స్టార్లు, సూపర్ స్టార్లు, దిగ్గజ హీరోలు ఉన్న ఇండస్ట్రీ, సౌత్ ఇండియాల్ వెలుగు వెలిగిన సినీపరిశ్రమ.కాని ప్రస్తుతం వరుస ప్లాప్ లతో అల్లాడుతోంది. రజినీకాంత్,కమల్ హాసన్, విజయ్, సూర్య, ధనుష్ ఇలా పాన్ ఇండియా హీరోలు ఉన్న కోలీవుడ్, ఈ ఏడాది 3 నెలల్లో ఎక్కువ పరాజయాలు చూసింది. 64 సినిమాలు రిలీజ్ అయితే 60 సినిమాలు ప్లాప్ అవ్వగా.. 4 సినిమాలు మాత్రమే హిట్ అయ్యాయి. కోలీవుడ్ కు ఎందుకు ఇలాంటి పరిస్థితి వచ్చింది.
2025 Kollywood Box Office Quarterly Report : 2025 సంవత్సరం మొదలయ్య మూడు నెలలు దాటిపోయింది. ఈ మూడు నెలల్లో ఎన్నో సినిమాలు రిలీజ్ అయ్యాయి. రిలీజ్ అయిన ప్రతీ సినిమా హిట్ అవ్వదు కదా? తెలుగు,తమిళ, కన్నడ, హిందీ భాషల్లో వారి వారి సినిమాలు రిలీజ్ అవ్వగా.. తమిళ పరిశ్రమ పరిస్థితి మాత్రం ఇబ్బందికరంగా తయారయ్యింది.
గడిచిన 3 నెలల్లో మొత్తం 64 తమిళ్ సినిమాలు రిలీజ్ అయ్యాయి. అందులో 60 సినిమాలు ఫ్లాప్ అవ్వగా కేవలం నాలుగు సినిమాలు మాత్రమే హిట్ అయ్యాయి. బాక్స్ ఆఫీస్ దగ్గర ఈ ఏడాది ఒక్క తమిళ్ సినిమా కూడా 200 కోట్లు కలెక్ట్ చేయలేదు.
Also read: బాహుబలి సినిమాను రిజెక్ట్ చేసిన స్టార్ హీరో, ప్రభాస్ కంటే ముందు రాజమౌళి ఆఫర్ ఇచ్చింది ఎవరికి?
ప్రతి సంవత్సరం స్టార్టింగ్‌లో పొంగల్ సెలవులకు సినిమాలు పోటీపడి రిలీజ్ అవుతాయి. అలాగే ఈ సంవత్సరం పొంగల్‌కి బాలా తీసిన వణంగాన్, రవి మోహన్ తీసిన కాదలిక్క నేరమిల్లై, విష్ణువర్ధన్ తీసిన నేసిప్పాయా, షాన్ నిగమ్ నటించిన మెద్రాస్కారన్ అనే కొత్త సినిమాలు వచ్చాయి.
అయితే ఈసినిమాలన్నింటిని పక్కకు నెట్టి.. 12 సంవత్సరాల ముందు రిలీజ్ కావాల్సిన మద గజ రాజా ఈ సంవత్సరం పొంగల్ కింగ్ లా నిలిచింది. విశాల్ మూవీ బాక్స్ ఆఫీస్‌లో హిట్ కొట్టింది. ఆ సినిమా 50 కోట్లు కలెక్ట్ చేసింది.
జనవరి నెలలో మొత్తం 26 సినిమాలు థియేటర్లలోకి వచ్చాయి. ఇందులో రెండే రెండు హిట్ సినిమాలు. అందులో ఒకటి మద గజ రాజా, ఇంకొకటి మణికందన్ నటించిన కుటుంబస్థన్. ఇందులో మద గజ రాజా 50 కోట్లు, కుటుంబస్థన్ 25 కోట్లు కలెక్ట్ చేశాయి. మిగతా సినిమాలు బడ్జెట్‌లో సగం కూడా కలెక్ట్ చేయలేదు. దీనివల్ల కోలీవుడ్‌కి స్టార్టింగే డల్ అయింది.
Also Read: శంకర్ నుండి మురుగదాస్ వరకు, స్టార్స్ గా వెలిగి పడిపోయిన దర్శకులు ఎవరంటే?
జనవరి నెలలో పెద్దగా కలెక్షన్స్ లేకపోయినా ఫిబ్రవరిలో అయినా అజిత్ సినిమా బాక్సాఫీస్ ను షేక్ చేస్తుంది అనుకున్నారు అంతా. కాని భారీ అంచనాల నడుమ, ఎంతో హడావిడిగా రిలీజ్ అయిన అజిత్ పట్టుదల సినిమా ఫెయిల్ అయింది.
అజిత్ కెరీర్‌లో పెద్ద ఫ్లాప్ సినిమాగా విడాముయర్చి( పట్టుదల) నిలిచింది. దీనికోసమా ఇంత బిల్డప్ ఇచ్చారు అని అభిమానులే విమర్శించేలా విడాముయర్చి ఉంది. ఆ తర్వాత ప్రేమికుల రోజున సినిమాలు రిలీజ్ అయ్యాయి. అందులో ఒక్కటంటే ఒక్క సినిమా కూడా హిట్ అవ్వలేదు.
