చిరంజీవి ఎదుగుదల మెచ్చలేక పోయిన సొంత తండ్రి, ఒక్కసారి కూడా ప్రశంసించలేదా? కారణం తెలుసా?

హీరో చిరంజీవి గొప్పతనం గురించి ఎంత చెప్పినా తక్కువే. ఆయన ఎందరికో స్ఫూర్తినిచ్చారు. అయితే సొంత తండ్రి మాత్రం చిరంజీవిని ఏనాడూ ప్రశంసించలేదట. బాగా నటించావని ఒక్కసారి కూడా అనలేదట.   

Chiraneevi

హీరోగా ఎదగడం అంత సులభం కాదు. చిత్ర పరిశ్రమలో తీవ్ర పోటీ ఉంటుంది. ఎక్స్ట్రార్డినరీ టాలెంట్, హార్డ్ వర్క్, కమిట్మెంట్ ఉన్నవాళ్లు మాత్రమే నిలబడతారు. గాడ్ పాదర్ లేకుండా స్టార్ కావడం అనితర సాధ్యం. అందరి అంచనాలు తలకిందులు చేస్తూ చిరంజీవి స్టార్ హీరో అయ్యారు. ఎన్టీఆర్ తర్వాత టాలీవుడ్ నెంబర్ వన్ హీరోగా చిరంజీవి రికార్డులకు ఎక్కాడు. 

చిరంజీవికి కెరీర్ బిగినింగ్ లో ఎన్నో అవమానాలు ఎదురయ్యాయి. నీ మొహానికి హీరో అవుదామని వచ్చావా... అని చెన్నై పాండి బజార్ లోని ఓ దుకాణం వాడు అన్నాడట. ఆ మాటలు చిరంజీవిని బాధించాయట. ఓ నిర్మాత అందరి ముందు.. నువ్వేమైనా స్టార్ అనుకున్నావా? నిన్ను ప్రత్యేకంగా పిలవాలా, ఇక్కడ ఉండొచ్చు కదా.. అని సెట్స్ లో గట్టిగా అరిచాడట. ఇలా చెప్పుకుంటూ పోతే చిరంజీవి పడ్డ కష్టాలు, అవమానాలు చాలా ఉన్నాయి. 

1978లో విడుదలైన ప్రాణం ఖరీదు చిత్రంతో సిల్వర్ స్క్రీన్ కి పరిచయమైన చిరంజీవి... 80ల నాటికి స్టార్ హీరో అయ్యాడు. తిరుగులేని స్టార్డం తెచ్చుకున్నాడు. చిరంజీవి సినిమా అంటే థియేటర్స్ హౌస్ఫుల్ అయ్యేవి. మాస్ ఆడియన్స్ లో ఆయనకు ఎక్కడ లేని ఫేమ్, ఫాలోయింగ్ వచ్చి పడింది. చిరంజీవి డేట్స్ కోసం నిర్మాతలు క్యూ కట్టేవారు. సన్మానాలు, సత్కారాలు, గౌరవాలు, బిరుదులు, సంపద, కీర్తి.. అన్నీ వచ్చాయి. 

చిరంజీవి ఇంత సాధిస్తుంటే.. ఆయన తండ్రి వెంకట్రావు మాత్రం ఒక్కసారి కూడా ప్రశంసించలేదట. ఈ విషయాన్ని చిరంజీవి తాజాగా వెల్లడించారు. ఆయన మాట్లాడుతూ..  తెలుగులో ఇంట గెలిచి రచ్చ గెలవాలి అని ఓ నానుడి ఉంది. నా విషయంలో రచ్చ గెలిచి ఇప్పుడు ఇంట గెలిచాను ఏమో అనిపిస్తోంది. నటుడిగా నేను ఎదుగుతున్న సమయంలో బయట ప్రేక్షకులు, సన్నిహితుల నుంచి ప్రశంసలు వచ్చేవి. అయితే ఇంటికి వెళ్లినప్పుడు మా నాన్న నా సినిమాలు చూసి పొగుడుతారేమో అని అనుకునేవాణ్ని. 

మా నాన్నకు నటన అంటే చాలా ఇష్టం. అలాంటి మా నాన్న నన్ను ఎందుకు పొగడరు అనిపించేది. ఓ రోజు ఇంటికి వెళ్లినప్పుడు నా కవర్‌ పేజీలతో కొన్ని పుస్తకాలు చూస్తున్నారు. నేను వెళ్లేసరికి తీసి పక్కన పడేశారు. ఫోటోలు బాగున్నాయిరా అని ఓ మాట అంటారేమో అని అనుకున్నాను. కానీ ఆయన అలా అనలేదు. 

Chiraneevi

లోపల ఉన్న అమ్మ దగ్గరకు వెళ్లి.. ‘ఏంటమ్మా నాన్న ఎప్పుడూ నా గురించి ఓ మాట అనరు, బాగుందని కూడా చెప్పరు’ అని అడిగాను. బయట రచ్చ ఎంత గెలిచినా సరే.. ఇంట గెలవడం లేదు అనిపిస్తోంది అని అన్నాను. దానికి అమ్మ ‘లేదురా నాన్న చాలా పొగుడుతారు. ఏం చేశాడు నా కొడుకు, అదరగొట్టేశాడు’ అని అంటుంటారు అని చెప్పింది. మరి నా దగ్గర ఆ మాటలు అనొచ్చు కదా అని అమ్మను అంటే ‘బిడ్డల్ని తల్లిదండ్రులు పొగడకూడదు. అది వారికి ఆయుక్షీణం’’ అని అమ్మ చెప్పింది. 

Chiraneevi

2024కి గాను అక్కినేని నాగేశ్వరరావు జాతీయ అవార్డు చిరంజీవికి ప్రకటించిన నేపథ్యంలో... ఈ అవార్డు ప్రదానం కార్యక్రమంలో చిరంజీవి ఈ వ్యాఖ్యలు చేశాడు. అమితాబ్ ముఖ్య అతిథిగా హాజరైన ఈ కార్యక్రమంలో అక్కినేని కుటుంబ సభ్యులు అందరూ పాల్గొన్నారు. అక్కినేని వారి కొత్త కోడలు శోభిత ధూళిపాళ్ల సైతం పాల్గొన్నారు. చిరంజీవికి శోభితను నాగార్జున ప్రత్యేకంగా పరిచయం చేయడం విశేషం. 

ప్రస్తుతం చిరంజీవి విశ్వంభర టైటిల్ తో మూవీ చేస్తున్నారు. 2025 సంక్రాంతికి విడుదల కావాల్సిన ఈ చిత్రం వాయిదా పడింది. సమ్మర్ కానుకగా విడుదల కానుంది. వశిష్ట దర్శకుడు కాగా.. చిరంజీవికి జంటగా త్రిష నటిస్తుంది. యూవీ క్రియేషన్స్ నిర్మిస్తున్నారు.