Brahmamudi: అపర్ణకి స్ట్రాంగ్ రిప్లై ఇచ్చిన కావ్య.. భార్య ప్రవర్తనికి తల పట్టుకున్న రాజ్?

Brahmamudi: స్టార్ మా లో ప్రసారమవుతున్న బ్రహ్మముడి సీరియల్ మంచి కంటెంట్తో టాప్ సీరియల్స్ సరసన స్థానం సంపాదించుకుంటుంది. నిజం తెలుసుకోకుండా కోడలి మీద కేకలు వేస్తున్న ఒక అత్త కథ ఈ సీరియల్. ఇక ఈరోజు ఆగస్టు 5 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో కళావతి పేరు మీద డిజైనర్ పోస్ట్ కి అపాయింట్మెంట్ ప్రిపేర్ చేయండి అని మేనేజర్ కి చెప్తాడు రాజ్. మేడం పేరు కళావతి కాదు సార్ కావ్య అని చెప్తుంది శృతి. ఆమె కాసి కోపంగా చూస్తాడు రాజ్. సార్ ఇగో హర్ట్ అయినట్లుగా ఉంది అనుకుంటూ అక్కడ నుంచి వెళ్ళిపోతుంది శృతి. ఈరోజే కావ్య డిజైన్స్ గురించి ఇంట్లో అందరికీ చెప్పాలి అనుకుంటాడు రాజ్. సీన్ కట్ చేస్తే కావ్య కోసం ఎదురు చూస్తూ ఉంటుంది అపర్ణ.

కావ్య ఇంట్లోకి వచ్చి తన గదిలోకి వెళ్ళిపోతుంటే ఆపి ఎక్కడికి వెళ్ళొస్తున్నావు.. నీ పుట్టింటికి ఏం దోచిపెడుతున్నావు అంటూ నిలదీస్తుంది అపర్ణ. ఆ కేకలకి ఇంట్లో వాళ్ళందరూ అక్కడకి చేరుకుని ఏం జరిగింది అని అడుగుతారు. కావ్య కూడా ఏం జరిగింది? ఎందుకు అలా అడుగుతున్నారు అని అత్తగారిని అడుగుతుంది. నువ్వు నీ పుట్టింటికి డబ్బు తీసుకెళ్లావా లేదా అని గట్టిగా నిలదీస్తుంది. తీసుకెళ్లాను అంటూ ఇంకా ఏదో చెప్పబోతుంది కావ్య.

ఇంకేమీ చెప్పక్కర్లేదు అంటే నువ్వు ఈ ఇంటి సొమ్ము మీ పుట్టింటికి దోచేస్తున్నావు అయినా వాళ్లకైనా సిగ్గుండాలి కదా తీసుకోవటానికి అంటూ నానా మాటలు అంటుంది అపర్ణ. రుద్రాణి కూడా ఆ తల్లి అందుకే వీళ్ళిద్దరిని ఈ ఇంటికి కోడలుగా చేసినట్లుంది సమయం చూసుకొని ఇక్కడ డబ్బులు అక్కడ సర్దేస్తుంది సిగ్గులేని జన్మ అనే కనకాన్ని తిడుతుంది. రుద్రాణి మీద కోపంతో రెచ్చిపోతుంది కావ్య. అసలు విషయం తెలుసుకోకుండా ఎందుకలా మాట్లాడుతున్నారు.

నేను డబ్బు తీసుకెళ్లిన మాట నిజమే కానీ అది దోచుకెళ్ళిన సొమ్ము కాదు నేను కష్టపడి రాత్రి నిద్ర పోకుండా డిజైన్లు గీసి నా భర్తకి అమ్ముకున్నాను. అయినా ఆడపిల్ల అంటే పెళ్లి అవ్వగానే బాధ్యతలు వదిలేయాలని ఏమి లేదు అని స్ట్రాంగ్ కౌంటర్ ఇస్తుంది కావ్య. అయినా పెద్దవాళ్ళకి చెప్పి చేయాలి కదమ్మ అంటుంది చిట్టి. నేను నా భర్తకి చెప్పే చేశాను అని చెప్పటంతో అందరూ షాక్ అవుతారు. అయినా తగ్గకుండా నా కొడుక్కి ఏవేవో మాయమాటలు చెప్పి ఒప్పించినట్లు ఉన్నావు అమాయకుడు కరిగిపోయాడు అంటుంది అపర్ణ.

