నందమూరి కళ్యాణ్ రామ్ హీరోగా నటించిన చిత్రం డెవిల్. సంయుక్త మీనన్ హీరోయిన్ గా నటించింది. అభిషేక్ నామా దర్శకత్వం వహించారు. డిసెంబర్ 29న వరల్డ్ వైడ్ విడుదల చేశారు. క్రైమ్ థ్రిల్లర్ గా తెరకెక్కిన స్పై యాక్షన్ డ్రామా ప్రీమియర్ టాక్ ఎలా ఉందో చూద్దాం..
బింబిసార చిత్రంతో హిట్ కొట్టిన కళ్యాణ్ రామ్ కి అమిగోస్ రూపంలో ప్లాప్ పడింది. ఈసారి ఆయన స్పై యాక్షన్ డ్రామా ఎంచుకున్నారు. క్రైమ్, సస్పెన్స్, ఇన్వెస్టిగేటివ్ అంశాలతో డెవిల్ సినిమా తెరకెక్కింది. డెవిల్ విషయంలో కొన్ని వివాదాలు నడిచాయి. నవీన్ మేడారం దర్శకత్వంలో డెవిల్ ప్రారంభం అయ్యింది. తర్వాత ఆయన్ని తప్పించి, నిర్మాత అభిషేక్ నామా డైరెక్టర్ క్రెడిట్ తీసుకున్నారు. డెవిల్ సినిమా దర్శకుడిని నేనే అంటున్నాడు నవీన్ మేడారం.
ఇక డెవిల్ వరల్డ్ వైడ్ విడుదల చేశారు. యూఎస్ ప్రీమియర్స్ ఇప్పటికే ముగిశాయి. సోషల్ మీడియాలో డెవిల్ మూవీపై ప్రేక్షకులు స్పందిస్తున్నారు. డెవిల్ కథ విషయానికి వస్తే... బ్రిటిష్ పరిపాలనలో ఇండియాకు డెవిల్ (కళ్యాణ్ రామ్)పేరుతో ఒక ఏజెంట్ ఉండేవాడు. ఈ ఇంటెలిజెంట్, డెంజరస్ ఏజెంట్ కి బ్రిటిష్ ప్రభుత్వం ఒక అసైన్మెంట్ ఇస్తుంది. ఒక అమ్మాయి హత్యకు కారణం ఎవరో తెలుసుకోవాలని డెవిల్ ని ఆదేశిస్తారు.
మర్డర్ ఇన్వెస్టిగేషన్ స్టార్ట్ చేసిన డెవిల్ కి ఊహించని మలుపులు, సవాళ్లు ఎదురవుతాయి. ఒక అమ్మాయి హత్యను ఇన్వెస్టిగేట్ చేయడానికి ఏజెంట్ రావడం ఏమిటి? ఆ అమ్మాయిని ఎవరు చంపారు? ఎందుకు చంపారు? అనే ప్రశ్నల సమాహారమే డెవిల్ మూవీ.
డెవిల్ మూవీకి పాజిటివ్ టాక్ వినిపిస్తుంది. కళ్యాణ్ రామ్ పెరఫామెన్స్, కథ, కథనం ఆకట్టుకున్నాయని అంటున్నారు. ఫస్ట్ హాఫ్ కథ సెటప్ కి టైం తీసుకున్న దర్శకుడు సెకండ్ హాఫ్ అదరగొట్టాడు అంటున్నారు.
ఫస్ట్ హాఫ్ కంటే సెకండ్ హాఫ్ బాగుందని అంటున్నారు. కథలో మలుపులు అలరిస్తాయి. ఇన్వెస్టిగేషన్ సీన్స్ మెప్పించాయని అంటున్నారు. పీరియాడిక్ సెటప్ కూడా బాగా కుదిరిందని ఆడియన్స్ అభిప్రాయం.
ఏజెంట్ రోల్ లో కళ్యాణ్ రామ్ మంచి పెర్ఫార్మన్స్ ఇచ్చాడు. యాక్షన్ ఎపిసోడ్స్ బాగున్నాయి. హీరోయిన్ సంయుక్త మీనన్ తన పాత్ర పరిధిలో ఆకట్టుకున్నారు. మ్యూజిక్ డైరెక్టర్ హర్షవర్ధన్ రామేశ్వర్ అందించిన బీజీఎం కూడా బలం చేకూర్చింది అంటున్నారు.
మొత్తంగా ఏజెంట్ మూవీకి పాజిటివ్ టాక్ వినిపిస్తుంది. సంతృప్తి పరిచే పీరియాడిక్ స్పై యాక్షన్ అండ్ క్రైమ్ థ్రిల్లర్ అంటున్నారు. మెప్పించే అంశాలు సినిమాలో ఉన్నాయి. కళ్యాణ్ రామ్ కి హిట్ పడిందని అంటున్నారు. పూర్తి రివ్యూలో సినిమా రిజల్ట్ ఏమిటో చూద్దాం...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి