Ennenno Janmala Bandham: చీప్ ట్రిక్స్ ప్లే చేస్తున్న మాళవిక.. మారువేషాల్లో పార్టీకి వచ్చిన అభి, కైలాష్!

Ennenno Janmala Bandham: స్టార్ మాలో ప్రసారం అవుతున్న ఎన్నెన్నో జన్మల బంధం సీరియల్ మంచి రేటింగ్ తో ప్రేక్షకుల హృదయాల్లో స్థానం సంపాదించుకుంటుంది. సవతి పిల్లల్ని కన్న పిల్లల్లా పెంచుతున్న ఒక ఇల్లాలి కథ ఈ సీరియల్. ఇక ఈరోజు జూన్ 15 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో మర్యాదగా నా మీద కేసు పెట్టిన కేసుని వెనక్కి తీసుకోండి లేదంటే మీలో ఒక్కొక్కడిని పైకి పంపించేస్తాను అంటూ బెదిరిస్తాడు అభి. నీకు పంపించేదేంటి నేనే నిన్ను పంపించేస్తాను అంటూ చాక్ తో అభిని పొడిచేస్తాడు వసంత్. కానీ అభి ఆ చాక్ ని చేత్తో పట్టుకొని అడ్డుకుంటాడు. చేతికి గాయం అవుతుంది నన్నే పొడుస్తావు కదా.. మీ ఇద్దరూ ఎలా కాపురం చేస్తారో చూస్తాను.

నా మీద కేసు పెట్టిన యష్, వేద కూడా ఎలా సంతోషంగా ఉంటారో చూస్తాను అంటూ ఛాలెంజ్ చేసి అక్కడ నుంచి వెళ్ళిపోతాడు అభి. వాడితో ఎందుకు గొడవ పెట్టుకుంటావు. వాడు ఎలాంటివాడో తెలుసు కదా అంటూ వసంత్ ని మందలిస్తుంది చిత్ర. మరోవైపు నిద్రలేచిన ఖుషి ఈరోజు నా బర్త్ డే ఇంట్లో ఎవరికైనా గుర్తుందో లేదో అంటూ తండ్రి దగ్గరికి వచ్చి ఈరోజు ఏంటి స్పెషల్ అని అడుగుతుంది.

ఏమీ తెలియనట్లుగా మండే అంటాడు యష్. మొహం చిన్నబుచ్చుకుంటుంది ఖుషి. వేద, మాలిని కూడా తన బర్త్డే మర్చిపోయినట్లుగా యాక్ట్ చేస్తారు. ఈరోజు నా బర్త్ డే మీ ఎవ్వరికి గుర్తులేదు మీ అందరికీ నేను అంటే ఇష్టం లేదు అంటూ ఏడుపు మొహం పెడుతుంది ఖుషి. అంతలోనే ఆమె మీద బెలూన్ పగిలి ఫ్లవర్స్ అన్ని ఆమె మీద పడతాయి ఒక్కసారిగా సర్ప్రైజ్ అవుతుంది ఖుషి.

అందరూ హ్యాపీ బర్త్డే చెప్పడంతో  చాలా హ్యాపీ అవుతుంది. సాయంత్రం గ్రాండ్ పార్టీ ఉందని చెప్పడంతో మరింత ఆనంద పడిపోతుంది. మరోవైపు పాచికలు ఆడుకుంటున్న మాలిని, సులోచన దగ్గరకు వచ్చి ఆదిత్య కనిపించాడా అని అడుగుతుంది మాళవిక. వాడు ఈ ఇంటి మనవడు ఎక్కడికి పోడు.. వాడిని వెతుక్కుంటూ నువ్వు ఎక్కడికి వెళ్ళిపోకు మా ఇంటి అతిధులు ఎక్కడికైనా వెళ్ళిపోతే మాకే చిన్నతనం అంటూ మాళవిక ని ఓ ఆట ఆడుకుంటారు మాలిని, సులోచన.

నేను రాంగ్ టైంలో వచ్చినట్లు ఉన్నాను అని అక్కడ నుంచి వెళ్ళిపోబోతుంది మాళవిక. నువ్వు కరెక్ట్ టైం కే వచ్చావు ఇక్కడికి వచ్చి మా టైం రాంగ్ చేసావు అంటుంది మాలిని. కోపంగా అక్కడి నుంచి వెళ్ళిపోతుంది మాళవిక. తనని చూసి మాలిని, సులోచన ఇద్దరూ నవ్వుకుంటారు. మరోవైపు అందంగా ముస్తాబైన వేద నీకోసం ముందుకి ఒంగేసరికి బ్లౌజ్ హుక్స్ తెగిపోతుంది.

కష్టపడి రెడీ అయ్యాను ఇప్పుడు మళ్లీ ఈ చీర మార్చాలి అని ఇబ్బంది పడుతుంది వేద. ఏమీ అక్కర్లేదు నీ కోసం మీ శ్రీవారు టైలర్ అవతారం ఎత్తుతారు అని సూది దారం తీసుకొని బ్లౌజ్ కుట్టేసి ఫీజు అడుగుతాడు యష్. ఏం కావాలి అంటుంది వేద. లాలీపాప్ కావాలి అంటాడు యష్. అది తేవటం కోసం వేద వెళ్ళబోతుంటే ఆమెను పట్టుకొని ఇలాంటి పిచ్చి వేషాలే వేయొద్దు అన్నది నేను అడిగింది ఏంటో నీకు తెలుసు అంటాడు యష్.

మరోవైపు రెడీ అవుతున్న ఆదిత్యకి జాగ్రత్తలు చెప్తుంది మాళవిక. అన్నిటికీ తల ఊపుతాడు ఆదిత్య. నాకు టై కట్టుకోవడం రాదు అంటూ మాళవిక ని కట్టమంటాడు. నాకు కూడా రాదు ఉండు మీ నాన్నగారు చేత నాట్ వేయించుకొని వస్తాను అంటుంది మాళవిక. ఇలాంటి చిన్న చిన్న సందర్భాలను వాడుకొని చేస్తూ మాటలు కలిపి నాకు దగ్గర చేసుకోవాలి అని మనసులో అనుకొని వేద వాళ్ళ రూమ్ వైపు వెళుతుంది.

అప్పటికే అక్కడ క్లోజ్ గా ఉన్న వేద దంపతులను చూసి షాక్ అవుతుంది. తరువాయి భాగంలో బర్త్డే పార్టీ జరుగుతుండగా బఫూన్ ల వేషంలో వస్తారు అభి, కైలాష్. ఇక్కడ అందరూ ఎవరి పనుల్లో వాళ్ళు ఉన్నారు ఈలోగా మనం చేయవలసిన డామేజ్ మనం చేసి వెళ్ళిపోదాం అంటాడు అభి.