ప్రస్తుతం సినిమాకి వీకెండ్‌ డేస్‌ కలెక్షన్లు ప్రధానంగా మారిపోయాయి. అందులోనూ ఓపెనింగ్‌ డే కలెక్షన్లు చాలా ముఖ్యం. మరి ఈ ఏడాది ఫస్ట్ డే తెలుగు స్టేట్స్ లో ఏ హీరో సినిమా ఎంత కలెక్ట్ చేసిందనేది చూస్తే..
తెలుగు స్టేట్స్ లో ఫస్ట్ డే రోజు అత్యధిక కలెక్షన్లు సాధించిన చిత్రంగా `ఆర్‌ఆర్‌ఆర్‌` నిలిచింది. ఈ సినిమా ఏకంగా రూ.105కోట్లు వసూలు చేసింది. రాజమౌళి రూపొందించిన ఈ చిత్రంలో ఎన్టీఆర్‌, చరణ్‌ హీరోలుగా నటించిన విషయం తెలిసిందే. ఇది ప్రపంచ వ్యాప్తంగా తొలి రోజు రూ.223కోట్లకుపైగా కలెక్షన్లని రాబట్టింది.
ఫస్ట్ డే అత్యధిక కలెక్షన్లు రాబట్టిన చిత్రంగా మహేష్‌బాబు నటించిన `సర్కారు వారి పాట` తొలి రోజు తెలుగు స్టేట్స్ లో రూ.50కోట్లు వసూలు చేసింది. ప్రపంచ వ్యాప్తంగా రూ.75కోట్లు కలెక్ట్ చేసింది. కీర్తిసురేష్‌ హీరోయిన్‌గా నటించిన ఈ చిత్రానికి పరశురామ్‌ దర్శకత్వం వహించారు.
ఇక అత్యధిక ఓపెనింగ్‌ డే కలెక్షన్లు సాధించిన హీరోల్లో మూడో స్థానంలో చిరంజీవి ఉన్నారు. ఆయన తనయుడు రామ్‌చరణ్‌తో కలిసి నటించిన `ఆచార్య` చిత్రం తొలి రోజు భారీ ఓపెనింగ్స్ ని తీసుకుంది. రూ.40కోట్లు వసూలు చేసింది. ప్రపంచ వ్యాప్తంగా యాభై కోట్లకుపైగా ఫస్ట్ డే కలెక్ట్ చేసింది. కానీ నెక్ట్స్ డేనే డిజాస్టర్‌ టాక్‌ తెచ్చుకున్న విషయం తెలిసిందే. ఏడో స్థానం కూడా చిరుదే. `గాడ్‌ ఫాదర్‌` మూవీ 21కోట్లు రాబట్టింది.
నాల్గో స్థానంలో పవన్ కళ్యాణ్‌ ఉన్నారు. ఆయన నటించిన `భీమ్లా నాయక్‌` సినిమా తొలిరోజు తెలుగు స్టేట్స్ లో రూ.38కోట్లు చేసింది. ప్రపంచ వ్యాప్తంగా నాలభై కోట్లకుపైగానే చేసింది. తెలుగు స్టేట్స్ లో మాత్రం పవన్ తన ప్రభావాన్ని గట్టిగానే చూపించారు. రానా కీలక పాత్రలో నటించిన ఈ సినిమాకి సాగర్ కె చంద్ర దర్శకత్వం వహించారు.
పాన్‌ ఇండియా స్టార్‌ ప్రభాస్‌ ఐదో స్థానానికే పరిమితమయ్యారు. ఆయన నటించిన `రాధేశ్యామ్‌` 37కోట్లు వసూలు చేసింది. ప్రపంచ వ్యాప్తంగా ఇది ఎనభై కోట్లకుపైగానే ఫస్ట్ డే కలెక్షన్లని సొంతం చేసుకుంది. కానీ డిజాస్టర్‌ అయ్యింది. రాధాకృష్ణ దర్శకత్వం వహించిన ఈ చిత్రంలో పూజా హెగ్డే కథానాయికగా నటించింది.
కన్నడ హీరో యష్‌ ఈ ఏడాది అత్యధిక కలెక్షన్లు రాబట్టిన హీరోగా నటించారు. ఆయన నటించిన `కేజీఎఫ్‌ 2` మూవీ రూ.1200కోట్లు కలెక్ట్ చేసింది. అయితే ఈ సినిమా తెలుగు స్టేట్స్ లో తొలి రోజు మాత్రం రూ.31కోట్లే వసూలు చేసింది. ప్రపంచ వ్యాప్తంగా రెండు వందల కోట్లకుపైగానే వసూళ్లు చేసింది. యష్‌ ఆరో స్థానంలో నిలిచారు.
ఎనిమిదో స్థానంలో వెంకీ, వరుణ్‌ తేజ్‌లు నిలిచారు. వీరిద్దరు కలిసి నటించిన `ఎఫ్‌3` సినిమా తెలుగు స్టేట్స్ లో తొలి రోజు రూ.17కోట్లు వసూలు చేసింది. అనిల్‌ రావిపూడి దీనికి దర్శకత్వం వహించిన విషయం తెలిసిందే.
విజయ్‌ దేవరకొండకి తొమ్మిదో స్థానం దక్కింది. ఆయన పూరీ జగన్నాథ్ దర్శకత్వంలో నటించిన `లైగర్‌` మూవీ రూ.15.5కోట్లు తొలి రోజు తెలుగు స్టేట్స్ లో వసూలు చేసింది. వరల్డ్ వైడ్‌గా ఇది ఫస్ట్ డే 33కోట్లు కలెక్ట్ చేసిందని యూనిట్‌ ప్రకటించింది. ఈ సినిమా డిజాస్టర్‌ అయిన విషయం తెలిసిందే.
నాగార్జున, నాగ చైతన్య హీరోలుగా నటించిన `బంగార్రాజు` పదో స్థానంలో నిలిచింది. కళ్యాణ్‌ కృష్ణ దర్శకత్వంలో ఈ ఇద్దరు నటించిన `బంగార్రాజు` తొలి రోజు రూ. 14కోట్లు వసూలు చేసింది. ఈ రకంగా హీరోలు తెలుగు స్టేట్స్ లో తమ సత్తా ఏంటో చూపించారని చెప్పొచ్చు.