Prema Entha Madhuram: సూసైడ్ అటెంప్ట్ చేసిన నీరజ్.. చావు బతుకుల్లో ఉన్న ఆర్య!

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి రేటింగ్ ని సంపాదించుకుంటూ టాప్ సీరియల్స్ కి గట్టి పోటీని ఇస్తుంది. పరిస్థితులని చక్కబెట్టడం కోసం ప్రాణాల మీదకి తెచ్చుకున్న ఒక బిజినెస్ మాగ్నెట్  కధ ఈ సీరియల్. ఇక ఈరోజు ఏప్రిల్ 26 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో ఆయనని చూడకుండా ఉండలేను, నన్ను సార్ దగ్గరికి తీసుకెళ్లండి అని రిక్వెస్ట్ చేస్తుంది అను. దానికి అంత బ్రతిమాలడం ఎందుకు తీసుకు వెళ్తాను అంటాడు జెండే. సర్ కి దూరంగా నేను బ్రతకలేను అంటూ ఏడుస్తుంది అను. అది చూసిన నీరజ్ మరింత ఎమోషనల్ అవుతాడు. అటు దాదా బాధకి ఇటు వదినమ్మ బాధకి నేనే కారణం. ఇదంతా నా వల్లే అంటూ చచ్చిపోవటానికి ప్రయత్నిస్తాడు నీరజ్. జెండే అతనిని ఆపలేక పోతాడు. మీరు ఇలా చేస్తే నా మీద ఒట్టే అంటుంది అను. ఆ మాటకి చేతిలో ఉన్న కత్తి కింద పడేసి బాగా ఏడుస్తాడు నీరజ్. ఏంటి సర్ ఈ పిచ్చి పని మీకు ఏమైనా అయితే సర్ ఏమైపోవాలి. 

మీకేమైనా అయిందంటే ఆయన చేసిన త్యాగానికి అర్థం లేకుండా పోతుంది. ఆయన ఏం చేసినా మీ బాగు కోసమే చేశారు, అలాంటిది మీకు ఏమైనా అయిందంటే ఆయన తట్టుకోగలరా అంటూ నీరజ్ కి ధైర్యం చెబుతుంది. తరువాత నీరజ్ తో శారదమ్మని, మాన్సీని చూసుకోమని చెప్పి జెండే, అను ఇద్దరు ఆర్య దగ్గరికి బయలుదేరుతారు. జైల్లో ఆర్యని చూసిన అను కన్నీరు పెట్టుకుంటుంది. మీరు త్వరగా బయటికి వచ్చేయండి లేకపోతే నన్ను లోపలికి రానివ్వండి అంటూ  ఎమోషనల్ అవుతుంది. నేను బయటికి రావటం కాదు, నన్ను నమ్ముకుని ఉన్న కొన్ని వేల మందిని బయటికి తీసుకురావాలి.

నన్ను నమ్మి వాళ్ళ కష్టార్జితాన్ని ఇందులో ఇన్వెస్ట్ చేశారు అంటాడు ఆర్య. బయటి పరిస్థితులు ఏంటి అని జెండే ని అడుగుతాడు ఆర్య. ఊహించిన దానికన్నా చాలా దారుణంగా ఉన్నాయి. ఎంప్లాయిస్ అందరూ పానిక్ అవుతున్నారు, గంట గంటకి మన షేర్లు పడిపోతున్నాయి అంటాడు జెండే. బెయిల్ సంగతి ఏమైంది అంటాడు ఆర్య. కమిషన్ వేశారు కదా అంతవరకు బెయిల్ దొరకడం కష్టం అంటున్నారు. ఆఖరికి మినిస్టర్ గారితో కూడా చెప్పించాను కానీ పని అవ్వలేదు అంటాడు జెండే. నేను బయటికి రావాలి జెండే లేదంటే పరిస్థితులు మరింత దిగజారుతాయి. ఒక్కరోజు ఆలస్యమైనా దాని పరిణామం చాలా తీవ్రంగా ఉంటుంది నేను ఎలాగైనా బయటికి రావాలి అంటాడు ఆర్య. 

అదెలా సాధ్యం అంటాడు జెండే. ఏదో ప్లాన్ చెప్తాడు ఆర్య. ఒక్కసారిగా షాక్ అవుతారు అను, జెండే. ఏం మాట్లాడుతున్నావ్ అది నీ ప్రాణానికే ప్రమాదం అంటాడు జెండే. నేను ఒప్పుకోను సార్,  ఈ  కష్టానికి నేను తట్టుకోలేకపోతున్నాను. అలాంటిది మీకు ఏమైనా అయిందంటే నేను భరించలేను. ఏం పోయినా సంపాదించుకోవచ్చు కానీ ప్రాణం పోతే సంపాదించుకోలేము అంటుంది అను. నమ్మకమే ప్రాణం అను. రేపు బిడ్డ పుట్టిన తర్వాత ఆ బిడ్డకి నన్ను ఒక దొంగ అని పరిచయం చేస్తావా, బయటికి వచ్చి నా మీద ఉన్న నిందలన్నీ పోగొట్టుకోవాలి.

మన కంపెనీని మళ్లీ మామూలు స్థితికి తేవాలి అంటాడు ఆర్య. ఇది రిస్క్ తో కూడుకున్న వ్యవహారం అంటుంది అను. రేపు నువ్వు బిడ్డని కనడం కూడా రిస్కే అందుకని కనడం మానేస్తావా ఇది కూడా అలాంటిదే అంటాడు ఆర్య. నువ్వు నమ్మకంతో చేసిన ఏ పనిలో ఓడిపోలేదు యు కెన్ డు ఇట్ అంటాడు జెండే. అను వాళ్ళు బయటికి వెళ్లిపోతే ఆర్య లోపలికి వచ్చి కరెంట్ ప్లగ్ లో చెయ్యి పెట్టేస్తాడు.

ప్రాణాపాయ స్థితిలో ఉన్న అతనిని హాస్పిటల్ కి తీసుకువెళ్తారు. ట్రీట్మెంట్ చేసిన డాక్టర్లు బయటికి వచ్చి అతను ట్రీట్మెంట్ కి రెస్పాండ్ అవ్వట్లేదు బాడీ అంతా ప్యారలైజ్ అయింది బ్రతకడం కష్టం అని బయట ఉన్న అనుకి, జెండే కి చెప్తారు. విషయం తెలుసుకుని నీరజ్ వాళ్లు అక్కడికి వస్తారు. డాక్టర్ చెప్పింది విని వాళ్లు కూడా నిర్ధాంత పోతారు. మరోవైపు మదన్ కి ఎవరో ఫోన్ చేసి టీవీలో న్యూస్ చూడండి అని చెప్తాడు.

న్యూస్ చూసిన మదన్.. ఆర్య చావు బతుకుల్లో  ఉన్నాడని తెలుసుకొని ఆనందపడతాడు. అదే విషయాన్ని అంజలికి కూడా చూపించి మీ హీరో చావు బతుకుల్లో ఉన్నాడు. ప్రమాదవశాత్తు జరిగిందో లేకపోతే అవమానానికి కావాలనే అలా చేసుకున్నాడో అంటూ వెటకారంగా మాట్లాడుతాడు మదన్. కోపంతో అతని మీద కేకలు వేస్తుంది అంజలి. మరోవైపు ఆర్య బెడ్ మీద అచేతనంగా పడి ఉంటాడు. తర్వాత ఏం జరిగిందో రేపటి ఎపిసోడ్ లో చూద్దాం.