యంగ్‌ టైగర్‌ ఎన్టీఆర్.. `వార్‌ 2` సినిమా కోసం ముంబయికి వెళ్తున్నారు. గత వారంలో ముంబయిలో సందడి చేసిన ఆయన ఇప్పుడు మరోసారి హల్‌ చల్‌ చేశారు.
ఎన్టీఆర్.. ప్రస్తుతం తెలుగులో `దేవర` చిత్రంలో నటిస్తున్నారు. ఈ మూవీ షూటింగ్‌ ఆల్మోస్ట్ పూర్తయ్యింది. పోస్ట్ ప్రొడక్షన్‌ వర్క్‌ జరుపుకుంటుంది. దీంతో ఇప్పుడు ఆయన బాలీవుడ్‌ సినిమాపై ఫోకస్‌ పెట్టారు. హిందీలోకి ఎంట్రీ ఇస్తూ `వార్‌ 2`లో నటిస్తున్న విషయం తెలిసిందే.
హృతిక్‌ రోషన్‌ హీరోగా రూపొందుతున్న `వార్‌ 2`లో ఎన్టీఆర్ మరో హీరోగా నటిస్తున్నారు. అయాన్‌ ముఖర్జీ దర్శకత్వం వహిస్తున్న ఈ మూవీలో తారక్‌ నెగటివ్ రోల్‌లో కనిపిస్తారని సమాచారం. అయితే చాలా రోజులుగా ఈ మూవీ చిత్రీకరణ జరుపుకుంటోంది. హృతిక్‌పై సీన్లు తీశారు.
గత వారం నుంచి ఎన్టీఆర్ ఈ మూవీ చిత్రీకరణలో పాల్గొంటున్నారు. గత వారం ఆయన `వార్‌2`లో పాల్గొన్నారు.ఈ సందర్భంగా ముంబయిలో హల్‌చల్‌ చేశారు. అక్కడి సినిమా వాళ్లు ఎన్టీఆర్‌కి పార్టీ ఇచ్చారు. ప్రముఖ నటుడు అక్బర్‌ ఎన్టీఆర్‌పై ప్రశంసలు కురిపించారు. భవిష్యత్‌ సీఎం నువ్వే అన్నారు. ఆ వ్యాఖ్యలు వైరల్ అయ్యాయి.
ఇప్పుడు మరోసారి ముంబాయి వెళ్లారు ఎన్టీఆర్. ఆదివారం ఆయన ముంబయికి బయలు దేరారు. `వార్‌ 2` షూటింగ్‌ కోసం మరోసారి ఆయన ముంబయికి వెళ్లారు. ఈ సందర్భంగా ఎయిర్‌పోర్ట్ లో సందడి చేశారు. ఇందులో ఆయన లుక్‌ వైరల్ అయ్యింది.
వైట్‌ షర్ట్, జీన్స్ లో మెరిశారు ఎన్టీఆర్. మాస్‌ లుక్‌లో అదిరిపోయేలా ఉన్నారు. గెడ్డం ట్రిమ్‌ చేసి, షార్ట్ కటింగ్‌తో ఆర్మీ ఆఫీసర్‌ తరహాలో కనిపిస్తున్నారు. `వార్‌ 2` గెటప్‌ళో అదరగొడుతున్నారు. అంతేకాదు ముంబయిలో ఆయన వాకింగ్‌ స్టయిల్‌, మాస్‌ అవతార్‌లో అదరగొట్టేలా ఉంది.
ప్రస్తుతం ఎన్టీఆర్ ఫోటోలు సోషల్ మీడియాలో వైరల్ అవుతున్నాయి. కంటిన్యూగా ఈ మూవీ షూటింగ్‌ జరుగుతుందట. మరో వారం ఆయన అక్కడే షూటింగ్‌లో పాల్గొంటారని తెలుస్తుంది.