మహేష్‌ పైలట్‌, ఎన్టీఆర్‌ బిజినెస్‌ అడ్వైజర్‌, హీరోలు కాకపోతే సెట్‌ అయ్యే జాబులు.. హీరోయిన్‌ క్రేజీ కామెంట్‌

మహేష్‌ బాబు సూపర్‌ స్టార్‌గా, ఎన్టీఆర్‌ పాన్‌ ఇండియా స్టార్‌గా రాణిస్తున్నారు. అయితే వీరిద్దరు హీరోలు కాకపోతే, ఏ జాబ్‌కి సెట్‌ అవుతారో తెలుసా?  

మహేష్‌ బాబు, ఎన్టీఆర్‌ స్టార్‌ హీరోగా రాణిస్తున్నారు. ఇప్పుడు పాన్‌ ఇండియా స్టార్స్ అవుతున్నారు. ఎన్టీఆర్‌ ఆల్‌రెడీ పాన్‌ ఇండియా ఇమేజ్‌ని సొంతం చేసుకున్నాడు. ఇప్పుడు మహేష్‌ బాబు పాన్‌ ఇండియా కాదు, ఏకంగా ఇంటర్నేషనల్‌ ఇమేజ్‌పై కన్నేశారు. రాజమౌళి సినిమాతో గ్లోబల్‌ మార్కెట్‌ని టార్గెట్‌ చేయబోతున్నారు మహేష్‌ బాబు. 

సినిమా నేపథ్యం ఉన్న ఫ్యామిలీలో జన్మించిన ఈ ఇద్దరు స్టార్స్. సినిమాని, నటననే వృత్తిగా ఎంచుకున్నారు. బాల నటుల నుంచే ఆకట్టుకున్నారు. ఆ తర్వాత హీరోగా ఎంట్రీ ఇచ్చి మెప్పించారు. ఎవరికి వాళ్లు నటనతో ఆకట్టుకుంటూ అలరిస్తున్నారు. ఇద్దరూ సూపర్‌ స్టార్స్ గా ఎదిగారు. అయితే ఈ ఇద్దరు స్టార్స్ సినిమాలు చేయకపోతే, సినిమా రంగంలోనే ఉండకపోతే, ఈ వృత్తినే ఎంచుకోకపోతే దేనికి సెట్‌ అవుతారు, వారికి ఏ జాబ్‌ సెట్‌ అవుతుంది. 

స్టార్‌ హీరోయిన్‌ సమంత తన అభిప్రాయం చెప్పింది. మహేష్‌ బాబు, ఎన్టీఆర్‌లు హీరోలు కాకుంటే, సినిమా వృత్తిలే లేకుంటే దేనికి సెట్‌ అవుతారు, ఏ జాబ్ వారికి బాగా సూట్‌ అవుతుందనే ప్రశ్న వచ్చింది. దీంతో ఆమె తన అబ్జర్వేషన్‌ని బట్టి తన అభిప్రాయం తెలిపింది. మహేష్‌ బాబు కటౌట్‌, ఆయన లుక్‌, సాఫ్ట్ నేచర్‌ని బట్టి ఆయనకు పైలట్‌ జాబ్‌ అయితే బాగా సూట్‌ అవుతుందని తెలిపింది సమంత. 

ఇక ఎన్టీఆర్‌ గురించి చెబుతూ, ఆయనకు ప్రతి దానిమీద బాగా నాలెడ్జ్ ఉంటుందని, ముఖ్యంగా బిజినెస్‌ విషయాల్లో బాగా అవగాహన ఉందని, రియల్‌ ఎస్టేట్‌ విషయాలు, మనీ సంపాదించే విషయాలు, ఎక్కడ ఇన్వెస్ట్ చేయాలనేది బాగా తెలుసు అని, ఆయనకు హీరో కాకపోతే బిజినెస్‌ అడ్వైజర్‌గా బాగా సూట్‌ అవుతాడని తెలిపింది సమంత. తన అభిప్రాయంగా ఆమె ఈ విషయాలను తెలిపింది. కొంచెం టచ్‌లో ఉంటే చెబుతా షోలో ఈ విషయాన్ని సామ్‌ వెల్లడించింది. 

సమంత.. మహేష్‌ బాబుతో `సీతమ్మ వాకిట్లో సిరిమల్లె చెట్టు`, `దూకుడు`, `బ్రహ్మోత్సవం` సినిమాలు చేసింది. రెండు సినిమాలు హిట్‌ అయ్యాయి. ఒకటి నిరాశ పరిచింది.  అలాగే ఎన్టీఆర్‌తో `బృందావనం`, `రామయ్యా వస్తావయ్యా`, `రభస`, `జనతా గ్యారేజీ` సినిమాల్లో నటించింది. ఇందులో రెండు హిట్‌, రెండు పరాజయం చెందాయి.

సమంత ఇటీవల మళ్లీ రీఎంట్రీ ఇచ్చి `సిటాడెల్‌`తో వచ్చింది. ఇది బాగానే ఆకట్టుకుంది. ఇప్పుడు మళ్లీ హీరోయిన్‌గా బిజీ అవ్వాలనుకుంది. కానీ అంతలోనే ఆమె ఫ్యామిలీలో విషాదం చోటు చేసుకుంది. సమంత నాన్న మరణించిన విషయం తెలిసిందే.