డాక్టర్ నిహారికగా మారిన కొణిదెల నిహారిక.. నాగబాబుకి చుక్కలు చూపించిందిగా..

నాగబాబుకు తన కూతురు నిహారిక అంటే ప్రాణం. నిహారికకు కూడా అంతే.. తండ్రి పట్ల అమితమైన ప్రేమ చూపిస్తుంది. ఆ ప్రేమతోనే నిహారిక డాక్టర్ గా మారి నాగబాబుకు చుక్కలు చూపిస్తోంది. 

మెగా ఫ్యామిలీ నుంచి హీరోలు క్రికెట్ టీం అంత మంది ఉన్నారు. కానీ నటీమణులు మాత్రం ఒక్కరే. మెగా డాటర్ నిహారిక మాత్రమే నటిగా రాణిస్తోంది. నిహారిక సోషల్ మీడియాలో సూపర్ యాక్టివ్ గా ఉంటుంది. నిహారిక ఎక్కడ ఉన్నా ఫన్నీగా సెటైర్లు వేస్తూ ఉంటుంది. నిహారిక అల్లరి చేష్టలు, క్యూట్ గా ఉండే మాటలు అందరిని మెప్పిస్తుంటాయి. 

నాగబాబుకు తన కూతురు నిహారిక అంటే ప్రాణం. నిహారికకు కూడా అంతే.. తండ్రి పట్ల అమితమైన ప్రేమ చూపిస్తుంది. ఆ ప్రేమతోనే నిహారిక డాక్టర్ గా మారి నాగబాబుకు చుక్కలు చూపిస్తోంది. కొన్నిరోజులుగా నాగబాబు తన కుడిచేతికి గాయంతో కనిపిస్తున్నారు. చేయి కదపకుండా బెల్ట్ కూడా ధరించారు. వరుణ్ తేజ్ కొత్త మూవీ లాంచ్ లో కూడా నాగబాబు ఇలా గాయంతోనే కనిపించారు. 

నాగబాబు గాయంతో తల్లడిల్లుతుంటే నిహారిక అల్లరి మాత్రం తగ్గడం లేదు. తన తండ్రి చేతి నొప్పి పోగొట్టేందుకు కొణిదెల నిహారిక డాక్టర్ నిహారికగా మారింది. ఇంకేముంది నాగబాబుకు చుక్కలు కనిపించాయి. నాన్న చేయి నొప్పిగా ఉందా అంటూ ప్రేమగా పక్కన కూర్చుంది. అవునమ్మా షోల్డర్ నుంచి కిందివరకు బాగా పెయిన్ గా ఉందని నాగబాబు అంటారు. 

నీ నొప్పిని నేను తీసేస్తా అని నిహారిక అంటుంది. పెద్ద పెద్ద డాక్టర్ల వల్లే కాలేదు అని నాగబాబు అంటారు. మాత్రం వేస్తావా ఏంటి అని అనగా.. నీ కెందుకు ఆ చేతికి ఉన్న నొప్పి తీసేస్తా అని అంటుంది. రెండవ చేయి పట్టుకుని గట్టిగా కొరికేస్తుంది. దీనితో నాగబాబు గట్టిగా అరుస్తారు.చూశారా ఆ చేయి నొప్పి తగ్గిపోయింది అని నిహారిక అనగా.. ఈ చేతికి వచ్చింది కదమ్మా అని నాగబాబు అంటారు. 

నిహారిక ఈ అల్లరి చేష్టలని నాగబాబు సోషల్ మీడియాలో పోస్ట్ చేశారు. ముల్లుని ముల్లుతోనే తీయడం అంటే ఇదేనేమో అని కామెంట్ పెట్టారు. మీ ఇంట్లో ట్రై చేయొద్దు. ఇది డాక్టర్ నిహారిక పర్యవేక్షణలో జరిగింది అని నాగబాబు ఫన్నీ కామెంట్ పెట్టారు. 

నెటిజన్లు తండ్రి కూతుళ్ళ మధ్య క్యూట్ ప్రేమ అంటూ కామెంట్స్ పెడుతున్నారు. నాగబాబు త్వరగా కోలుకోవాలని విష్ చేస్తున్నారు. నాగబాబు ఇటీవల సోషల్ మీడియాలో బాగా యాక్టివ్ అయ్యారు.