Krishna Mukunda Murari: టెన్షన్తో వణికిపోతున్న మురారి.. అసలు విషయం తెలుసుకొని షాకైన కృష్ణ!

Krishna Mukunda Murari: స్టార్ మా లో ప్రసారమవుతున్న కృష్ణ ముకుందా మురారి మంచి టిఆర్పి రేటింగ్ ని సంపాదించుకుంటూ ప్రేక్షకుల హృదయాలని గెలుచుకుంటుంది. ఒకరిని ప్రేమించి మరొకరిని పెళ్లి చేసుకున్న ఒక పోలీస్ ఆఫీసర్ కథ ఈ సీరియల్. ఇక ఈరోజు మే 29 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో బయట పని ఉంది వెళ్తాను అంటాడు మురారి. బయట పాన్ తిని చాలా రోజులైంది నేను కూడా వస్తాను అంటాడు ప్రసాద్. మేము కూడా వస్తాము అంటూ బయలుదేరుతారు అలేఖ్య, మధు. ఇంతమంది నా వెనుక వస్తే వెళ్ళిన పని అవ్వదు అనుకోని అప్పుడే ఫోన్ వచ్చిన వాడిలాగా చెవి దగ్గర పెట్టుకొని ఇప్పుడు రానక్కర్లేద రేపు కలవమంటారా  అంటూ ఫోన్ పెట్టేస్తాడు మురారి.

 నేను ఇప్పుడు బయటకు వెళ్లక్కర్లేదు అంట డీసీపీ గారు రేపు కలవమన్నారు మీ బాలు మీరే తెచ్చుకోండి అంటూ పైకి వెళ్ళిపోతాడు మురారి. అతను టెన్షన్ పడటం అబ్జర్వ్ చేస్తుంది కృష్ణ. తన గదిలోకి వెళ్లిన మురారి ఈ పుస్తకం కృష్ణ కంటపడిందంటే తనకి నాకు మధ్య దూరం పెరిగిపోతుంది. అసలు కృష్ణ నన్ను ప్రేమిస్తుందో లేదో బయటపడితే బాగున్ను ఒకవేళ ఇష్టపడితే మాత్రం ఈ పుస్తకం కంటపడితే పెద్ద ప్రాబ్లమే అవుతుంది.

ఇప్పుడు దీనిని ఎక్కడ దాయటం అనుకుంటాడు. ఈ పుస్తకాన్ని నా బట్టల ర్యాక్ లో పెడితే తను నా బట్టల రాక్   పెద్దగా ముట్టుకోదు కాబట్టి ప్రాబ్లం ఉండదు అనుకొని అక్కడ పెట్టేస్తాడు. అదే సమయంలో కిందన పాలు కలుపుతూ ఎందుకు ఏసిపి సర్ అంత కంగారు పడుతున్నారు. నా దగ్గరే కాదు ఇంట్లో వాళ్ళ అందరి దగ్గర అలాగే  ఉన్నారు అంత కంగారు పడవలసిన విషయం ఏముంది అనుకుంటుంది కృష్ణ. పాలు తీసుకొని వెళ్లేసరికి మురారి పడుకొని ఉంటాడు.

అదేంటి అప్పుడే పడుకున్నారు అనవసరంగా పాలు వేస్ట్ అయిపోయాయి అనుకుంటుంది. అక్కడే ఉన్న మురారి బట్టల్ని తీసుకువెళ్లి అతని రాక్ లో పెట్టడానికి వెళ్తుంది కృష్ణ. ఎక్కడ తనకంట పడుతుందని అక్కడ దాచాను అక్కడికే తను వెళుతుంది అని కంగారు పడతాడు మురారి. మురారి రాక్ లో బట్టలు పెడితే మొత్తం బట్టలన్నీ కిందన జారిపోతాయి. బట్టలన్నీ తెచ్చి మంచం మీద పడుతుంది కృష్ణ. ఆ బట్టలోనే డైరీ ఉండటంతో మరింత కంగారు పడతాడు మురారి.

