Naga Chaitanya: అల్ట్రా స్టైలిష్ లుక్ లో చిన బంగార్రాజు.. నాగ చైతన్య కోసం జనసంద్రంగా మారిన రాజమండ్రి

నాగ చైతన్య రాజమండ్రిలో మెరిశాడు. ఓ షాపింగ్ మాల్ ఓపెనింగ్ కోసం నాగ చైతన్య రాజమండ్రి వెళ్లారు. అక్కడ నాగ చైతన్యని చూసేందుకు అభిమానులు జనసంద్రంలా మారారు.

అక్కినేని వారసుడు నాగచైతన్య ఇటీవల ఎక్కువగా వార్తల్లో ఉంటున్నాడు. సమంతతో బ్రేకప్ తర్వాత నాగచైతన్యపై మీడియా ఫోకస్ ఎక్కువైంది. గత ఏడాది అక్టోబర్ లో నాగ చైతన్య, సమంత విడాకులతో విడిపోయిన సంగతి తెలిసిందే. మనస్పర్థల కారణంగా వీరిద్దరూ విడిపోయారు. 

కానీ వీరిద్దరి డివోర్స్ గురించి మీడియాలో అనేక కథలు వెలువడ్డాయి. ఇప్పుడిప్పుడే ఇటు నాగ చైతన్య, అటు సమంత తమ వర్క్ పై ఫోకస్ పెట్టారు.సమంత వరుసగా కొత్త చిత్రాలకు సైన్ చేస్తోంది. ఇక చైతు తాను కమిటై ఉన్న చిత్రాలని ఫినిష్ చేస్తున్నాడు. గత ఏడాది చైతు లవ్ స్టోరీ చిత్రంతో సూపర్ హిట్ కొట్టాడు. అదే జోష్ తో తన తండ్రి నాగార్జునతో కలసి బంగార్రాజు చిత్రంతో సంక్రాంతికి సందడి చేసేందుకు రెడీ అవుతున్నాడు. 

ఇదిలా ఉండగా తాజాగా నాగ చైతన్య రాజమండ్రిలో మెరిశాడు. ఓ షాపింగ్ మాల్ ఓపెనింగ్ కోసం నాగ చైతన్య రాజమండ్రి వెళ్లారు. అక్కడ నాగ చైతన్యని చూసేందుకు అభిమానులు జనసంద్రంలా మారారు. సోషల్ మీడియాలో వైరల్ అవుతున్న విజువల్స్ ఆశ్చర్యంలో ముంచెత్తుతున్నాయి. చైతూకి ఫ్యాన్స్ లో ఎంతటి క్రేజ్ ఉందో ఆ దృశ్యాలు చెప్పకనే చెబుతున్నాయి. 

చైతు లుక్ సింపుల్ గా ఉన్నప్పటికీ అల్ట్రా స్టైలిష్ గా కనిపిస్తూ అభిమానులని ఆకట్టుకుంటున్నాడు. చైతు ఫోటోలు నెట్టింట వైరల్ గా మారాయి. ఈ కార్యక్రమంలో హీరోయిన్ ఫరియా అబ్దుల్లా కూడా పాల్గొంది. 

నాగ చైతన్య, నాగార్జున కలసి నటిస్తున్న బంగార్రాజు చిత్రం ఈ సంక్రాంతికి ప్రేక్షకుల ముందుకు రానుంది. ఈ చిత్రంలో ఫరియా అబ్దుల్లా స్పెషల్ సాంగ్ లో మెరిసింది. 

కళ్యాణ్ కృష్ణ దర్శకత్వంలో 'సోగ్గాడే చిన్ని నాయన' చిత్రానికి సీక్వెల్ గా బంగార్రాజు తెరకెక్కుతోంది. నాగార్జున సరసన రమ్యకృష్ణ నటిస్తుంటే.. చైతూకి జోడిగా కృతి శెట్టి నటిస్తోంది.