నటి పవిత్ర లోకేష్ పేరు కొద్ది రోజులుగా మీడియాలో మారుమ్రోగుతుంది. నటుడు నరేష్ ని ఆమె వివాహం చేసుకున్నారని అధికారిక సమాచారం లేకున్నప్పటికీ వీరి మధ్య రిలేషన్ ఉందన్న మాట గట్టిగా వినిపిస్తోంది. రహస్య వివాహం చేసుకున్న ఈ జంట పుణ్యక్షేత్రాల దర్శనం కూడా చేస్తున్నారనేది టాక్.
కాగా పవిత్ర(Pavitra Lokesh)తో పెళ్లి వార్తలపై నరేష్ మాట్లాడు. వివాహ వ్యవస్థ అనవసరం. పది మందిలో ఆరుగురు విడిపోతున్నారు. నా లైఫ్ స్టైల్ కారణంగానే మూడు సార్లు విడాకులు అయ్యాయి. సెలెబ్రిటీలం కాబట్టి మా పెళ్లిళ్ల గురించి మాట్లాడుకుంటున్నారు. సమాజంలో ఎవరూ రెండు మూడు పెళ్లిళ్లు చేసుకోవడం లేదా? అంటూ ఎదురుదాడికి దిగాడు. అయితే పవిత్ర లోకేష్ ని వివాహం చేసుకుందీ లేంది మాత్రం క్లారిటీ ఇవ్వలేదు.
పవిత్ర లోకేష్ మొదటి భర్త నుండి అధికారికంగా విడాకులు తీసుకోలేదు. ఆ కారణంగానే నరేష్ (Naresh), పవిత్ర రహస్య వివాహం చేసుకున్నారు. విడాకులు వచ్చిన తర్వాత అధికారికంగా ప్రకటిస్తారనే ఒక వాదన ఉంది. ఈ క్రమంలో అసలు పవిత్ర మొదటి భర్త ఎవరు ఆయన నేపథ్యం ఏమిటో తెలుకోవాలని చాలా మంది ఆసక్తి చూపిస్తున్నారు. ఆ వివరాలేమిటో చూద్దాం..
పవిత్ర లోకేష్ భర్త సుచేంద్ర ప్రసాద్ కన్నడ పరిశ్రమకు చెందిన నటుడు, ఆయన రచయిత, దర్శకుడు కూడాను. 2002లో మల్లికా ప్రసాద్ సిన్హా అనే అమ్మాయిని అతడు వివాహం చేసుకున్నారు. వీరికి 2006లో విడాకులు అయ్యాయి. అనంతరం 2007లో పవిత్ర లోకేష్ ని ప్రేమ వివాహం చేసుకున్నారు. వీరికి ఇద్దరు సంతానం. దాదాపు మూడేళ్ళుగా సుచేంద్ర ప్రసాద్ తో పవిత్ర వేరుగా ఉంటున్నట్లు సమాచారం. వీరి మధ్య మనస్పర్థలు తలెత్తగా విడాకులు తీసుకోవాలని అనుకుంటున్నారట. అయితే సుచేంద్ర ని పవిత్ర ప్రేమించి పెళ్లి చేసుకోవడం విశేషం.
ఓ ఐదేళ్ల క్రితం ఇంటర్వ్యూలో భర్త సుచేంద్ర తో ప్రేమ, పెళ్లి ఎలా జరిగాయో వివరించారు. మేమిద్దరం కలిసి ఒక సీరియల్‌లో నటించాం. అది స్నేహమో, ప్రేమో, గౌరవమో తెలీదు గానీ.. ఒకరిపై ఒకరికి ఉన్న అభిమానం కలిగింది. ఇద్దరం ఇష్టపడి పెళ్లి చేసుకున్నాం. ఆయన చాలా గొప్ప వ్యక్తి. నాతో పోల్చుకుంటే చేసుకుంటే ఆయన చాలా గొప్ప వ్యక్తి, అలాంటి వ్యక్తిని మరొకరిలో చూడలేం. ఆయనలో ఒక్క లోపాన్ని కూడా కనిపెట్టలేం. ఆయన నాతో ఎంతో గౌరవంతో మెలుగుతారు, అని పవిత్ర తెలిపారు.
ఆయన రచయిత, దర్శకుడు, నటుడు కూడా. కానీ, నాకు ఆయన నటుడిగానే నచ్చుతారు. ఇద్దరు కలిసి జంటగా నటించే అవకాశం వచ్చింది. కానీ, ఇద్దరం ఒకేసారి షూటింగ్‌కు వెళ్తే పిల్లలను చూసుకోడానికి ఎవరూ ఉండరని.. ఆ అవకాశాలను వదులుకొనేవాళ్లం. అలాంటి భర్త దొరికినందుకు నేను చాలా లక్కీ. కొంచెం టైమ్ ఉన్నా సరే సుచేంద్ర నాకు వండి పెట్టేస్తారు. ఇంట్లో అన్ని పనులు ఆయన చేస్తారు.
ఆయన నేను తనకే సొంతమని భావించేవారు. అందుకే, నా సినిమాలు కూడా చూసేవారు కాదు. నేను కూడా ఏ రోజు ఒత్తిడి చేయలేదు. నా సినిమాల్లో మీకు నచ్చిన చిత్రం ఏమిటని కూడా అడగలేదు. ఆయన కూడా తనకు ఏ సినిమా నచ్చిందనే విషయాన్ని చెప్పరు. ఇంట్లో ఉన్నప్పుడు మా సినిమాలు గురించి మేం మాట్లాడుకోము అని పవిత్ర తెలియజేశారు. ఆమె మాటలను బట్టి సుచేంద్ర ఆమె ఆమెకు చాలా ప్రేమాభిమానాలు ఉన్నాయి. అలాంటి వీరి మధ్య మనస్పర్థలు ఎందుకు వచ్చాయనేది ఆసక్తికరం.