ఒక్క సన్నివేశం కోసం మూడేళ్లు కోర్టుల చుట్టూ తిరిగిన ఎన్టీఆర్..చాలా అసభ్యకరమైన సీన్, కానీ..

స్వర్గీయ నందమూరి తారకరామారావు పౌరాణికాల్లో దాదాపుగా అన్ని పాత్రలు పోషించారు. రాముడిగా, కృష్ణుడిగా ప్రేక్షకుల హృదయాల్లో నిలిచిపోయారు. తన కెరీర్ చివరిదశలో సైతం గుర్తుండిపోయే పాత్రలు చేశారు. చివరి దశలో ఎన్టీఆర్ శ్రీమద్విరాట్ పోతులూరి వీరబ్రహ్మేంద్ర స్వామి చరిత్ర అనే చిత్రాన్ని తన స్వీయ దర్శకత్వంలో తెరకెక్కించారు. 

ఈ చిత్రంలో వీరబ్రహ్మేంద్ర స్వామిగా ఎన్టీఆర్ నటన అద్భుతం. ఈ చిత్రంలో ఎన్టీఆర్ కి ఊహించని సమస్య ఎదురైంది. ఈ చిత్ర రిలీజ్ కోసం ఎన్టీఆర్ మూడేళ్లు కోర్టుల్లో పోరాడారు. అంత పెద్ద సమస్య ఏంటా అనుకుంటాన్నారా.. అయితే వివరాల్లోకి వెళ్ళాలసిందే. ఈ చిత్రంలో ఆరంభంలో కొన్ని బోల్డ్ సీన్స్ కనిపిస్తాయి. సినిమా షూటింగ్ 1981లో పూర్తయింది. 

రిలీజ్ కి రెడీగా ఉంది. ఆ టైం లో మూవీ సెన్సార్ కి వెళ్ళింది. సెన్సార్ సభ్యులు ఈ చిత్రంలో ప్రారంభంలో కొన్ని బోల్డ్ సీన్స్ ఉన్నాయి అవి మార్చాలి అని చెప్పారు. ఎన్టీఆర్ గారు ససేమిరా అన్నారు.వేమనని.. యోగి వేమనగా ముక్తి మార్గంలో నడిపించేందుకు వాళ్ళ వదిన ఆయన ముందు నగ్నంగా కనిపిస్తుంది. ఆ సీన్ చూడడానికి చాలా అసభ్యంగా కనిపిస్తుంది. కానీ అందులో పరమార్థం వేరు అని చెప్పడమే ఎన్టీఆర్ ఉద్దేశం. దీనితో వేమన రియలైజ్ అయి జ్ఞానం తెచ్చుకుంటాడు. శారీరక సుఖాలని విడిచిపెడతాడు. 

అందుకోసం ఆ సన్నివేశం పెట్టాల్సి వచ్చింది.. శృంగారం కోసం కాదు అని ఎన్టీఆర్ సెన్సార్ సభ్యులకు చెప్పారు. కానీ సెన్సార్ వాళ్ళు క్లియరెన్స్ ఇవ్వలేదు. దీనితో ఎన్టీఆర్ కోర్టుకి వెళ్లాల్సి వచ్చింది. కోర్టులో కూడా అదే విధంగా ఎన్టీఆర్ ఈ చిత్రం గురించి వాదించారు. మూడేళ్ళ తర్వాత ఎన్టీఆర్ వాదనతో ఏకీభవించిన కోర్టు రిలీజ్ కి అనుమతి ఇచ్చింది. 

ఇందులో కమర్షియల్ ఎలిమెంట్స్ లేవు కాబట్టి బిగినింగ్ లో తక్కువ థియేటర్స్ లో రిలీజ్ చేయాలని ఎన్టీఆర్ అనుకున్నారు. కానీ కోర్టులో కేసు నెగ్గిన తర్వాత భారీ స్థాయిలో రిలీజ్ చేశారు. శ్రీమద్విరాట్ పోతులూరి వీరబ్రహ్మేంద్ర స్వామి చరిత్ర చిత్రం ఘనవిజయం సాధించింది. 

ఆ విధంగా ఎన్టీఆర్ కూడా అప్పట్లో సెన్సార్ చిక్కులు ఎదుర్కొన్నారు. అప్పటివరకు వీరబ్రహ్మేంద్ర స్వామి చెప్పే కాలజ్ఞానాన్ని వింటున్న ప్రజలు ఈ చిత్రంతో దృశ్య రూపంలో ఆస్వాదించారు.