బుల్లితెర ప్రేక్షకులకు, ఓటీటీ ఆడియన్స్ కి వినోదం అందించేందుకు విభిన్నమైన ప్రయత్నాలు జరుగుతున్నాయి. సినిమాలు, వెబ్ సిరీస్ లు మాత్రమే కాకుండా రియాలిటీ షోలపై మేకర్స్ దృష్టి పెడుతున్నారు.
బుల్లితెర ప్రేక్షకులకు, ఓటీటీ ఆడియన్స్ కి వినోదం అందించేందుకు విభిన్నమైన ప్రయత్నాలు జరుగుతున్నాయి. సినిమాలు, వెబ్ సిరీస్ లు మాత్రమే కాకుండా రియాలిటీ షోలపై మేకర్స్ దృష్టి పెడుతున్నారు. ఈ క్రమంలోనే బిగ్ బాస్ తరహా షోలు ఎక్కువవుతున్నాయి. ఆ క్రమంలో లాకప్, ఎమ్ టీవీ రోడీస్, స్ప్లిట్స్ విల్లా లాంటి షోలు అలరిస్తున్నాయి.
కాగా శనివారం రోజు ఎమ్ టీవీ రోడీస్ కొత్త సీజన్ ప్రారంభం అయింది. ఈ షోలో స్ప్లిట్స్ విల్లాలో కంటెస్టెంట్ గా పాల్గొన్న భూమిక వశిష్ట్ కూడా ఎంట్రీ ఇచ్చింది. అయితే ప్రేక్షకులకు వినోదాన్ని అందించే క్రమంలో ఈ తరహా రియాలిటీ షోలలో సంచలనాలకు తెర తెలుపుతున్నారు. రియాలిటీ షో మేకర్స్ పాపులారిటీ కోసమో లేక నిజంగానే చేస్తున్నారో తెలియదు కానీ.. కంటెస్టెంట్స్ బోల్డ్ గా ప్రవర్తించడం ఎక్కువైంది.
ఎవరైనా తమ లవ్ ఎఫైర్స్ గురించి బయట పెడితే పర్వాలేదు. కానీ ఏకంగా పబ్లిక్ చెప్పకూడని విషయాలు కూడా చెప్పేస్తున్నారు. భూమిక వశిష్ట్ ఎమ్ టివి రోడీస్ లో చేసిన వ్యాఖ్యలు దుమారం రేపుతున్నాయి. తన పర్సనల్ లైఫ్ లో జరిగిన చేదు అనుభవాన్ని అందరి ముందు రివీల్ చేసింది.
తాను డ్యాన్స్ షోల ద్వారా పాపులర్ అయ్యాక తన గ్లామర్ ని ఇమేజ్ ని కాపాడుకునేందుకు డబ్బు బాగా అవసరం అయ్యేదట. కానీ సంపాదన తక్కువ కావడంతో డబ్బు సరిపోలేదు అని భూమిక పేర్కొంది. దీనితో గ్లామర్ మెయింటెనెన్స్ కోసం అప్పు చేయడం మొదలు పెట్టాను.
ఒకసారి అప్పు బాగా ఎక్కువైపోయింది. కానీ నా సంపాదనతో ఆ అప్పు తీర్చడం సాధ్యం కాదు. ఇక తప్పని పరిస్థితుల్లో ఒక తప్పు చేశాను. తాను బట్టలు విప్పి ఆ వీడియో ఒక యాప్ లో పోస్ట్ చేయడం ద్వారా డబ్బు సంపాదించాలనుకున్నా. కానీ ఆ వీడియోను ఆన్లైన్ లో లీక్ చేశారు. దీనితో తలెత్తుకోలేని పరిస్థితి. చాలా రోజుల పాటు డిప్రెషన్ లోకి వెళ్ళా అంటూ తాను చేసిన తప్పుని పబ్లిక్ గా ఒప్పేసుకుంది భూమిక.
దీనితో భూమిక వశిష్ట్ జడ్జీల ముందు కన్నీటి పర్యంతం అయింది. జడ్జిగా వ్యవహరిస్తున్న రియా చక్రవర్తి ఆమెని హత్తుకుని ఓదార్చారు. తోటి కంటెస్టెంట్స్ కూడా ఆమెకి ధైర్యం చెప్పారు. ఇలాంటివి పట్టించుకోకుండా లైఫ్ లో ముందుకు సాగాలని సూచించారు.