Krishna Mukunda Murari: ఏసిపి ప్రవర్తనకి షాకైన ముకుంద.. మాట నిలబెట్టుకోలేనంటూ ట్విస్ట్ ఇచ్చిన మురారి!

Krishna Mukunda Murari: స్టార్ మా లో ప్రసారం అవుతున్న కృష్ణ ముకుంద మురారి సీరియల్ మంచి కథ కథనాలతో ప్రేక్షకుల హృదయాలని గెలుచుకుంది. గతంలో ఓడిపోయిన ప్రేమని ప్రస్తుతంలో గెలుచుకోవాలని తపన పడుతున్న ఒక ప్రేమికుని కథ ఈ సీరియల్. ఇక ఈరోజు ఏప్రిల్ 11 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో మురారి చేత డోర్ ఓపెన్ చేయించుకుని కారులో కూర్చుంటుంది ముకుంద. మరోవైపు తన పెళ్లి జరుగుతుందో లేదో అంటూ టెన్షన్ పడుతాడు గౌతమ్. అదే విషయాన్ని తన కొలీగ్ కి చెప్తాడు. కృష్ణని నమ్ము తను మాట మీద నిలబడుతుంది అంటూ సలహా ఇస్తాడా కొలీగ్. ఆ మాటలుకి రిలాక్స్ అవుతాడు గౌతమ్. రిలాక్స్ అయ్యావు కదా సరే పదా మందేద్దాం అంటాడా కొలీగ్. నందిని దక్కదేమో అనుకొని తాగుడికి బానిస అయ్యాను. ఇప్పుడు తాగను అంటాడు గౌతమ్. సరే నువ్వు చెడిపోతే చెడిపోయావు కానీ నీ బాటిల్స్ అన్ని నాకు ఇచ్చేయి అంటాడు కొలీగ్.

చెత్త కుండీలో పడేసాను అని గౌతమ్ అనటంతో హర్ట్ అవుతాడా కొలీగ్. మరోవైపు ముకుందతో పాటు రెస్టారెంట్లో కూర్చుంటాడు మురారి. అటు పెద్దమ్మకి మాట ఇచ్చాను ఇటు కృష్ణ కి మాట ఇచ్చాను. ముహూర్తం మార్చుకోమని ఎవరికీ చెప్పలేను బాగా ఇరుక్కుపోయాను అనుకుంటాడు మురారి. ఆలోచనలో ఉన్న మురారితో ఇద్దరమే కలిసేదే తక్కువ ఈ టైంలో కూడా ఆలోచిస్తున్నావేంటి అంటుంది ముకుంద. అంతలోనే అక్కడికి వచ్చిన వెయిటర్ మీ ఇద్దరూ లవర్సా అని అడుగుతాడు. అవును కరెక్ట్ గా చెప్పావు వెళ్లి మా కోసం మంచి స్వీట్ తీసుకురా అంటుంది ముకుంద.

ముకుందని మందలిస్తాడు మురారి. మేడం మీకు కావాలంటే ఇక్కడ సపరేటు రూమ్స్ కూడా ఉన్నాయి కావాలంటే కర్టెన్ వేసేస్తాను అంటాడు వెయిటర్. ఏం మాట్లాడుతున్నావు అంటూ వెయిటర్ కాలర్ పట్టుకుంటాడు మురారి. అందరూ చూస్తున్నారు వదిలేయమంటుంది ముకుంద. అతనిని వదిలేసిన మురారి అందుకే నీతో బయటికి రాను పబ్లిక్ న్యూసెన్స్ ఎందుకని అతనిని వదిలేసాను అంటాడు మురారి. ఇంతలోనే స్వీట్ తీసుకుని వస్తాడు వెయిటర్. ముకుంద, మురారి కి తినిపించబోతే ఇంక ఆటలు చాలు ఇలా చేయడం నావల్ల కాదు అంటాడు మురారి. 

