మలయాళ నటి మాళవికా మోహనన్ (Malavika Mohanan) ట్రెడిషనల్ లుక్ కు ఫ్యాన్స్ ఫిదా అవుతున్నారు. ట్రెండీ అవుట్ ఫిట్లలో దుమ్ములేపే ఈ బ్యూటీ హాఫ్ శారీలో దర్శనమిచ్చి కుర్రకారును మెస్మరైజ్ చేస్తోంది.
యంగ్ హీరోయిన్ మాళవికా మోహనన్ తెలుగు చిత్రాల్లో నటించకపోయినా ఆడియెన్స్ లో మంచి గుర్తింపు దక్కించుకుంది. తమిళ చిత్రాలు ‘పేట’, ‘మాస్టర్’,‘మారన్’తెలుగులోనూ రిలీజ్ అవడంతో మాళవికకు ఇక్కడ కూడా క్రేజ్ దక్కుతోంది.
ప్రపంచ వ్యాప్తంగా తెలుగు సినిమాలు సత్తా చాటుతుండటం, మార్కెట్ పెరుగుతుండటంతో ఈ బ్యూటీ కూడా టాలీవుడ్ కు ఎంట్రీ ఇచ్చేందుకు విశ్వప్రయత్నాలు చేస్తోంది. ఇప్పటికే పలువురు హీరోయిన్లు తెలుగులో హిట్ చిత్రాలను అందుకున్న విషయం తెలిసిందే.
ఈ క్రమంలో యంగ్ బ్యూటీగా మాళవికా మోహనన్ కూడా తెలుగు ఆడియెన్స్ ను అలరించేందుకు సిద్ధం అవుతున్నట్టు తెలుస్తోంది. ఇప్పటికే మలయాళం, తమిళం, హిందీలో అవకాశాలను అందుకుంటూ దూసుకెళ్తోంది. ఇక టాలీవుడ్ లోనూ ఆఫర్లు అందుకున్నట్టు టాక్ వినిపిస్తోంది.
పాన్ ఇండియా స్టార్ ప్రభాస్ - మారుతీ చిత్రంలో మాళవికా హీరోయిన్ గా అవకాశం దక్కించుకుందని ప్రచారం జరుగుతోంది. ఇదే నిజమైతే మాళవికా గ్రాండ్ ఎంట్రీ తప్పదంటున్నారు. ఇక ఇప్పటికే ఈ ముద్దుగుమ్మ విజయ్ దేవరకొండ సరసన నటించాలని ఉందని చెప్పిన విషయం తెలిసిందే. దీంతో మల్లు భామ ఎంట్రీ తప్పకుండా ఉంటుందని అర్థం అవుతోంది.
ఇక సంక్రాంతి పండుగ సందర్భంగా మాళవికా మోహనన్ ట్రెడిషనల్ లుక్ లో మెరిసింది. హాఫ్ శారీలో ఆకట్టుకుంది. ఆకుపచ్చ లెహంగా, ఎల్లో శారీ, మ్యాచింగ్ బ్లౌజ్ లో కట్టిపడేసింది. ఈ సందర్భంగా బ్యూటీఫుల్ లోకేషన్ లో మతులు పోయేలా ఫొటోషూట్ చేసింది. ఆ ఫొటోలను అభిమానులతో పంచుకుంది.
లేటెస్ట్ ఫొటోస్ లో మాళవికా మోహనన్ కొంటె పోజులకు అభిమానులు ఫిదా అవుతున్నారు. చిలిపి పోజులు, చిరునవ్వులతో ఎవరి కోసమో ఎదురుచూస్తున్నట్టుగా ఇచ్చిన స్టిల్స్ కు మైమరిచిపోతున్నారు. మొత్తానికి పండగ వేళ నిండు దుస్తుల్లో కనువిందు చేయడంతో ఫ్యాన్స్ ఖుషీ అవుతున్నారు. కుర్ర భామకు విషెస్ తెలుపుతూ ఫొటోలను వైరల్ చేస్తున్నారు.