Divine Blockbusters: ‘హనుమాన్ అంశ్’ సినిమా తన కలెక్షన్లు, హౌస్ఫుల్ షోలతో వార్తల్లో నిలుస్తోంది. భక్తి, పురాణాలు, జానపద నమ్మకాల ఆధారంగా వచ్చిన ఎన్నో చిన్న సినిమాలు గతంలో బాక్సాఫీస్ దగ్గర అద్భుతాలు చేశాయి. అవేంటో ఓసారి చూద్దాం.
ఈ మధ్య కాలంలో 'హనుమాన్ అంశ్' పేరు బాగా వినిపిస్తోంది. తక్కువ బడ్జెట్లో తీసిన ఈ సినిమా ప్రేక్షకులను విపరీతంగా ఆకట్టుకుంటోంది. రెండు కోట్లతో రూపొందిన ఈ చిత్రం ఇప్పుడు ఏకంగా రూ.205కోట్లు రాబట్టింది. ఇది విడుదలై 36 రోజులవుతున్నా ఇంకా బాక్సాఫీసు వద్ద దుమ్మురేపుతోంది. భక్తి, పురాణ కథల ఆధారంగా వచ్చే సినిమాలను ప్రేక్షకులు బాగా ఇష్టపడుతున్నారు. `హనుమాన్ అంశ్`కి ముందు ఇలాగే ఆధ్యాత్మికత, జానపద కథల నేపథ్యంతో చిన్న బడ్జెట్లో వచ్చి, బాక్సాఫీస్ వద్ద భారీగా వసూళ్లు చేసిన కొన్ని సినిమాల గురించి ఇప్పుడు తెలుసుకుందాం.
26
కాంతార (2022)
ఈ జాబితాలో మొదటి సినిమా 'కాంతార'. రిషబ్ శెట్టి నటించి, దర్శకత్వం వహించిన ఈ చిత్రం కర్ణాటక సంస్కృతి, జానపద నమ్మకాలు, మనిషి-ప్రకృతి మధ్య సంబంధాన్ని చూపించింది. కేవలం రూ.16 కోట్ల బడ్జెట్తో తెరకెక్కిన ఈ సినిమా, ప్రపంచవ్యాప్తంగా రూ.407 కోట్లు వసూలు చేసి ప్రాంతీయ కథల సత్తా ఏంటో నిరూపించింది.
36
కార్తికేయ 2 (2022)
నిఖిల్ సిద్ధార్థ్ నటించిన 'కార్తికేయ 2' సినిమాను కూడా ప్రేక్షకులు ఎంతగానో ఆదరించారు. పురాణం, చరిత్ర, రహస్యం, సాహసం కలగలిపి ఈ సినిమాను రూపొందించారు. శ్రీకృష్ణుడికి సంబంధించిన రహస్యాలను ఒక అడ్వెంచరస్ థ్రిల్లర్గా ఈ చిత్రం ప్రేక్షకులకు అందించింది. సుమారు రూ.15 కోట్ల బడ్జెట్తో తీసిన ఈ సినిమా, ప్రపంచవ్యాప్తంగా రూ.117.87 కోట్లు వసూలు చేసింది.
ప్రశాంత్ వర్మ దర్శకత్వంలో వచ్చిన 'హను-మాన్' సినిమా భారతీయ పురాణ కథ, సూపర్ హీరో జానర్ల అద్భుతమైన కలయిక. హనుమంతుడి భక్తి, శక్తులను ఆధునిక సూపర్ హీరో కథ రూపంలో ఈ సినిమా ప్రేక్షకులకు పరిచయం చేసింది. 2024లో విడుదలైన ఈ చిత్రం బాక్సాఫీస్ వద్ద భారీ విజయం సాధించింది. దాదాపు రూ.40 కోట్ల బడ్జెట్తో నిర్మించిన 'హను-మాన్' ప్రపంచవ్యాప్తంగా రూ.295.29 కోట్లు వసూలు చేసింది.
56
మహావతార్ నరసింహ (2025)
'మహావతార్ నరసింహ' సినిమాను కూడా ప్రేక్షకులు బాగా ఇష్టపడ్డారు. ఈ సినిమాను చూసేందుకు థియేటర్లకు జనం పోటెత్తారు. విష్ణుమూర్తి నరసింహ అవతారానికి సంబంధించిన పౌరాణిక గాథ ఆధారంగా ఈ సినిమాను రూపొందించారు. ప్రాచీన ధార్మిక కథను యానిమేషన్ రూపంలో వెండితెరపైకి తీసుకొచ్చారు. సుమారు రూ.40 కోట్ల బడ్జెట్తో నిర్మించిన ఈ సినిమా, ప్రపంచవ్యాప్తంగా రూ.326.82 కోట్లు వసూలు చేసింది.
66
హనుమాన్ అంశ్ (2026)
2026 ఆగస్టు 7న విడుదలైన 'హనుమాన్ అంశ్' సినిమా మొదట్లో నెమ్మదిగా ప్రారంభమైంది. కానీ, సినిమా చూసిన వారి సంఖ్య పెరిగేకొద్దీ, మౌత్ టాక్తో ప్రేక్షకులు పెరగడం మొదలుపెట్టారు. ఇప్పుడు ఈ సినిమాకు భారీ ప్రశంసలు వస్తుండటంతో పాటు, చాలా షోలు హౌస్ఫుల్ అవుతున్నాయి. నీమ్ కరోలీ బాబా జీవితం, ఆయన బోధనలు, ఆయనతో ముడిపడిన అద్భుతాల ఆధారంగా ఈ సినిమాను నిర్మించారు. కేవలం రూ.2 కోట్ల బడ్జెట్తో తీసిన ఈ సినిమా, ఇప్పటివరకు రూ.205.15 కోట్లు వసూలు చేసి ఇంకా విజయవంతంగా ప్రదర్శించబడుతోంది. ఈ నెల 18 నుంచి తెలుగులోనూ విడుదల కాబోతుంది. దీంతో ఇది మరింతగా దూసుకుపోతుందని చెప్పొచ్చు. ఈజీగా మూడు వందల కోట్లు దాటుతుందని ట్రేడ్ వర్గాలు అంచనా వేస్తున్నాయి.