ఆ తర్వాత కోలీవుడ్‌కి ఊపిరి పోసినట్టుగా 21వ తేదీన ప్రదీప్ రంగనాథన్ డ్రాగన్ సినిమా రిలీజ్ అయింది. స్టార్ హీరోలకు కూడా సాధ్యం కానిపనిని..ఆ కుర్ర హీరో సాధించాడు. డ్రాగన్ సినిమా 150 కోట్లు కలెక్ట్ చేసి కోలీవుడ్ కు కాస్త ఊరటనిచ్చింది. ఈ సంవత్సరంలో ఎక్కువ కలెక్షన్స్ చేసిన సినిమా కూడా ఇదే.
ఇక డ్రాగన్ తో పాటు ధనుష్ దర్శకత్వంలో.. అతని మేనల్లుడు హీరోగా ఓ సినిమాను రిలీజ్ చేశారు. కాని ఈసినిమా డిజాస్టర్ అయ్యింది. డ్రాగన్ సినిమాతో ఈసినిమాకు పోలిక పెడుతూ.. అనేక విమర్శలు కూడా వచ్చాయి. ధనుష్ యాంటీ ఫ్యాన్స్ అయితే డ్రగన్ ను అడ్డుపెట్టుకుని దుమ్మెత్తిపోశారు. ఫిబ్రవరిలో మొత్తం 19 సినిమాలు రిలీజ్ అవ్వగా.. అందులో ఒక్క సినిమానే హిట్ అయింది.
Also Read: రాధిక అల్లుడు ఒక స్టార్ క్రికెటర్ అని మీకు తెలుసా? ఇంతకీ ఎవరా స్టార్ ప్లేయర్ ?
మార్చి నెల పరిస్థితి ఫిబ్రవరి కంటే హీనం. ఇది పరీక్షలు జరిగే నెల కాబట్టి చాలా వరకు సినిమాలు రిలీజ్ చేయరు. కానీ ఈ సంవత్సరం మాత్రం వారానికి వారానికి సినిమాలు క్యూ కట్టాయి. ఆ విధంగా మార్చి మొదటి వారంలో జివి ప్రకాష్ కింగ్‌స్టన్ సినిమా రిలీజ్ అయింది. ఆ సినిమా జివి ఫ్లాప్ లిస్ట్‌లో చేరిపోయింది.
ఆ తర్వాత మార్చి రెండో వారంలో యువన్ నిర్మాణంలో రియో నటించిన స్వీట్ హార్ట్ సినిమా థియేటర్లలోకి వచ్చింది. ఈ సినిమా కూడా ఫెయిల్ అయింది. మార్చిలో మొదటి 3 వారాలు హిట్ లేకుండా కోలీవుడ్ డ్రైగా మారిపోయింది.
ఇక లేటుగా వచ్చినా లేటెస్ట్‌గా వచ్చి హిట్ కొట్టింది విక్రమ్ యొక్క వీర ధీర సూరన్ సినిమా. ఈ సినిమా ఇతర భాషల్లో ప్లాప్ అయినా..తమిళంలో మాత్రం హిట్ అయ్యింది. రిలీజ్ అయిన ఒక్క వారంలోనే రూ.50 కోట్లకు పైగా కలెక్ట్ చేసి దూసుకుపోతోంది. మొత్తం మీద మార్చి నెలలో కూడా 19 సినిమాలు రిలీజ్ అయ్యాయి. అందులో ఒక్క హిట్ సినిమానే వచ్చింది.
Also Read: అట్లీపై మండిపడుతున్న అల్లు అర్జున్ ఫ్యాన్స్, బన్నీపై స్టార్ డైరెక్టర్ ప్రయోగం చేయబోతున్నాడా ?
కోలీవుడ్ మొదటి క్వార్టర్‌లో మొత్తం 64 సినిమాలు రిలీజ్ అయ్యి అందులో కేవలం నాలుగు సినిమాలు మాత్రమే హిట్ అయ్యాయి. మిగిలిన 60 సినిమాలు ఫ్లాప్ అయ్యాయి. ఈ క్వార్టర్‌లో కోలీవుడ్ నేర్చుకున్న పాఠం ఏమిటంటే, అజిత్ లాంటి పెద్ద హీరో సినిమా అయినా సినిమా బాగుంటేనే చూస్తారు. లేదంటే పక్కన పడేసి నెల తర్వాత ఓటీటీలో చూసుకుంటారు.
ఈ 64 సినిమాల్లో 50 సినిమాలు వచ్చినట్టు కూడా ఎవరికీ తెలియదు. వచ్చే 9 నెలల్లో చాలా మంది పెద్ద హీరోల సినిమాలు వస్తున్నాయి కాబట్టి కోలీవుడ్‌కి అందని ద్రాక్షలా ఉన్న 1000 కోట్ల కలెక్షన్ల కల ఈ సంవత్సరమైనా నెరవేరుతుందో లేదో వేచి చూడాలి.
Also Read: ఒకప్పుడు వాచ్ మెన్ గా పనిచేసిన స్టార్ హీరో, ప్రస్తుతం 200 కోట్ల ఆస్తికి యజమాని, ఎవరా నటుడు?
Also Read:ఐశ్వర్య రాయ్ బాడీగార్డ్ జీతం ఎంతో తెలుసా? షాక్ అవుతారు!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి