Maa Inti Bangaram 3 Days Collections: సమంత నటించిన లేడీ ఓరియెంటెడ్ మూవీ `మా ఇంటి బంగారం` విడుదలై మూడు రోజులు పూర్తి చేసుకుంది. మొదటి వీకెండ్లో మూవీ అదిరిపోయే కలెక్షన్లని వసూలు చేసింది.
సమంత రీ ఎంట్రీ ఇస్తూ నటించిన చిత్రం `మా ఇంటి బంగారం`. మూడేళ్ల గ్యాప్తో ఆమె చేసిన చిత్రమిది. నందిని రెడ్డి దర్శకత్వంలో రూపొందిన ఈ మూవీ గత శుక్రవారం విడుదలైన విషయం తెలిసిందే. సమంత భర్త రాజ్ నిడిమోరు.. నిర్మిస్తూ, ఈ మూవీకి కథ, కథనం అందించారు. ట్రాలాల పిక్చర్స్ పతాకంపై ఈ మూవీ రూపొందింది. ఇది మొదటి షో నుంచి పాజిటివ్ టాక్ని తెచ్చుకుంది. కలెక్షన్ల పరంగానూ అదే జోరు చూపిస్తోంది.
25
మహిళలకు బాగా కనెక్ట్ అయిన మా ఇంటి బంగారం
ఈ మూవీ మొదటి వీకెండ్ పూర్తి చేసుకుంది. మరి ఈ మూడు రోజుల్లో ఎంత కలెక్ట్ చేసింది? సినిమా హిట్ కావాలంటే ఇంకా ఎంత రావాలి అనేది చూస్తే. కలెక్షన్ల పరంగా మూవీ దుమ్మురేపుతుంది. మొదటి రోజు ఈ మూవీకి మిక్స్ డ్ టాక్ వచ్చినా ఆ తర్వాత నెమ్మదిగా పుంజుకుంది. శనివారం బెటర్ అయ్యింది. ఆదివారం మరింతగా పుంజుకుంది. సినిమా ఫ్యామిలీ ఆడియెన్స్ కి, ముఖ్యంగా మహిళలకు బాగా కనెక్ట్ అయ్యింది. అందుకే బాగా చూస్తున్నారు.
35
మా ఇంటి బంగారం 3 రోజుల కలెక్షన్లు
మా ఇంటి బంగారం బాక్సాఫీసు వద్ద దుమ్ములేపుతోంది. మూడు రోజుల్లోనే నలబై కోట్లు దాటింది. మొదటి వీకెండ్లో ఇది రూ.41.79కోట్లు రాబట్టింది. ఇండియాలో రూ.26.69కోట్లు, ఓవర్సీస్లో రూ.15కోట్లు రాబట్టింది. ఓవరాల్గా రూ.23కోట్ల నెట్ వసూళ్లని వసూలు చేసింది. టాక్తో సంబంధం లేకుండా గట్టిగానే వసూలు చేస్తోందీ మూవీ. ఓవర్సీస్లో 1 మిలియన్ డాలర్లు దాటేయడం విశేషం. అయితే టీమ్ కలెక్షన్లని ప్రకటించింది. రూ.43కోట్లు రాబట్టినట్టు వెల్లడించడం విశేషం.
సమంత మూవీకి సుమారు రూ.30కోట్ల బడ్జెట్ అయ్యిందని సమాచారం. సమంత పారితోషికం, ప్రొడక్షన్ కాస్ట్ అన్నీ కలుపుకొని అంత అయ్యిందని అంటున్నారు. ఈమూవీ ఓటీటీ, శాటిలైట్, ఆడియో రైట్స్ రూపంలో రూ.35కోట్లు వచ్చాయని సమాచారం. అయితే థియేట్రికల్ బిజినెస్ కాలేదని సమాచారం. కాకపోతే థియేట్రికల్గా రూ.30కోట్ల వ్యాల్యూ లెక్కకట్టారు. ఈ లెక్కన ఈ మూవీ ఇప్పటికే ఇరవై కోట్ల షేర్ సాధించింది. ఈ వీక్లో ఈజీగా సినిమా పది కోట్లు సాధిస్తుంది. మొత్తంగా `మా ఇంటి బంగారం` బ్లాక్ బస్టర్ మూవీగా నిలుస్తుందని చెప్పొచ్చు.
55
మా ఇంటి బంగారం కథ ఏంటంటే?
ఇక `మా ఇంటి బంగారం` మూవీలో సమంతతోపాటు కన్నడ నటులు గుల్షన్ దేవయ్య, దిగంత్, శ్రీముఖి, మంజుష, గౌతమి, చైతన్య కృష్ణ, వెన్నెల కిశోర్ వంటి వారు కీలకపాత్రలు పోషించారు. అనాథ అయిన హీరోయిన్.. చిన్నప్పుడు అనేక ఇబ్బందులు పడుతుంది. ఎంతో స్ట్రగుల్స్ అనంతరం తిరుగుబాటు చేస్తుంది. ఈ క్రమంలో అడవిలోకి వెళ్లి తుపాకులు పడుతుంది. అక్కడ కూడా తనకు మోసమే జరుగుతుంది. దీంతో అక్కడ కూడా తిరుగుబాటు చేసి మళ్లీ సాధారణ లైఫ్ స్టార్ట్ చేస్తుంది. ఒక పెద్దింటి అబ్బాయిని ప్రేమించి పెళ్లి చేసుకుంటుంది. ఆ తర్వాత తన గతం వెంటాడుతుంది. తన ఫ్యామిలీకి ప్రమాదం పొంచి ఉన్న నేపథ్యంలో తాను ఎలా పోరాడిందనేదే ఈ మూవీ కథ. ఇందులో సమంత కామెడీతో నవ్వించింది. యాక్షన్తో అదరగొట్టింది.
