కోట శ్రీనివాసరావు చేసిన తన నటనతో తెలుగు ప్రేక్షకుల హృదయాల్లో నిలిచిపోయారు. కోట కొన్నిసార్లు తన వ్యాఖ్యలతో వివాదాల్లో సైతం నిలిచారు. ఇండస్ట్రీలో కోటకి ప్రకాష్ రాజ్, నాగబాబు లాంటి వారితో విభేదాలు ఉన్నాయి.
దివంగత నటుడు కోట శ్రీవాసరావు నటన గురించి ప్రత్యేకంగా చెప్పాల్సిన అవసరం లేదు. తన విలక్షణ నటనతో దశాబ్దాల పాటు తెలుగు ప్రేక్షకులని కోట అలరించారు. కోట శ్రీనివాసరావు నటనతో మాత్రమే కాదు తన కామెంట్స్ తో సైతం వార్తల్లో నిలిచేవారు. ముక్కుసూటిగా మాట్లాడడం ఆయన నైజం.
25
ప్రకాష్ రాజ్ తో విభేదాలు
తెలుగు సినిమాల్లో తెలుగు వారికే ఎక్కువ అవకాశాలు ఉండాలి అని అని బలంగా గళం వినిపించిన వారిలో కోట శ్రీనివాసరావు ఒకరు. కోట శ్రీనివాసరావు షాయాజీ షిండే లాంటి పరభాషా నటుల్ని బహిరంగంగా వ్యతిరేకించారు. ప్రకాష్ రాజ్ తో కూడా కోట శ్రీనివాసరావుకి విభేదాలు ఉన్నాయి. ప్రకాష్ రాజ్ మా అసోసియేషన్ ఎన్నికల్లో పోటీ చేసినప్పుడు కోట శ్రీనివాసరావు విమర్శలు చేశారు.
35
ప్రకాష్ రాజ్ కోసం మేము ఎదురు చూడాలా ?
ప్రకాష్ రాజ్ ఏనాడూ షూటింగ్స్ కి సరైన టైం కి రాలేదని కోట అన్నారు. అతడి కోసం మేమంతా ఎదురుచూస్తూ సెట్ లో ఉండాలి. ఎప్పుడో 11గంటలకు వస్తాడు. ఎక్కడ వెళ్ళిపోతాడో అని డైరెక్టర్ మొదట అతడి సన్నివేశాలు పూర్తి చేస్తాడు. అప్పటి వరకు మేమంతా ఎదురుచూడాలి. నిర్మాత దగ్గర డబ్బులు తీసుకుని నటిస్తున్నందుకు బాధ్యత ఉండాలి కదా అని కోట ప్రశ్నించారు.
ప్రకాష్ రాజ్ ని విమర్శించినందుకు నాగబాబు కోటపై మండిపడ్డారు. కోట లాంటి నటులు ప్రకాష్ కాలి గోటికి కూడా సరిపోరు అని నాగబాబు వివాదాస్పద వ్యాఖ్యలు చేశారు. కోట తరచుగా చేస్తున్న వ్యాఖ్యలతో తాను విసిగిపోయాను అని అందుకే ఇలా మాట్లాడుతున్నాను అని నాగబాబు అన్నారు.
55
చిరంజీవి, పవన్ లేకపోతే నాగబాబు ఎవరు ?
నాగబాబు వ్యాఖ్యలపై కోట కూడా ధీటుగానే కౌంటర్ ఇచ్చారు. ఓ ఇంటర్వ్యూలో కోట మాట్లాడుతూ.. అసలు చిరంజీవి, పవన్ కళ్యాణ్ లు లేకపోతే నాగబాబు అనేవాడు ఎవడు ? అసలు నాగబాబుకు ఏం అర్హత ఉంది ? మంచి నటుడు కాదు.. గొప్ప రాజకీయ నాయకుడు కాదు. అలాంటప్పుడు నాగబాబు ఎందుకు అలా మాట్లాడాలి. అసలు నాగబాబుకు ప్రకాష్ రాజ్ లాంటి వ్యక్తిని వెనుకేసుకురావాల్సిన అవసరం ఏముంది అని కోట అన్నారు.