మీరు నా గురించి ఏమనుకుంటున్నారు నాది అంత చీప్ క్యారెక్టర్ కాదు. అయినా నేను నా భర్తకి అన్ని చెప్పే చేశాను మిగిలిన వాళ్ళకి సంజాయిషీ   ఇచ్చుకోవలసిన అవసరం నాకు లేదు. అయినా భర్త లేని సమయంలో ఇలా అందరి ముందు అవమానించడం సభ్యత కాదు అని చెప్పి కోపంగా అక్కడి నుంచి వెళ్ళిపోతుంది కావ్య. మరోవైపు కృష్ణమూర్తికి 1000 వినాయకుడి బొమ్మలు ఆర్డర్ వస్తాయి.

ఆర్డర్ ఇచ్చిన అతను కావ్య ఏది అని అడుగుతాడు. కావ్య కి పెళ్లి అయిపోయింది అత్తగారింటికి వెళ్లిపోయింది అనటంతో కావ్య లేకపోతే ఈ ఆర్డర్ మీకు ఇవ్వలేను తను వస్తుందేమో అడగండి అంటాడు. తను వచ్చినా నేను రానివ్వను నాకు ఈ కాంట్రాక్ట్ అక్కర్లేదు అని చెప్పి పంపించేస్తాడు కృష్ణమూర్తి. కావ్యని అడిగి నిర్ణయం తీసుకోవాల్సింది ఈ కాంట్రాక్టు ఒప్పుకుంటే మన  అప్పులు తీరిపోయేవి కదా అంటుంది కనకం. నేను అడిగితే అన్ని వదులుకొని కావ్య వస్తుంది కానీ దానికి కాపురంలో చిచ్చు రగులుకుంటుంది.

 దాని ఇంట్లో సమస్యలు రావడం నాకు ఇష్టం లేదు. అయినా అప్పు తీరుస్తానని మాట ఇచ్చింది కదా అదే ఎక్కువ అంటాడు కృష్ణమూర్తి. మరోవైపు తన అభిమాని తనకు రాసిన లెటర్ ని తీసుకు వెళ్లి అప్పుకి చూపిస్తాడు కళ్యాణ్. నా కవితలు అర్థం లేని అన్నావు ఇప్పుడు చూడు అని గర్వంగా చూపిస్తాడు.కోడి కెలికినట్లుగా కెలిపేసింది  అంటుంది అప్పు. నువ్వు కుళ్ళు కుంటున్నావు కదా అని ఆటపట్టిస్తాడు కళ్యాణ్.

 అంత అవసరం నాకు లేదు ఇంతకీ మీ అభిమాని పేరు ఏంటి అని అడుగుతుంది అప్పు. తన మొదటి అక్షరం నా అరచేతిలో ఉందని చెప్పింది అంటాడు కళ్యాణ్. అలా అర్థం అయ్యి అవ్వనట్లుగా చెప్తే దాన్ని పిచ్చి అంటారు అంటుంది అప్పు. తరువాయి భాగంలో ఆఫర్ లెటర్ ని కావ్యకి ఇస్తాడు రాజ్. మీరు ఇచ్చిన ఆఫర్ ని నేను యాక్సెప్ట్ చేయలేను అంటూ బాధగా అక్కడ నుంచి వెళ్ళిపోతుంది కావ్య. ఎందుకలా చేసిందో అర్థం కాక తల పట్టుకుంటాడు  రాజ్.