియా స్టార్ హోదా పొందాడు. ఎలాంటి అంచనాలు లేకుండా విడుదలైన ఆయన నటించిన చిత్రం హిందీలో భారీ విజయం నమోదు చేసింది. ఒక్క సినిమాతో నార్త్ ఆడియన్స్ లో విపరీతమైన ఫాలోయింగ్ రాబట్టారు. ప్రభాస్ తర్వాత టాలీవుడ్ నుండి పాన్ ఇండియా హీరో హోదా తెచ్చుకుంది ఆ హీరోనే. 

ప్రస్తుతం షూటింగ్ దశలో ఉన్న చిత్రంతో ఆ హీరో ఇంకా స్ట్రాంగ్ గా నార్త్ లో జెండా పాతాలి అనుకుంటున్నాడు. ఇక ఆ హీరో ఫ్యాన్స్ ఎప్పుడూ ప్రభాస్ ఫ్యాన్స్ తో సోషల్ మీడియా వార్ కి దిగుతూ ఉంటారు. ప్రభాస్ ని లాటరీ స్టార్ అని ఎగతాళి చేస్తుంటారు. ప్రభాస్ వరుసగా నార్త్ లో విఫలం కావడాన్ని వారు ఎంజాయ్ చేస్తారు.

కల్కి ఫెయిల్ అయితే ప్రభాస్ స్థానం నాదే అని ఆశపడ్డ ఆ హీరో ఆ మూవీ సక్సెస్ ని ఎంజాయ్ చేయడం లేదంటూ ఓ పుకారు తెరపైకి వచ్చింది. అయితే ఈ వార్తల్లో నిజం లేకపోవచ్చు. ఇటీవల జరిగిన కొన్ని పరిణామాల నేపథ్యంలో ఆ హీరో మీద పరిశ్రమలో మెజారిటీ వర్గం గుర్రుగా ఉంది. వారు ఇలాంటి నెగిటివ్ న్యూస్ ఆ స్టార్ హీరో మీద పుట్టించే అవకాశం లేకపోలేదు. అదన్నమాట సంగతి.