కెరీర్ ఆరంభం నుంచి యంగ్ హీరో కిరణ్ అబ్బవరం ప్రతి ఒక్కరిని ఆకర్షిస్తున్నాడు. తన ప్రత్యేకత చాటుకోవాలని కష్టపడుతున్నాడు. కానీ అన్ని సమయాల్లో సక్సెస్ రావడం కష్టం. కిరణ్ అబ్బవరం నటించిన చిత్రాలు పర్వాలేదనిపిస్తున్నప్పటికీ సూపర్ హిట్ ఒక్కటి కూడా లేదు.
కెరీర్ ఆరంభం నుంచి యంగ్ హీరో కిరణ్ అబ్బవరం ప్రతి ఒక్కరిని ఆకర్షిస్తున్నాడు. తన ప్రత్యేకత చాటుకోవాలని కష్టపడుతున్నాడు. కానీ అన్ని సమయాల్లో సక్సెస్ రావడం కష్టం. కిరణ్ అబ్బవరం నటించిన చిత్రాలు పర్వాలేదనిపిస్తున్నప్పటికీ సూపర్ హిట్ ఒక్కటి కూడా లేదు. కొత్తదనం కోసం ప్రయత్నిస్తూనే ఉన్నాడు. ఎట్టకేలకు కిరణ్ కోరుకున్న సక్సెస్ దక్కింది.
కిరణ్ అబ్బవరం నటించిన లేటెస్ట్ మూవీ 'క' చిత్రం దీపావళి కానుకగా విడుదలై పాజిటివ్ టాక్ సొంతం చేసుకుంది. ఈ క్రమంలో కిరణ్ ఇన్నేళ్లల్లో ఎంతో ట్రోలింగ్ ఎదుర్కొన్నాడు. మీడియా ముఖంగా తానేం తప్పు చేశానని చాలా సార్లు ఎమోషనల్ అయ్యాడు. క ప్రీ రిలీజ్ ఈవెంట్ లో కూడా తనని అనవసరంగా ఎందుకు టార్గెట్ చేస్తున్నారు.. సాధారణ కుటుంబం నుంచి వచ్చి సినిమాల మీద ఇష్టంతో నా కష్టం నేను పడుతున్నా అంటూ కిరణ్ ఎమోషనల్ అయ్యాడు.
క చిత్ర కథ, మేం ఎంచుకున్న పాయింట్ ఇతర చిత్రాల్లో కానీ ఇంకెక్కడైనా మీకు దొరికినా, కాపీ చేసినట్లు అనిపించినా నేను సినిమాల నుంచి తప్పుకుంటా. క మూవీ మిమ్మల్ని డిజప్పాయింట్ చేసినా నేను సినిమాలు చేయడం మానేస్తా అంటూ ఛాలెంజ్ చేశాడు. ఛాలెంజ్ చేసినట్లుగానే కిరణ్ అబ్బవరం క చిత్రంతో నిరూపించుకున్నాడు. ముఖ్యంగా క్లైమాక్స్ ని ఊహించడం ఎవ్వరి తరం కావడం లేదు. ఈ సక్సెస్ లో కిరణ్ అబ్బవరం తన భార్య రహస్యకి కూడా క్రెడిట్ ఇచ్చాడు. సక్సెస్ లేని వాళ్ళు ఎవరైనా ఉంటే వెంటనే పెళ్లి చేసుకోండి సక్సెస్ వస్తుంది అని సరదాగా తెలిపాడు.
ఛాలెంజ్ చేసి మరీ కొట్టిన మరో వ్యక్తి నిర్మాత నాగవంశీ. వెంకీ అట్లూరి తెరకెక్కించిన లక్కీ భాస్కర్ చిత్రాన్ని నాగవంశీ సితార ఎంటర్టైన్మెంట్స్ బ్యానర్ లో నిర్మించారు. దుల్కర్ సల్మాన్ ఈ చిత్రంలో హీరోగా నటించారు. దీపావళికి రిలీజైన ఈ చిత్రం కూడా సూపర్ హిట్ టాక్ తో దూసుకుపోతోంది. రిలీజ్ కి ముందు నాగవంశీ కూడా ఛాలెంజ్ చేశారు. ఈ చిత్రంలో ఎవరైనా క్రిటిక్స్ తప్పులు చూపిస్తే వాళ్ళకి తాను పార్టీ ఇస్తానని నాగవంశీ తెలిపారు.
నాగవంశీ చెప్పినట్లుగానే లక్కీ భాస్కర్ చిత్రం సరికొత్త పాయింట్ తో వంకర పెట్టలేని విధంగా ఆకట్టుకుంటోంది. వెంకీ అట్లూరి రైటింగ్ బ్రిలియంట్ అని అంటున్నారు. మొత్తంగా ఇటు కిరణ్ అబ్బవరం, నాగవంశీ ఇద్దరూ ఛాలెంజ్ చేసి నిరూపించుకున్నారు. కిరణ్ కి క చిత్రం సరికొత్త క్రేజ్ తీసుకువచ్చింది. ఇండస్ట్రీలో ఈ యంగ్ హీరో హాట్ టాపిక్ అయ్యాడు. నాగవంశీ కూడా సినిమాల మీద సినిమాలు నిర్మిస్తూ అందరిని ఆశ్చర్యానికి గురి చేస్తున్నాడు.