Intinti Gruhalakshmi: బాబోయ్.. తులసి అమ్మాయినా.. సామ్రాట్ నీ కళ్ళకు ఏమైంది గురూ!

Intinti Gruhalakshmi: బుల్లితెరపై ప్రసారమవుతున్న ఇంటింటి గృహలక్ష్మి  (Intinti Gruhalakshmi) సీరియల్ మంచి కాన్సెప్ట్ తో కొనసాగుతుంది. భర్తతో విడిపోయి కుటుంబం కోసం ఒంటరిగా పోరాడే మహిళ కాన్సెప్ట్ తో ప్రసారం అవుతున్న ఈ సీరియల్ ఈరోజు నవంబర్ 8వ తేదీ ఎపిసోడ్ లో ఏం జరిగిందో హైలెట్స్ తెలుసుకుందాం..  

ఈరోజు ఎపిసోడ్ ప్రారంభంలోనే.. పరంధామయ్య పుట్టినరోజు గురించి నందు ఆలోచిస్తుంటాడు. తులసి చెబితే మామయ్య వింటాడు అని లాస్య అంటే ఏం పైత్యమా అని అనసూయ తిడుతుంది. తులసి బంధాలు అన్ని తెంపేస్తాను అంటే అప్పుడే ఫైర్ బ్రాండ్ మాధవి వచ్చి నేను అదే పని చేస్తాను అమ్మ అంటుంది. ఏమైందమ్మా ఎందుకు ఆలా మాట్లాడుతున్నావ్ అంటే నువ్వు అంటే తప్పు లేదు కానీ నేను అంటే తప్పు వచ్చిందా అని అంటుంది. నేను కూడా మా అమ్మ అడుగుజాడల్లో నడవాలి అనుకుంటున్నా అని అంటుంది. గుడిలో దేవతను తరిమేశారు అవమానించి మరి తరిమేశారు అంటూ బాధ పడుతుంది. 

తెలుసుకొని మాట్లాడు అని నందు అంటే.. తెలుసుకొనే వచ్చానురా అన్నయ్య అన్ని తెలుసుకొనే వచ్చాను అని అంటుంది. తప్పుగా ఏమైనా అన్నానా నాకు కూడా శిక్ష వేస్తారా అని నేను మీతో బంధాలు తెంచుకుంటున్నాను అని అంటుంది. నీ కొడుకు ఇంకో ఆడదానితో ఎఫైర్ పెట్టుకుంటే అది నీకు కనిపించదు.. కూతురులాంటి కోడలు ఒకరితో స్నేహం చేస్తే మీకు అది చెడుగా కనిపిస్తుంది. అసలు నువ్వు ఏం తల్లివి అంటూ తిడుతుంది. అప్పుడు లాస్య.. తల్లితో మాట్లాడే పద్ధతి ఇది కాదు మాధవి అనగానే కోపంతో రగిలిపోతుంది. నీ దగ్గర బుద్దులు నేర్చుకోవాల్సిన కర్మ నాకు పట్టలేదు అని ఫైర్ అవుతుంది మాధవి.. ఆతర్వాత దేవత తులసి గురించి మాట్లాడుతూ ఆకాశానికి ఎత్తుతుంది. 

26 ఏళ్ళు మీకు ఊడిగం చేసింది అలాంటి వదినను ఇంతగా అవమానిస్తారా అంటూ మాధవి తిడుతుంది. అనసూయను అమ్మ అని పిలవాల్సి వస్తుందని బాధ పడుతున్న అంటే నువ్వు వెళ్ళిపో అంటుంది. ఆ రాక్షసి అందరిని దూరం చేస్తుంది అని అంటే నీకు నువ్వుగా అందరిని దూరం చేసుకుంటున్నావ్ అంటూ సీరియస్ అవుతుంది. ఇంకా మాటలు ఆపు మాధవి అంటూ నందు సీరియస్ అవుతాడు. ఆతర్వాత సీన్ లో తులసి, సామ్రాట్ ఇల్లు చూడటానికి వస్తారు.. ఇద్దరు బాగుందని అనుకుంటారు. ఇంటి ఓనర్ ఇల్లు ఇవ్వాలి అనుకోవాలి అప్పుడే మనకు ఇల్లు దక్కుతుంది అని అంటుంది. 

ఇక ఇంటి ఓనర్ కు ఆమె గతం గురించి చెబుతుంది. మీరు మాత్రమే కాదు నేను సింగిల్ లేడీనే అని ఆ ఇంటి ఓనర్ కూడా చెబుతుంది. ఇంకా తులసిని అమ్మాయి అంటూ ఓ రేంజ్ లో పొగుడుతాడు సామ్రాట్. ఇక ఇంటి ఓనర్ తులసికి ఇంటి కీస్ ఇస్తుంది. ఆతర్వాత సీన్ లో నందు మాధవితో మాట్లాడుతాడు. తులసినే నీకు బంధువు అని ఫిక్స్ అవ్వు.. నీకు అన్నయ్య, తల్లి ఎవరు లేరు అని ఫిక్స్ అవ్వు.. నేను చదువుకునే రోజుల్లోనే నీకు అన్ని రకాల వసతులు కోసం నేను పార్ట్ టైమ్ జాబ్ చేసి చూసుకున్నాను. నీకు వదిన కనిపిస్తుంది కానీ అన్నయ్య మాత్రం కనిపించడం లేదు అంటాడు. 

నేను నీకోసం ఖర్చు పెట్టిన ప్రతి రూపాయి నాకు ఇచ్చెయ్యు అని మాధవిని అంటాడు. మూర్ఖుడు అని అన్నావ్ కదా మూర్ఖుడు ఇలానే ప్రవర్తిస్తాడు అని అంటే మాధవి తన అకౌంట్ లో ఉన్న ప్రతి రూపాయిని నందు అకౌంట్ కు ట్రాన్సఫర్ చేస్తుంది. అన్న రుణం తీర్చుకునే అవకాశం ఇచ్చినందుకు థాంక్స్.. అమ్మ 9 నెలలు మోసావ్ కదా అది కూడా లెక్క చెప్పు పంపిస్తాను అంటుంది. ఇంకా మాట్లాడింది చాలు వెళ్ళిపో అని నందు అంటే నీ జీవితంలోకి ఎప్పటికి వెలుగు రాదు అని అక్కడ నుంచి వెళ్ళిపోతుంది. ఆతర్వాత సీన్ లో తులసి ఇంటి కీస్ చూసి ఇది నా ఇల్లు.. అద్దె ఇల్లు అయితే ఏంటి ఇల్లు నాది అని అంటుంది.. ఇక్కడితో ఎపిసోడ్ పూర్తవుతుంది.