సుప్రీం హీరో సాయిధరమ్ తేజ్ శుక్రవారం సాయంత్రం దురదృష్టవశాత్తూ ప్రమాదానికి గురయ్యారు. తేజ్ ప్రయాణిస్తున్న బైక్ అదుపు తప్పడంతో ప్రమాదానికి గురయ్యాడు.
సుప్రీం హీరో సాయిధరమ్ తేజ్ శుక్రవారం సాయంత్రం దురదృష్టవశాత్తూ ప్రమాదానికి గురయ్యారు. తేజ్ ప్రయాణిస్తున్న బైక్ అదుపు తప్పడంతో ప్రమాదానికి గురయ్యాడు. కొన్ని తీవ్ర గాయాలు కావడంతో ప్రమాదం జరిగిన వెంటనే తేజు అపస్మారక స్థితిలోకి వెళ్ళాడు.
మాదాపూర్ కేబుల్ బ్రిడ్జిపై ఈ ప్రమాదం జరిగింది. ద్విచక్ర వాహనాలపై ప్రయాణించేటప్పుడు ఎంత జాగ్రత్త పాటిస్తే అంత మంచిది అని పోలీసులు తరచుగా క్యాంపైన్ నిర్వహిస్తున్న సంగతి తెలిసిందే. తేజు హెల్మెట్ ధరించి ఉండడంతో పెద్ద ప్రమాదమే తప్పింది. అయితే తేజు ప్రమాదానికి అతివేగం కారణం అంటూ కొన్ని మీడియా సంస్థల్లో వార్తలు వచ్చాయి.
దీనిపై పోలీసులు తేజుపై కేసు నమోదు చేసినట్లు కూడా తెలుస్తోంది. మరో వాదన ప్రకారం ప్రమాదం జరిగిన చోట రోడ్డుపై ఇసుక, మట్టి ఉండడంతో బైక్ అదుపుతప్పినట్లు చెబుతున్నారు. పైగా తేజు మద్యం కూడా సేవించలేదని పోలీసులు ధృవీకరించారు.
ఈ నేపథ్యంలో కొన్ని మీడియా సంస్థలు రాద్ధాంతం చేసేలా అతి వేగం వల్లే ప్రమాదం జరిగిందని చెప్పడంతో మెగా అభిమానులు ఆగ్రహం వ్యక్తం చేస్తున్నారు. సదరు మీడియా సంస్థలపై సోషల్ మీడియా వేదికగా ట్రోలింగ్ చేస్తున్నారు. అతివేగమే కారణం అయితే బైక్ నుజ్జు నుజ్జు అయి ఉండేది అని అంటున్నారు. కానీ బైక్ సాలిడ్ గా కనిపిస్తోంది.
ప్రస్తుతం సోషల్ మీడియా వల్ల, సిసి టివి లాంటి టెక్నాలజీ వల్ల అన్ని విషయాలు అందరికి తెలుస్తున్నాయి. లేకుంటే బైక్ స్పీడ్ ఎంత.. తేజు మద్యం సేవించాడా లేదా అంటూ బురదజల్లేలా మీడియా ఛానల్స్ డిబేట్లు పెట్టేవి అని అభిమానులు కామెంట్స్ చేస్తున్నారు.
సాయిధరమ్ తేజ్ గాయాలు ప్రమాదకరం కాకపోయినప్పటికీ 24 గంటల తర్వాత అతడి హెల్త్ కండిషన్ పై క్లారిటీ వస్తుందని వైద్యులు అంటున్నారు. ప్రస్తుతానికి తేజు ఔటాఫ్ డేంజర్ అని తెలిపారు. అపోలో ఆసుపత్రికి మెగా కుటుంబ సభ్యులు క్యూ కడుతున్నారు. తాజాగా రాంచరణ్, ఉపాసన అపోలోకి వెళ్లి తేజు హెల్త్ కండిషన్ గురించి వైద్యులని అడిగి తెలుసుకున్నారు.