ఎన్టీఆర్‌ మెచ్చిన బెస్ట్ డాన్సర్‌ ఎవరు? చిరంజీవి, అల్లు అర్జున్‌, రామ్ చరణ్‌ అసలు లిస్ట్ లోనే లేరు

టాలీవుడ్‌లో చిరు, అల్లు అర్జున్‌, రామ్‌ చరణ్‌, ఎన్టీఆర్‌ బెస్ట్ డాన్సర్. మరి ఎన్టీఆర్‌ కి ఇష్టమైన డాన్సర్‌ ఎవరు? అస్సలు ఊహించరు.   

టాలీవుడ్‌లో ప్రస్తుతం ఉన్న హీరోల్లో సీనియర్లలో చిరంజీవి బెస్ట్ డాన్సర్‌ అనే విషయం తెలిసిందే. అడపాదడపా బాలయ్య కూడా బాగానే స్టెప్పులేస్తున్నారు. మరోవైపు యంగ్‌ హీరోల్లో ఎన్టీఆర్‌, అల్లు అర్జున్‌, రామ్‌ చరణ్‌ మధ్య తీవ్ర పోటీ ఉంటుంది.

వీరి జాబితాలోకి రామ్‌ కూడా వస్తారు. కానీ ఎవరు బెస్ట్ అంటే చెప్పడం కష్టం. కొన్నిసార్లు అల్లు అర్జున్‌ పేరు, మరోసారి ఎన్టీఆర్ పేరు వినిపిస్తుంది. రామ్‌ చరణ్‌ పేరు కూడా ప్రధానంగా వినిపిస్తుంటుంది. 

మరి ఎన్టీఆర్‌ మెచ్చిన డాన్సర్‌ ఎవరు? ఆయన బాగా ఇష్టపడే డాన్సర్‌ ఎవరు? డాన్స్ లో ఆయన ఫేవరేట్‌గా భావించిన హీరో ఎవరు అనేది చూస్తే అందులో చిరంజీవి, అల్లు అర్జున్‌, రామ్‌ చరణ్‌ లేరు. వీరు కాకుండా ఓ కొత్త పేరుని ప్రస్తావించారు తారక్‌.

తన ఫేవరేట్‌ డాన్సర్‌ అతనే అని, తనని మించిన బెస్ట్ డాన్సర్‌ అని తెలిపారు. ఆయనతో తాను పోటీ కాదని స్పష్టం చేశారు. ఆ హీరో డాన్స్ అంటే తనకు ఇష్టమని వెల్లడించారు. 

actor hrithik roshan

మరి ఎన్టీఆర్‌ మెచ్చిన డాన్సర్‌ ఎవరు అంటే బాలీవుడ్‌ స్టార్‌ హీరో, బాలీవుడ్‌ గ్రీకు వీరుడు హృతిక్‌ రోషన్‌. ఎన్టీఆర్‌ ఫేవరేట్‌గా భావించే డాన్సర్‌ హృతిక్‌ అట. ఆయన డాన్స్ అద్బుతంగా చేస్తాడని తెలిపారు తారక్‌. ఎన్టీఆర్‌, హృతిక్‌ రోషన్‌ ఇద్దరిలో బెస్ట్ డాన్సర్‌ ఎవరు? అని యాంకర్‌ అడితే హృతిక్‌ అని చెప్పారు.

తాము తారక్‌ గొప్ప అని భావిస్తామని చెప్పినా, తనకంటే హృతిక్‌ డాన్స్ అద్భుతంగా చేస్తాడని, తన ఫేవరేట్‌ అని స్పష్టం చేశారు. రమ్యకృష్ణతో చేసిన ఓ పాత ఇంటర్వ్యూలో ఎన్టీఆర్‌ ఈ విషయాన్ని వెల్లడించారు. ఈ వీడియో ఇటీవల వైరల్‌గా మారింది. 

కొన్నేళ్ల క్రితం తారక్‌ చెప్పిన మాట ఇది. కానీ ఇప్పుడు ఈ ఇద్దరు కలిసి నటిస్తుండటం విశేషం. `వార్‌ 2`లో హృతిక్‌ రోషన్‌తో కలిసి ఎన్టీఆర్‌ నటిస్తున్న విసయం తెలిసిందే. ఇందులో హృతిక్‌, తారక్‌ల మధ్య డాన్స్ నెంబర్‌ కూడా ఉంటుందని,

ఇందులో తనదైన డాన్సులతో ఇద్దరూ రెచ్చిపోయారని సమాచారం. అది ఫ్యాన్స్‌ కి మాత్రమే కాద, కామన్‌ ఆడియెన్స్ కి కూడా ఓ ఫీస్ట్ లా ఉంటుందట. అయాన్‌ ముఖర్జీ దర్శకత్వం వహిస్తున్న ఈ మూవీ ఆగస్ట్ 15న విడుదలయ్యే అవకాశం ఉంది. దీనికి సంబంధించిన అప్‌ డేట్‌ రావాల్సి ఉంది. 

NTR

ఇక ఎన్టీఆర్‌ గతేడాది `దేవర` చిత్రంతో ఆకట్టుకున్నారు. డివైడ్‌ టాక్‌తోనూ సుమారు ఐదు వందల కోట్ల కలెక్షన్లని రాబట్టి తన సత్తాని చాటాడు. ఇప్పుడు `వార్‌ 2` షూటింగ్‌ పూర్తి చేసుకుని ప్రశాంత్‌నీల్‌ సినిమాకి రెడీ అవుతున్నారు.

ఇటీవలే ఆర్‌ఎఫ్‌సీలో ఈ మూవీ షూటింగ్‌ ప్రారంభమైంది. త్వరలోనే ఎన్టీఆర్‌ ఈ మూవీ షూటింగ్‌లో పాల్గొనబోతున్నారట. 1960 బెంగాల్‌ బ్యాక్‌డ్రాప్‌లో పొలిటికల్‌ టచ్‌తో ఈ మూవీని తెరకెక్కుతుందని తెలుస్తుంది.