మ్యాడ్ చిత్రానికి సీక్వెల్ గా మ్యాడ్ స్క్వేర్ తెరకెక్కించారు. యూత్ ఫుల్ కామెడీ ప్రధాన బలంగా ఈ చిత్రాన్ని డైరెక్టర్ కళ్యాణ్ శంకర్ రూపొందించారు. మరి మ్యాడ్ స్క్వేర్ కామెడీ వర్కౌట్ అయిందా లేదా అనేది ఇప్పుడు చూద్దాం.
సితార ఎంటర్టైన్మెంట్స్ నాగవంశీ నిర్మాణంలో, కళ్యాణ్ శంకర్ దర్శకత్వంలో 2023లో విడుదలైన మ్యాడ్ చిత్రం మంచి విజయం సాధించింది. మ్యాడ్ చిత్రానికి సీక్వెల్ గా మ్యాడ్ స్క్వేర్ తెరకెక్కించారు. యూత్ ఫుల్ కామెడీ ప్రధాన బలంగా ఈ చిత్రాన్ని డైరెక్టర్ కళ్యాణ్ శంకర్ రూపొందించారు. మంచి అంచనాలతో ఈ చిత్రం నేడు ప్రేక్షకుల ముందుకు వస్తోంది. ఈ చిత్రంలో నార్నె నితిన్, సంగీత్ శోభన్, రామ్ నితిన్ ప్రధాన పాత్రల్లో నటించారు. యుఎస్ ప్రీమియర్ షోలు ఆల్రెడీ మొదలయ్యాయి. ప్రీమియర్ షోల నుంచి ఆడియన్స్ రెస్పాన్స్ ఇస్తున్నారు.
మరి మ్యాడ్ స్క్వేర్ కామెడీ వర్కౌట్ అయిందా లేదా అనేది ఇప్పుడు చూద్దాం. ఈ చిత్రంలో కామెడీని ఎంజాయ్ చేయడానికి మాత్రమే ఆడియన్స్ థియేటర్స్ కి వస్తారు. అది వర్కౌట్ అయితే చాలు. మరి ఆ కామెడీతో దర్శకుడు, నటీనటులు ఎలాంటి మ్యాజిక్ చేశారు అనే దానిపైనే ఈ చిత్ర సక్సెస్ ఆధారపడి ఉంటుంది. ప్రీమియర్ షోల నుంచి ఆడియన్స్ ఇస్తున్న రెస్పాన్స్ ప్రకారం మ్యాడ్ స్క్వేర్ లో ఫస్ట్ హాఫ్ కామెడీ కొంత వరకు వర్కౌట్ అయినట్లు తెలుస్తోంది.
కీలకమైన పెళ్లి సన్నివేశంలో కామెడీ పంచ్ లు బాగా పేలాయి. మొదటి 30 నిమిషాలు ఫుల్ కామెడీ అన్నట్లుగా సాగుతుంది. అయితే అక్కడక్కడా డల్ మూమెంట్స్ కూడా ఉన్నాయి. ఆ తర్వాత కాస్త కథని పరిచయం చేశారు. కానీ ఈ చిత్రంలో కథ అంతగా గొప్పగా అనిపించదు. కొన్ని సన్నివేశాల్లో బలవంతంగా కామెడీ రుద్దినట్లు అనిపిస్తుంది.
లడ్డు క్యారెక్టర్ బావుంది. లడ్డు వాళ్ళ తండ్రితో వచ్చే సన్నివేశాలు, భాయ్ సన్నివేశాలు ఆకట్టుకుంటాయి. మరికొందరు ఆడియన్స్ మాత్రం ఫస్ట్ హాఫ్ యావరేజ్ గా ఉందని అంటున్నారు. కథ చెప్పకుండా సీన్ బై సీన్ కామెడీ పంచ్ లు వేసుకుంటూ వెళ్లడమే దీనికి కారణం. ఇక ఫస్ట్ హాఫ్ లో గోవా ఎపిసోడ్ అంత బాగా వర్కౌట్ కాలేదని ప్రేక్షకులు అంటున్నారు. మొత్తంగా ఫస్ట్ హాఫ్ ని 30 నిమిషాల మంచి కామెడీతో లాక్కొచ్చారు.
ట్రైలర్ లో లడ్డు హంగామా ఎక్కువగా ఉన్నట్లు చూపించారు. లడ్డు కామెడీ బావుంది కానీ ఆశించిన స్థాయిలో లేదని కొందరు డిసప్పాయింట్ అవుతున్నారు. సెకండ్ హాఫ్ లో గోల ఎక్కువై కామెడీ తగ్గిపోయింది. లాజిక్ లేని కామెడీ సన్నివేశాలు బోరింగ్ గా అనిపిస్తాయి. ప్రియాంక జవాల్కర్ క్యారెక్టర్ సర్ప్రైజింగ్ గా ఉంటుంది అని అంటున్నారు.
నార్నె నితిన్, సంగీత్ శోభన్, రామ్ నితిన్ నవ్వించే ప్రయత్నం చేశారు. రెబ్బా మోనికా జాన్ స్పెషల్ సాంగ్ గ్లామర్ అట్రాక్షన్ గా ఉంటుంది. మ్యూజిక్ పెద్ద మైనస్ అని చెప్పొచ్చు. ఓవరాల్ గా మ్యాడ్ స్థాయిలో మ్యాడ్ స్క్వేర్ లేదని అంటున్నారు. ఈ చిత్రం యూత్ కి కనెక్ట్ అయ్యేదాన్ని బట్టే బాక్సాఫీస్ రిజల్ట్ ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి