యంగ్‌ టైగర్‌, కొమురంభీమ్‌ ఎన్టీఆర్‌ పుట్టిన రోజు నేడు(మే 20). ఈ సందర్భంగా ఆయనకు బర్త్ డే విషెస్‌లు వెల్లువలా వస్తున్నాయి. అనేక మంది సెలబ్రిటీలు విషెస్‌ తెలియజేస్తున్నారు. అదే సమయంలో ఎన్టీఆర్‌కి సంబంధించి పలు ఆసక్తికర, ఎవరికీ తెలియని విషయాలు వైరల్‌ అవుతున్నాయి.
undefined
అందులో భాగంగా ఎన్టీఆర్‌కి సంబంధించిన ఓ ఇంటర్వ్యూ ఇప్పుడు వైరల్‌గా మారింది. ఇందులో తన తాతగారు ఎన్టీఆర్‌(సీనియర్‌) గురించి, అమ్మగారి గురించి ఆయన అనేక విషయాలను వెల్లడించారు.
undefined
తాతగారి రూపం రావడం తన అదృష్టమని, ఓ రకంగా తనకది పెద్ద బాధ్యత అని తెలిపారు. అయితే ఆయనలాంటి రూపం, ఆయన లాంటి పేరు, ఆయనలాంటి నటన తనకు రావడం పట్ల తాను సైతం ఆశ్చర్యం వ్యక్తం చేశారు. ఈ విషయాలకు సంబంధించి ఎన్టీఆర్‌(సీనియర్‌)ని నిలదీద్దామనుకున్నాడట.
undefined
`ఆయన లాంటి రూపం రావడం, పేరు రావడం ఎలా సాధ్యమైంది? ఎందుకు వచ్చిందనేది నాకూ చాలా సార్లు అనిపించేంది. ప్రతి రోజూ ఆలోచించేవాడిని. ఒకానొక సమయంలో తాతగారినే డైరెక్ట్ గా అడిగేద్దామని అనుకున్నాను. ఆయనతో చాలా మాట్లాడాలని ఉండేది. ఈ విషయాలన్నీ అడుగుదామని అనుకున్నాను. కానీ మిస్‌ అయ్యాను. ఆ అవకాశం రాలేదు` అని తెలిపారు ఎన్టీఆర్‌.
undefined
దీనికి సంబంధించి తన వద్ద కూడా సమాధానం లేదని, తనకు తాను ఎలా జవాబు చెప్పుకోవాలని అర్థమయ్యేది కాదని తెలిపాడు ఎన్టీఆర్‌. ఎన్టీఆర్‌ పేరు, నటన తానెప్పుడూ గొప్ప బాధ్యతగా భావిస్తానని, ఆయన పేరుతోనే నా రోజు పూర్తవుతుందని, ఆయన పేరుతోనే నా జీవితం స్టార్ట్ అయ్యిందని, ఆయన పేరుతోనే ముగుస్తుందని చెప్పారు.
undefined
తాను నందమూరి కుటుంబంలో పుట్టాననో, లేక ఆ ఇంటి వాతావరణంలో పెరిగానో తెలియదు గానీ, ఆయన తనని చాలా ప్రభావితం చేశారని తెలిపారు. చిన్నప్పటి నుంచి ఆయన సినిమాలే చూసేవాడినని, ఏడ్చేవాడినని పేర్కొన్నారు.
undefined
ఎన్టీఆర్‌ పేరు తలచుకోకపోతే తనకు ముద్ద కూడా దిగదని తెలిపారు ఎన్టీఆర్‌. ఆయనంటే అంత ఇష్టమన్నారు. నటుడిగా, రాజకీయ నాయకుడిగా, మంచి వ్యక్తిగా ఆయనకంటే తనకు అభిమానం, ఇష్టమని పేర్కొన్నారు.