దిగ్గున లేచి కూర్చుంటాడు. అదేంటి మీరు పడుకోలేదా అని కంగారుగా అడుగుతుంది కృష్ణ. పడుకున్నాను కానీ కలలో ఏదో కూంబింగ్  జరుగుతుంటే మెలకువ వచ్చేసింది అంటాడు మురారి. మీరు మరీ ఇంత సిన్సియర్ అయితే ఎలా కలలో కూడా డ్యూటీ చేసినంత మాత్రాన ఓటీ ఇవ్వరు పడుకోండి అంటుంది కృష్ణ. నిద్ర రావట్లేదు ఈ బట్టలు నేనే మడత పెడతాను అంటూ కృష్ణ ని అడ్డు తప్పుకోమంటాడు. మీరు ఎందుకు ఇంత కంగారు పడతారు కిందను కూడా అలాగే ప్రవర్తించారు.

ఇప్పుడు కూడా అలాగే చేస్తున్నారు అసలు ఏంటి మీ ప్రాబ్లం అంటుంది కృష్ణ. అలాంటిదేమీ లేదు పడుకునే ముందు నువ్వు ఫ్రెష్ అవుతావు కదా వెళ్లి ఫ్రెష్ అవ్వు అని పంపించేస్తాడు మురారి. తను బయటకు వచ్చేలోపు ఆ పుస్తకాన్ని పరుపు కింద పెట్టేస్తాడు. మరోవైపు హలో కి దగ్గరికి వెళ్లి చూసావా నీ మొగుడు ఎంత టాలెంటెడో మనం కూడా రీల్స్ చేద్దామా అంటాడు మధు.

నాతో ఎందుకు చేస్తావు వెళ్లి కృష్ణ వాళ్లతో చెయ్యు అంటుంది అలేఖ్య. ఈమధ్య భార్యాభర్తలు కూడా చేస్తున్నారు నువ్వు కొంచెం బండగా కొంచెం పొట్టిగా ఉంటావు కానీ అయినా పర్వాలేదు అంటాడు మధు. కొంచెం కొంచెం అంటూనే చాలా లోపాలు చెప్తున్నావు అలా కాదు గాని నేను ఒక కాన్సెప్ట్ చెప్తాను తాగుబోతు మొగుడు గయ్యాలి పెళ్ళాం అంటూ కాన్సెప్ట్ చెప్తుంది అలేఖ్య. సరే యాక్టింగ్ ఇరగ తీద్దామనుకుంటాడు మధు.

 తాగుబోతు మొగుడిని కొట్టినట్లుగా నిజంగానే చాకిరేవు పెడుతుంది అలేఖ్య. తెల్లారే లేచి ఒళ్ళు నొప్పులతో బాధపడతాడు మధు. రోడ్ రోలర్ పైన పడినట్లుగా ఉంది పగవాడికి కూడా ఇలాంటి కష్టం రాకూడదు అనుకుంటాడు. అక్కడే ఉన్న అలేఖ్య మళ్ళీ వచ్చి మొగుడిని భయపెట్టి మళ్లీ నన్ను పొట్టిది, లావుగా ఉన్నాను అంటే బాగోదు అంటూ హెచ్చరించి వెళ్లిపోతుంది. మరోవైపు బెడ్ క్లీన్ చేస్తున్న కృష్ణకి డైరీ దొరుకుతుంది. అది చదివిన కృష్ణ ఎసిపి సార్  జీవితంలో మరొక అమ్మాయి ఉందా అంటూ షాక్ అవుతుంది.

 మొన్నటి వరకు అగ్రిమెంట్ అయిపోతే వెళ్ళిపోదాం అనుకున్నాను. నిన్నటి నుంచి ఇక్కడే ఉండిపోదామనుకున్నాను. కానీ ఇప్పుడు నా మనసులో ఉన్న ప్రేమని ఎలా చెప్పాలి అనుకుంటూ బాధపడుతుంది. తరువాయి భాగంలో నా జీవితంలో మొదటిసారి ప్రేమ పుట్టింది కానీ నా ప్రేమకి ఆయుష్షు లేదు అంటూ వర్షంలో తడుస్తూ ఏడుస్తుంది కృష్ణ. అది గమనించిన మురారి ఏంటిది లోపలికి రా అంటాడు. నా జీవితంలో సమాధానం లేని ప్రశ్నలు చాలా ఉన్నాయి వాటిని కనుక్కోవాలంటే నా జీవితం సరిపోయేలాగా ఉంది అని ఏడుస్తుంది కృష్ణ.