చైల్డ్ ఆర్టిస్ట్ గా పరిశ్రమకు పరిచయమైంది రాశి. స్టార్ గా వెలుగొందిన తెలుగు అమ్మాయిల్లో రాశి ఒకరు. ఈమె పశ్చిమ గోదావరి జిల్లాలో జన్మించారు. శుభాకాంక్షలు, పెళ్లి పందిరి, గోకులంలో సీత, ప్రేయసి రావే, మనసిచ్చి చూడు... వంటి హిట్ చిత్రాలు ఆమెకు ఫేమ్ తెచ్చాయి.
2002 వరకు రాశి కెరీర్ సక్సెస్ఫుల్ గా సాగింది. ఆమె టైర్ హీరోలతో వరుస చిత్రాలు చేస్తున్నారు. హిందీ, మలయాళ, కన్నడ, తమిళ భాషల్లో కూడా రాశి నటించారు. అయితే 2003లో తన ఇమేజ్ కి పూర్తి భిన్నమైన రోల్ చేసింది రాశి. అప్పట్లో స్టార్ డైరెక్టర్ గా వెలుగొందుతున్న తేజ నిజం టైటిల్ తో ఓ మూవీ చేశారు. మహేష్ బాబు హీరోగా నటించారు.
జయం మూవీలో విలన్ రోల్ చేసి మెప్పించిన గోపీచంద్ కి తేజ మరో ఆఫర్ ఇచ్చాడు. నిజం లో గోపీచంద్ విలన్ నిజం మరింత భయంకరంగా ఉంటుంది. గోపీచంద్ కీప్ పాత్ర చేసింది రాశి. హీరోయిన్ గా చేస్తున్న ఆమె నెగిటివ్ షేడ్స్ తో కూడిన బోల్డ్ రోల్ లో కనిపించి షాక్ ఇచ్చింది. హోమ్లీ హీరోయిన్ ఇమేజ్ ఉన్న రాశి నుంచి ఫ్యాన్స్ ఊహించని పాత్ర అది.
ఏడాదికి ఐదారు చిత్రాలు చేసే రాశికి ఆఫర్స్ భారీగా తగ్గాయి. ఒక సినిమా చేయడం కూడా గగనమైపోయింది. నిజం మూవీ చేయడం వలన తన కెరీర్ నాశనం అయ్యిందని రాశి పలు సందర్భాల్లో వాపోయారు. దర్శకుడు తేజ తన కెరీర్ పాడు చేశాడని ఆమె వాపోయింది. రాశి మాట్లాడుతూ... నిజం మూవీలో మల్లి పాత్ర చేయడం వలన నేను విమర్శలు ఎదుర్కొన్నాను.
ఆ మూవీలో గోపీచంద్ తో పరిమితికి మించి రొమాంటిక్ సన్నివేశాల్లో నటించాను. దర్శకుడు తేజ నా పాత్ర విషయంలో మొదట చెప్పింది వేరు. తర్వాత తెరకెక్కించింది వేరు. ఇష్టం లేకుండానే ఆ పాత్ర చేశాను. మొదటి రోజే వచ్చేద్దామని అనుకున్నాను. కానీ అడ్వాన్స్ తీసుకోవడం వలన తప్పక నటించాను.
నెగిటివ్ షేడ్స్ తో కూడిన పాత్ర చేసినందుకు ప్రశంసలు దక్కాయి. కానీ అలాంటి సన్నివేశాల్లో నటించడం చూసి అభిమానులు నొచ్చుకున్నారు, అన్నారు. అదేదో మూవీ చేయక ముందు ఉండాలి. ఇప్పుడు ఏడ్చి ఏం లాభం అని కొందరు ఎద్దేవా చేస్తున్నారు. 2017లో లంక టైటిల్ తో ఓ మూవీ చేసింది రాశి. ఆ చిత్రాన్ని ఆమె స్వయంగా నిర్మించారు. లంక ఆశించిన స్థాయిలో ఆడలేదు. మళ్ళీ రాశి సిల్వర్ స్క్రీన్ పై కనిపించలేదు. జానకి కలగనలేదు సీరియల్ లో ఓ రోల్ చేసింది.