ఇక్కడ అందరూ మనం ప్రేమికులమనే అనుకుంటున్నారు అంటుంది ముకుంద. వాళ్లెవరు అనుకోటానికి మనకి మనస్సాక్షి ఉండాలి కదా అంటాడు మురారి. అయినా ముకుంద స్వీట్ తినిపించబోతే స్పూన్ విసిరేస్తాడు మురారి. అక్కడ ఉన్న అందరూ వీళ్ళని ఆశ్చర్యంగా చూస్తారు. బిల్ పే చేసి మురారి అక్కడ నుంచి వెళ్ళిపోతాడు. ముకుంద కూడా అతనిని ఫాలో అవుతుంది.మరోవైపు భవాని వాళ్ళు ఏం ప్లానింగ్ చేస్తున్నారో అంటూ ఆలోచనలో పడుతుంది కృష్ణ. కొంపతీసి నందిని పాస్పోర్ట్ పనులు అవి ఏసిపి సార్ కి అప్పగించారా అనుకుంటుంది. నాకు నిజం తెలిసిపోయిందని ఈ పాటికి వాళ్ళకి తెలిసిపోయి ఉంటుంది అయినా పరవాలేదు.

ప్రతిక్షణం పెద్దతయ్య వాళ్ళని గమనిస్తూ ఉండాలి. వాళ్ల ప్లాన్ ఏంటో తెలిసే వరకు సిద్ధూ నందుల ప్రేమ విషయం ఏసిపి సర్ కి తెలియకూడదు అనుకుంటుంది కృష్ణ. మరోవైపు ఇంటికి వచ్చిన ముకుంద షాపింగ్ స్టఫ్ అంతా కారులోనే ఉంచమంటుంది. ఎందుకు అని మురారి అడిగితే పెళ్లి విషయం ఇంట్లో ఎవరికీ తెలియకూడదు అని పెద్ద అత్తయ్య చెప్పారు కదా అంటుంది. సరే అంటూ వచ్చేస్తుంటాడు మురారి. అతని అడుగులో అడుగు వేసుకుంటూ వస్తున్న ముకుందని చూసి కోపంతో రగిలిపోతుంది రేవతి. మీ ఇద్దరు ఎక్కడి నుంచి వస్తున్నారు అని అడుగుతుంది. షాపింగ్ కి వెళ్ళాము అంటుంది ముకుంద. 

కోపంతో అక్కడినుంచి వెళ్ళిపోతుంది రేవతి. అప్పుడే అక్కడికి వచ్చిన భవాని సక్రమంగా అవుతున్నాయా అని అడుగుతుంది. అన్ని సవ్యంగానే సాగుతున్నాయి అని చెప్పి డాబా మీదకి వెళ్ళిపోతాడు మురారి. కృష్ణని కొంచెం కంట్రోల్ చేయండి లేకపోతే సొంత నిర్ణయాలు ఎక్కువైపోతున్నాయి అంటూ భవానికి చెప్తుంది ముకుంద. కృష్ణ దగ్గర నందిని పెళ్లి విషయం దాస్తున్నందుకు గిల్టీగా ఫీల్ అవుతాడు మురారి. అప్పుడే కాఫీ కోసం కిందికి దిగిన కృష్ణతో హాస్పిటల్ లో నువ్వు వెళ్లిన పని పూర్తయిందా అంటుంది భవాని. వెళ్లిన పని ఎప్పుడూ పూర్తి చేసుకునే వస్తాను ఇప్పుడిప్పుడే ఆపరేషన్ పనులు కూడా ప్రారంభించాను అంటుంది కృష్ణ.

గ్యారెంటీగా ఆపరేషన్ సక్సెస్అయి తీరుతుంది అంటుంది. విషయం అర్థం కాని ముకుంద నువ్వు జూనియర్ డాక్టర్ వి ఆపరేషన్ చేస్తే పేషెంట్ పైకి పోతాడు ఉంటుంది. పేషెంట్ పెద్దవారు వారు బాగుండాలని కోరుకో అంటూ భవానీని చూస్తూ అంటుంది కృష్ణ. తరువాయి భాగంలో కృష్ణని చూస్తూ ఎందుకో ఈ మధ్య తనతోనే ఎక్కువగా టైం స్పెండ్ చేయాలనిపిస్తుంది అనుకుంటాడు. కృష్ణ దగ్గరికి వచ్చి గౌతమ్ కి ఇచ్చిన మాటని నిలబెట్టుకోలేకపోతున్నాను అంటూ ట్విస్ట్ ఇస్తాడు మురారి.