Mahesh Babu: మహేష్ బాబు రిజెక్ట్ చేసిన బాలీవుడ్ సినిమాలు.. ఆ మూవీని ఎలా మిస్ చేసుకున్నాడు

సర్కారు వారి పాట ప్రచార కార్యకమాల్లో భాగంగా మహేష్ బాబు బాలీవుడ్ గురించి చేసిన వ్యాఖ్యలు వైరల్ గా మారాయి. 

సూపర్ స్టార్ బాబు నటించిన తాజా చిత్రం సర్కారు వారి పాట థియేటర్స్ లో సందడి షురూ చేసింది. తెల్లవారు జాము నుంచే యుఎస్ తో పాటు తెలుగు రాష్ట్రాల్లో ప్రీమియర్ షోలు ప్రారంభం అయ్యాయి. దీనితో థియేటర్స్ వద్ద మహేష్ అభిమానుల కోలాహలం కనిపిస్తోంది. పరశురామ్ దర్శకత్వంలో తెరకెక్కిన ఈ చిత్రంలో కీర్తి సురేష్ హీరోయిన్ గా నటించింది. 

ఇదిలా ఉండగా ఇటీవల సర్కారు వారి పాట ప్రచార కార్యకమాల్లో భాగంగా మహేష్ బాబు బాలీవుడ్ గురించి చేసిన వ్యాఖ్యలు వైరల్ గా మారాయి. బాలీవుడ్ లో సినిమా ఎప్పుడు చేస్తారు అని ప్రశ్నించగా.. తనని బాలీవుడ్ భరించలేదు అంటూ మహేష్ హాట్ కామెంట్స్ చేశాడు. గతంలో మహేష్ బాబుకి చాలా సార్లు బాలీవుడ్ చిత్రాల్లో నటించే అవకాశం వచ్చింది. కానీ ఆ ఆఫర్స్ ని మహేష్ రిజెక్ట్ చేశాడు. 

మహేష్ రిజెక్ట్ చేసిన బాలీవుడ్ చిత్రాల్లో మొదట చెప్పుకోవలసింది గజినీ గురించే. దర్శకుడు మురుగదాస్ ఈ చిత్రాన్ని మహేష్ తోనే తెరకెక్కించాలని అనుకున్నారట. కానీ పాత్ర తనకు సెట్ అవుతుందో లేదో అని భావించిన మహేష్ సున్నితంగా తిరస్కరించాడు.దీనితో మురుగదాస్.. సూర్యతో ఆ చిత్రం చేశారు. తమిళంలో ఘనవిజయం సాధించిన తర్వాత అల్లు అరవింద్ ఈ చిత్రాన్ని హిందీలో నిర్మించాలని అనుకున్నారు. 

దీనితో మరోసారి మహేష్ ని సంప్రదించగా నెగిటివ్ రెస్పాన్స్ వచ్చింది. ఇక చేసేది లేక అమీర్ ఖాన్ ని ఎంచుకున్నారు. హిందీలో ఆ చిత్రం రికార్డులు తిరగరాసింది. అలాగే అర్జున్ రెడ్డి ఫేమ్ సందీప్ వంగా మొదట 'యానిమల్' కథని మహేష్ కి వినిపించాడు. పాన్ ఇండియా చిత్రంగా మహేష్ తో ఈ మూవీ తెరకెక్కించాలనేది అతడి కోరిక. కానీ మహేష్ ఆ చిత్రాన్ని రిజెక్ట్ చేశాడు. 

దీనితో సందీప్ బాలీవుడ్ రణబీర్ కపూర్ తో ఈ చిత్రం తెరకెక్కిస్తున్నారు. అలాగే బాలీవుడ్ లో మహేష్ బాబు మరో క్రేజీ కాంబినేషన్ ని వదులుకున్నారు. బాలీవుడ్ బడా నిర్మాత మహేష్ బాబుని హిందీలో పరిచయం చేయాలని అనుకున్నారు. 

మహేష్ కి ఓ డైరెక్టర్ తో కథ కూడా వినిపించారట. కానీ కథ నచ్చక పోవడంతో మహేష్ ఆ ప్రాజెక్ట్ ని కూడా పక్కన పెట్టేసినట్లు తెలుస్తోంది. మహేష్ బాబు బాలీవుడ్ ఎంట్రీ కోసం అభిమానులు కూడా ఎదురుచూస్తున్నారు. మహేష్ బాలీవుడ్ ఎంట్రీ జరగాలంటే బహుశా రాజమౌళి తెరకెక్కించబోయే పాన్ ఇండియా ప్రాజెక్టు వల్లే సాధ్యం ఏమో.