జయం రవి నేరుగా, ఆర్తి మాత్రం వీడియో కాల్ లో..ఇద్దరూ మళ్ళీ కలిసిపోయే ఛాన్స్, కోర్టు ఏం చెప్పిందో తెలుసా

జయం రవి తన భార్య ఆరతి నుండి విడాకులు కోరుతూ కోర్టును ఆశ్రయించారు. ఇప్పుడు కోర్టు ఇచ్చిన తీర్పుతో జయం రవి - ఆర్తి మళ్ళీ కలిసి ఉండే అవకాశం ఉందా అనే చర్చ అభిమానుల్లో మొదలైంది. ఇంతకీ కోర్టు ఏం చెప్పిందో ఇప్పుడు చూద్దాం 

కాలేజీ రోజుల నుంచి ప్రేమించుకుని 2009 లో పెళ్లి చేసుకున్న ఆర్తి నుండి విడాకులు తీసుకుంటున్నట్లు రెండు నెలల క్రితం జయం రవి ప్రకటించడం తమిళ సినీ పరిశ్రమలో ఆశ్చర్యం కలిగించింది.

విడాకుల గురించి సోషల్ మీడియాలో చాలా వార్తలు వచ్చాయి. కుటుంబ క్షేమం కోసం ఈ నిర్ణయం తీసుకున్నట్లు జయం రవి ఒక ప్రకటనలో తెలిపారు. 

జయం రవితో మళ్ళీ కలిసి జీవించాలని ఆరతి కోరుకుంటున్నట్లు తెలిపారు. న్యాయస్థానంలో న్యాయం జరుగుతుందని ఆమె విశ్వాసం వ్యక్తం చేశారు. అయితే, జయం రవి ఆర్తిపై అనేక ఆరోపణలు చేయడంతో ఇద్దరూ కలసి ఉండటం కష్టం అని అనుకున్నారు.

చెన్నైలో ఫ్యామిలీ కోర్టులో జయం రవి, ఆర్తి విడాకుల కేసు విచారణకి వచ్చింది. జయం రవి కోర్టుకి నేరుగా హాజరయ్యారు. ఆర్తి మాత్రం వీడియో కాల్ లో అందుబాటులోకి వచ్చింది. ఇరు వర్గాల వాదనలు విన్న తర్వాత కోర్టు కీలక వ్యాఖ్యలు చేసింది. జయం రవి, ఆర్తి దంపతులు కలసి కూర్చుని మాట్లాడుకోవాలని.. రాజీకి ప్రయత్నించాలని సూచించింది. మరి కోర్టు సూచనల్ని జయం రవి, ఆర్తి పాటిస్తారో లేదో చూడాలి.