ఎన్టీఆర్ పేరు వచ్చేలా గీతా మాధురి కొడుక్కి నామకరణం.. నందు ఇంట సంబరాలు చూశారా..

తాజాగా నందు, గీతా మాధురి కొడుక్కి బారసాల కార్యక్రమం ఘనంగా జరిగింది. పలువురు సెలెబ్రిటీలు అతిథులుగా హాజరయ్యారు. బుల్లితెర నటీనటులు, వెండితెర సెలెబ్రిటీలు, బంధువులు ఈ కార్యక్రమానికి అతిథులుగా హాజరయ్యారు.

టాలీవుడ్ ఫేమస్ సెలబ్రిటీ కపుల్ సింగర్ గీతా మాధురి, నటుడు నందు జంట ఇటీవల మరోసారి తల్లిదండ్రులు అయ్యారు. ఆల్రెడీ ఈ దంపతులకు ఒక కుమార్తె ఉంది. కుమార్తె పేరు ప్రకృతి. టాలీవుడ్ లో గీతా మాధురి సింగర్ గా రాణిస్తోంది. ఇక నందు యాంకర్ గా, నటుడిగా రాణిస్తున్నారు. 

గీతా మాధురి గర్భవతి అయినప్పటి నుంచి బేబీ బంప్ ఫోటోలని సోషల్ మీడియాలో షేర్ చేస్తున్నారు. అయితే ఇటీవల గీతా మాధురి సీమంతం వేడుక వైభవంగా జరిగింది. నందు అయితే స్వయంగా వంటకాలు వండి 800 మందికి అన్నదానం చేశారు. ఫిబ్రవరి 10న గీతా మాధురి పండంటి మగబిడ్డకు జన్మనిచ్చింది. దీనితో నందు కుటుంబం సంతోషంలో మునిగిపోయారు. 

తాజాగా నందు, గీతా మాధురి కొడుక్కి బారసాల కార్యక్రమం ఘనంగా జరిగింది. పలువురు సెలెబ్రిటీలు అతిథులుగా హాజరయ్యారు. బుల్లితెర నటీనటులు, వెండితెర సెలెబ్రిటీలు, బంధువులు ఈ కార్యక్రమానికి అతిథులుగా హాజరయ్యారు. ఆ దృశ్యాలని నందు, గీతా మాధురి ఇద్దరూ ఇన్స్టాగ్రామ్ స్టోరీలో పోస్ట్ చేశారు. 

గీతా మాధురి, నందు తమ కొడుక్కి పేరు కూడా చాలా క్రేజీగా పెట్టారు. ఎన్టీఆర్ పేరు వచ్చేలా నామకరణం చేయడం విశేషం. నందు, గీతా మాధురి కొడుకు పేరు 'ధృవధీర్ తారక్'. పేరులో తారక్ అని రావడంతో సోషల్ మీడియాలో నెటిజన్లు ఆసక్తికరంగా చర్చించుకుంటున్నారు. పేరు చాలా బావుంది అని కామెంట్స్ పెడుతున్నారు. 

గీతా మాధురి, నందు కొడుకు బారసాల సందర్భంగా బిగ్ బాస్ యూనిట్, నటి హరితేజ, యాంకర్ రష్మీ సింగర్ కౌశల్య లాంటి వారంతా శుభాకాంక్షలు తెలిపారు. గీతా మాధురి బిగ్ బాస్ సీజన్ 2లో రన్నరప్ గా నిలిచిన సంగతి తెలిసిందే. 

తనయుడు బారసాల కార్యక్రమం కావడంతో నందు, గీతా మాధురి ఇద్దరూ సాంప్రదాయ వస్త్ర ధారణలో మెరిసిపోతున్నారు. తమ కొడుకుని ఆప్యాయంగా చేతుల్లోకి తీసుకుని మురిసిపోతున్నారు. ఈ దృశ్యాలు సోషల్ మీడియాలో వైరల్ అవుతున్నాయి.