ఈవారం ఓటీటీలో రిలీజయ్యే చిత్రాలు, సిరీస్ లు.. తప్పక చూడాల్సినవి ఇవే

ఈవారం ఓటీటీ ప్రేక్షకుల కోసం కొత్త సినిమాలు, వెబ్ సిరీస్‌లు సిద్ధంగా ఉన్నాయి. జులై 14 నుంచి 20వ తేదీ వరకు పలు ప్రముఖ ఓటీటీ సంస్థలలో విభిన్న రకాల కంటెంట్ స్ట్రీమింగ్‌కు రానున్నాయి.

ఈవారం ఓటీటీ సినిమాలు, వెబ్ సిరీస్‌లు

ఈవారం ఓటీటీ ప్రేక్షకుల కోసం కొత్త సినిమాలు, వెబ్ సిరీస్‌లు సిద్ధంగా ఉన్నాయి. జులై 14 నుంచి 20వ తేదీ వరకు పలు ప్రముఖ ఓటీటీ సంస్థలలో విభిన్న రకాల కంటెంట్ స్ట్రీమింగ్‌కు రానున్నాయి. ఈ వారం స్పెషల్ ఆప్స్ 2, కుబేర, భైరవం, పాడింగ్టన్ ఇన్ పెరూ వంటి ఆసక్తికరమైన చిత్రాలు, సిరీస్‌లు విడుదల కానున్నాయి. ఆ వివరాలు ఇప్పుడు చూద్దాం.

ప్రైమ్ వీడియో

ది సమ్మర్ ఐ టర్న్డ్ ప్రెట్టీ - ఫైనల్ సీజన్

లోలా టంగ్, క్రిస్టోఫర్ బ్రైనీ, గావిన్ కాసలెగ్నో నటించిన ఈ వెబ్ సిరీస్ ఫైనల్ సీజన్ కి రెడీ అయింది. ట్రైయాంగిల్ లవ్ స్టోరీ గా రూపొందిన ఈ వెబ్ సిరీస్ కోసం యువత ఆసక్తిగా ఎదురుచూస్తున్నారు.

స్ట్రీమింగ్ తేదీ : జూలై 16

కుబేర

ధనుష్, రష్మిక మందన్న, నాగార్జున ప్రధాన పాత్రల్లో తెరకెక్కిన ఈ చిత్రం నెలరోజుల్లోపే ఓటిటిలోకి వచ్చేస్తోంది. ప్రైమ్ వీడియోలో స్ట్రీమింగ్ కానుంది. ధనుష్ ఈ చిత్రంలో బిచ్చగాడి పాత్రలో నట విశ్వరూపం ప్రదర్శించారు. శేఖర్ కమ్ముల ఈ చిత్రానికి దర్శకుడు. ఈ వారం ఓటీటీలో మిస్ కాకుండా చూడాల్సిన చిత్రాలలో ఇది కూడా ఒకటి.

స్ట్రీమింగ్ తేదీ : జూలై 18

నెట్ ఫ్లిక్స్

అన్ టామ్డ్ 

యోసెమిటీ జాతీయ పార్క్‌లో ఓ మహిళ మరణం వెనుక ఉన్న నిజాలను తెలుసుకునే ఫెడరల్ ఏజెంట్ కథాంశంతో ఈ వెబ్ సిరీస్ రూపొందింది. ఎరిక్ బానా, సామ్ నీల్, రోజ్‌మరీ డివిట్ ఇందులో ప్రధాన పాత్రల్లో నటించారు. 

స్ట్రీమింగ్ తేదీ : జూలై 17

ఆల్మోస్ట్ ఫ్యామిలీ 

బ్రెజిల్ తండ్రి, అర్జెంటీనా అల్లుళ్ల మధ్య ఈగో నేపథ్యంలో జరిగే హాస్య కథాంశంతో ఈ చిత్రం రూపొందింది. లియాండ్రో హస్సుమ్, జూలియా స్వాసిన్నా, గాబ్రియెల్ గోయిటీ ఇందులో ప్రధాన పాత్రల్లో నటించారు. 

స్ట్రీమింగ్ తేదీ : జూలై 18

పాడింగ్టన్ ఇన్ పెరూ

పెరూ అడవుల్లో మిస్సైన తన తన ఆంటీని వెతికేందుకు పాడింగ్టన్ బయలుదేరుతాడు. ఈ క్రమంలో అతడు ఎలాంటి పరిస్థితులని ఎదుర్కొన్నాడు అనే కథాంశంతో ఈ యానిమేటెడ్ అడ్వెంచర్ చిత్రం తెరకెక్కింది. 

స్ట్రీమింగ్ తేదీ : జూలై 18

జీ 5

భైరవం  

మంచు మనోజ్, సాయి శ్రీనివాస్ బెల్లంకొండ, నారా రోహిత్ కలసి నటించిన ఈ యాక్షన్ ఎమోషనల్ డ్రామా చిత్రం ఓటీటీలో అలరించేందుకు సిద్ధం అవుతోంది.  

స్ట్రీమింగ్ తేదీ : జూలై 18

ది బూత్నీ 

సెయింట్ విన్సెంట్ కాలేజీలో వాలెంటైన్స్ డే రోజున కనిపించే దెయ్యం ఆధారంగా హారర్ అంశాలతో ఈ చిత్రం రూపొందింది. ఇందులో సంజయ్ దత్, మౌని రాయ్ ప్రధాన పాత్రల్లో నటించారు. 

స్ట్రీమింగ్ తేదీ: జూలై 18

జియో హాట్ స్టార్

స్పెషల్ ఆప్స్ 2

హిమ్మత్ సింగ్ తన టీమ్‌తో కలిసి భారత్‌పై రాబోయే సైబర్ అటాక్‌ను అడ్డుకునే థ్రిల్లర్ కథాంశంతో ఈ వెబ్ సిరీస్ రూపొందింది. ఇందులో కేకే మీనన్ ప్రధాన పాత్రలో నటించారు. 

స్ట్రీమింగ్ తేదీ : జూలై 18

సన్ నెక్స్ట్ (Sun NXT )

మణిధర్గళ్ 

మద్యం మత్తులో ఆరుగురు స్నేహితులు చిక్కుల్లో పడే కథాంశంతో ఈ చిత్రం రూపొందింది. 

స్ట్రీమింగ్ తేదీ : జూలై 18