undefined
అయితే తన ఫ్యామిలీ గురించి అమ్మ చిన్నప్పటి నుంచే చెప్పిందన్నారు. ఐదేళ్లున్పప్పుడే తన ఫ్యామిలీ పరిస్థితేంటో అమ్మ చెప్పిందని, తాము ఒంటరి ఫ్యామిలీ అని చెప్పిందన్నారు. అయితే అమ్మకి, తనకు ఎప్పుడూ గొడవ అయ్యేదని పేర్కొన్నాడు.
undefined
చిన్నప్పుడు తాను బాగా అల్లరి చేసేవాడినని, దీంతో అమ్మ చితగ్గొట్టేదని, కాళ్లు విరగొట్టేందని, ఒకటి రెండు సార్లు కాళ్లు విరిగిన సందర్భాలు కూడా ఉన్నాయని పేర్కొంది. చిన్నప్పుడు తాను వరస్ట్ బాయ్‌ని అని చెప్పారు.
undefined
ఈ సందర్భంగా గూళ్లో ఓ గొడవ విషయంలో ఇంటి చుట్టూ తిప్పించి మరీ కొట్టిందని, ఆ తర్వాత గూళ్లో దాచుకుంటూ రెండు గంటలపాటు వెతికి మరీ పట్టుకుని కొట్టిందని, ఆ రోజు గొడవ పీక్‌లోకి వెళ్లిందని తెలిపారు. బాగా కొట్టిన తర్వాత అయింట్‌మెంట్‌ రాస్తూ ఏడ్చేదని పేర్కొన్నారు. ఇక తన ఫ్యామిలీ గురించి చెబుతూ తాను ఏదో చేయాలని, ఏదో నిరూపించుకోవాలని, సాధించాలని ఎప్పుడూ తపించేదని, తానేమో అల్లరి చిల్లరగా ఉండేవాడినని,అందుకే అమ్మ బాగా కొట్టేదని పేర్కొన్నారు.
undefined
చిన్నప్పుడే కూచిపుడి డాన్స్ ని నేర్పించిందన్నారు. దాదాపు 10-12ఏళ్లు డాన్సులు నేర్చుకున్నానని తెలిపాడు. తాను బోర్డర్‌ స్కూల్‌లో జాయిన్‌ చేయించిందని, తాను చదవనని మొండికేస్తే మళ్లీ కొట్టిందని,ఈ క్రమంలో తనుకు తానే కాళ్లు విరగొట్టుకున్నానని చెప్పారు ఎన్టీఆర్‌. తాను ఇంటర్మీడియట్‌ వరకే చదువుకున్నానని, ఆ తర్వాత సినిమాల్లోకి వచ్చానని తెలిపారు. తన జీవితానికి సంబంధించి చిన్నప్పటి నుంచీ అమ్మే సర్వస్వం అని, అమ్మైనా, నాన్ననైనా, తాతైనా, అన్నైనా, తమ్ముడైనా, గర్ల్ ఫ్రెండ్‌ అయినా, భార్య అయినా అమ్మే అంటూ సంచలన కామెంట్లు చేశారు ఎన్టీఆర్‌.
undefined
ప్రస్తుతం ఎన్టీఆర్‌ `ఆర్‌ఆర్‌ఆర్‌` చిత్రంలో నటిస్తున్నారు. రామ్‌చరణ్‌ మరో హీరో. రాజమౌళి రూపొందిస్తున్న ఈ చిత్రంలోని కొమురంభీమ్‌ లుక్‌ని బర్త్ డే సందర్బంగా విడుదల చేశారు. అది విశేషంగా ఆకట్టుకుంటుంది. దీంతోపాటు కొరటాల శివ దర్శకత్వంలో మరో సినిమా చేస్తున్నారు ఎన్టీఆర్‌. ఈ సినిమాలో లుక్‌ ఇలా ఉండబోతుందని పరోక్షంగా హింట్‌ ఇచ్చింది యూనిట్‌. దీంతోపాటు ప్రశాంత్‌ నీల్‌తోనూ సినిమా చేయబోతున్నట్టు ప్రకటించారు యూనిట్‌.
undefined