మోక్షజ్ఞ లుక్ మారేది ఇంకెప్పుడు.. వైరల్ పిక్, నందమూరి ఫ్యాన్స్ లో నిరాశ..

నందమూరి మోక్షజ్ఞ సినీ రంగ ప్రవేశం గురించి చాలా రోజులుగా చర్చ జరుగుతోంది. కానీ అది వాయిదా పడుతూనే ఉంది. ఈ ఏడాది అయినా మోక్షజ్ఞ తొలి చిత్రం ఉంటుందేమోనని నందమూరి అభిమానులు ఆశిస్తున్నారు. గత నాలుగేళ్లుగా మోక్షజ్ఞ టాలీవుడ్ ఎంట్రీ గురించి ఇదిగో అదిగో అంటూ రూమర్స్ వినిపిస్తూనే ఉన్నాయి. 

కానీ ఆ  దిశగా ప్రయత్నాలు కనిపించడం లేదు. మోక్షజ్ఞ హీరో కావాలంటే బాడీ ట్రాన్స్ఫర్మేషన్ తప్పనిసరి. కానీ ప్రస్తుతం మోక్షజ్ఞ హీరోకి ఉండాల్సిన లుక్ లో కనిపించడం లేదు. ఆ మధ్యన బర్త్ డే వేడుకల సందర్భంగా మోక్షజ్ఞ పిక్స్ వైరల్ అయ్యాయి. తాజాగా బాలకృష్ణ, గోపీచంద్ మలినేని టర్కీ షెడ్యూల్ పూర్తయింది. ఈ సందర్భంగా మోక్షజ్ఞ పిక్ మరొకటి సోషల్ మీడియాలో వైరల్ అవుతోంది. 

ఈ పిక్ లో డైరెక్టర్ గోపీచంద్ మలినేని ఫ్యామిలీ, బాలకృష్ణ, వసుంధర దంపతులు, మోక్షజ్ఞ ఉన్నారు. మోక్షజ్ఞ వైట్ షర్ట్ ధరించి కనిపిస్తున్నాడు. మోక్షజ్ఞ బాడీలో ఇంకా ఫిట్ నెస్ కనిపించకపోవడంతో నందమూరి అభిమానులు తీవ్రంగా నిరాశకు గురవుతున్నారు. నటనలో ఏమైనా శిక్షణ తీసుకుంటున్నాడో లేదో కూడా తెలియదు. 

మోక్షజ్ఞ ఎంట్రీ సంబంధించిన హంగామా అయితే ఇప్పటివరకు ఏమీ లేదు. ఒకటి మాత్రం వాస్తవం.. ఒక భారీ చిత్రంతోనే మోక్షజ్ఞని లాంచ్ చేయాలని బాలయ్య భావిస్తున్నారు. మోక్షజ్ఞని 28 ఏళ్ల వయసు వచ్చేసింది. బ్యాగ్రౌండ్ లో నందమూరి వంశం ఉంది. అయినా ఇంకా కెరీర్ పై ఒక నిర్ణయానికి రాలేదు. ఈ ఆలస్యానికి కారణం ఏంటో తెలియక నందమూరి అభిమానులు తీవ్ర నిరాశలో ఉన్నారు. 

అయితే బాలయ్య 107వ చిత్రం షూటింగ్స్ లో మోక్షజ్ఞ ఇన్వాల్వ్ అవుతుండడం, సెట్స్ కి వెళుతుండడం కాస్త గుడ్ న్యూస్ అనే చెప్పాలి. ఇలా దగ్గరుండి బాలయ్య నటనలో మెళుకువలు నేర్పుతున్నాడేమో. 

నటనలో తండ్రి వారసత్వాన్ని బాలయ్య అందిపుచ్చుకోగా.. ఆ తర్వాత జూ. ఎన్టీఆర్, కళ్యాణ్ రామ్ దానిని కొనసాగిస్తున్నారు. మోక్షజ్ఞ ఆ వారసత్వాన్ని కొనసాగించగలడో లేదో తెలియాలంటే ముందు మొదటి చిత్రానికి సిద్ధం కావాలి.