ఒకే టైటిల్ తో రెండు సినిమాలు చేసిన బాలకృష్ణ..ముఖ్యమంత్రి ఫైనల్ చేసిన కథ సూపర్ హిట్

నందమూరి బాలకృష్ణ ముందుగా తన తండ్రి ఎన్టీఆర్ చిత్రాల్లో నటిస్తూ ఆ తర్వాత సోలో హీరోగా మారారు. బాలకృష్ణ హీరోగా నిలదొక్కుకునే వరకు ఆయన తండ్రి ఎన్టీఆర్ కథలు ఫైనల్ చేసేవారు. 

NTR, Balakrishna

నందమూరి బాలకృష్ణ ముందుగా తన తండ్రి ఎన్టీఆర్ చిత్రాల్లో నటిస్తూ ఆ తర్వాత సోలో హీరోగా మారారు. బాలకృష్ణ హీరోగా నిలదొక్కుకునే వరకు ఆయన తండ్రి ఎన్టీఆర్ కథలు ఫైనల్ చేసేవారు. దర్శకులు ముందుగా ఎన్టీఆర్ కి కథ వినిపిస్తే.. ఆయన అవసరం అయితే మార్పులు సూచించేవారు. 

Nandamuri Balakrishna

నందమూరి బాలకృష్ణ ఒకే టైటిల్ తో రెండు సినిమా చేశారు. అదేంటంటే కథానాయకుడు చిత్రం. కథానాయకుడు 1984లో విడుదలై సూపర్ హిట్ అయింది. అదే టైటిల్ తో మరో చిత్రం కూడా చేశారు. కాకపోతే అది 'ఎన్టీఆర్ కథానాయకుడు' చిత్రం. ఎన్టీఆర్ బయోపిక్ మూవీ గా తెరకెక్కిన ఆ మూవీ డిజాస్టర్ గా నిలిచింది. ఈ రెండు చిత్రాల్లో ప్రత్యక్షంగా కానీ, పరోక్షంగా కానీ ఎన్టీఆర్ ప్రమేయం ఉండడం యాదృచ్చికం. 

1984లో విడుదలైన కథానాయకుడు చిత్ర కథని ఎన్టీఆర్ ఫైనల్ చేశారు. దీని వెనుక పెద్ద చరిత్రే ఉంది. సురేష్ ప్రొడక్షన్స్ బ్యానర్ లో సురేష్ బాబు.. బాలయ్యతో నిర్మించిన చిత్రం ఇది. మురళి మోహనరావు దర్శకత్వంలో ఈ చిత్రం తెరకెక్కింది. పరుచూరి బ్రదర్స్ కథ అందించారు. బాలకృష్ణతో సినిమా చేస్తున్నాం అని ఎన్టీఆర్ కి చెబితే తెల్లవారు జామున 4 గంటలకి ఇంటికి రమ్మని ఆయన పిలిచారట. ఆ టైంలో ఎన్టీఆర్ ముఖ్యమంత్రిగా ఉన్నారు. 

Balakrishna

సురేష్ బాబు, పరుచూరి బ్రదర్స్ తో కలసి ఎన్టీఆర్ దగ్గరకి వెళ్లారు. పరుచూరి బ్రదర్స్ కథ చెబుతుంటే ఎన్టీఆర్ ముఖ్యమైన అంశాలని వివిధ కలర్స్ లో నోట్ చేసుకుంటున్నారట. అరగంట బ్రేక్ తీసుకుని తిరిగి వచ్చి.. కథ ఇక్కడ వరకు జరిగింది.. అక్కడి నుంచే మొదలు పెట్టండి అని చెప్పారట. కథ మొత్తం విన్న తర్వాత ఎలాంటి మార్పులు అవసరం లేదు సినిమా ప్రారంభించండి అని ఎన్టీఆర్ గ్రీన్ సిగ్నల్ ఇచ్చినట్లు సురేష్ బాబు గుర్తు చేసుకున్నారు. విజయశాంతి ఈ చిత్రంలో హీరోయిన్ గా నటించింది.