ఒక నటుడిని జూనియర్ ఎన్టీఆర్ నాలుగైదేళ్లు కనబడకు అని తిట్టి బ్యాన్ చేశాడట. తనను ఓ సినిమాలో ఆయన డామినేట్ చేయడమే కారణం అట. ఆ నటుడు ఎవరో చూద్దాం
ఈ తరం టాలీవుడ్ గ్రేట్ యాక్టర్స్ లో ఎన్టీఆర్ ఒకరు. ఆయన మంచి నటుడే కాదు గొప్ప డాన్సర్. అలాగే సింగర్ కూడాను. ఎన్టీఆర్ అద్భుతమైన నటుడని చాలా మంది సీనియర్ నటులు ఓపెన్ గానే చెప్పారు. అయితే ఎన్టీఆర్ నే ఒక నటుడు డామినేట్ చేశాడట. అందుకు ఆయన నొచ్చుకున్నాడట.
అరవింద సమేత వీర రాఘవ చిత్రంలో ఎన్టీఆర్ హీరో కాగా జగపతిబాబు విలన్. కరుడుగట్టిన ఫ్యాక్షనిస్ట్ గా జగపతిబాబు పాత్ర ఉంటుంది. ఇక ఎన్టీఆర్ సైతం ఫ్యాక్షనిస్ట్ అయినప్పటికీ అజ్ఞాతంలోకి వెళ్ళిపోతాడు. ఆయన నటన సెటిల్డ్ గా ఉంటుంది. దర్శకుడు త్రివిక్రమ్ ఫ్యాక్షనిజంలో ఎన్టీఆర్ హీరోయిజం కొత్తగా చూపించే ప్రయత్నం చేశాడు.
అయితే తన పాత్ర కంటే జగపతిబాబు చేసిన బసిరెడ్డి పాత్ర గొప్పగా ఉందని ఎన్టీఆర్ అనేవాడట. జగపతిబాబును రోజూ తిట్టేవాడట. ఓ ఇంటర్వ్యూలో జగపతిబాబు మాట్లాడుతూ... అరవింద సమేత చిత్రంలో నాది ఎక్స్ట్రా ఆర్డినరీ రోల్. కథకు బాగా వర్క్ అవుట్ అయ్యింది. దురదృష్టవశాత్తు నాది అగ్రెసివ్ క్యారెక్టర్, తారక్ పాసివ్ క్యారెక్టర్ చేశారు.
అందుకే నా పాత్ర బాగా వచ్చింది. అసలు తారక్ వంటి స్టార్ హీరో అలాంటి యాటిట్యూడ్ తో కూడిన క్యారెక్టర్ ఒప్పుకోవడమే కష్టం. అయితే దానికి సరిపడా శిక్ష నాకు తారక్ విధించాడు. రోజూ రాత్రి వాయించేసేవాడు. నువ్వు నన్ను ఇట్లా చేస్తున్నావ్ అట్లా చేస్తున్నావ్, నీ క్యారెక్టర్ బాగుంది అని తిట్టేవాడు. అవన్నీ ఓకే. అంటే ప్రేమగానే తిట్టేవాడు.
అరవింద సమేత ప్రీ రిలీజ్ వేడుకలో కూడా తారక్... ఫస్ట్ బసిరెడ్డి గుర్తుంటాడు. తర్వాత నేను గుర్తుంటాను అని స్వయంగా అన్నాడు. అంత పెద్ద హీరో అలాంటి స్టేట్మెంట్ ఇవ్వడమే సాహసం. తర్వాత నాతో.. బాబు ఇక మీకు నాకు అయిపోయింది. మీరు తారక్ తోనే ఆడుకుంటున్నారు. అది కుదరదు. ఓ నాలుగైదేళ్లు నాకు కనిపించకండి అన్నాడు.. అని చెప్పుకొచ్చారు.
ఇప్పట్లో తన సినిమాల్లో మీరు నటించవద్దని ఎన్టీఆర్ పరోక్షంగా చెప్పాడని జగపతిబాబు వెల్లడించారు. అరవింద సమేత వీరరాఘవ 2018లో విడుదలైంది. ఈ ఆరేళ్లలో ఎన్టీఆర్ నటించింది రెండు చిత్రాలు మాత్రమే. ఒకటి ఆర్ ఆర్ ఆర్ కాగా, మరొకటి దేవర. ఈ రెండు చిత్రాల్లో జగపతిబాబు నటించలేదు.
ప్రస్తుతం ఎన్టీఆర్ వార్ 2 షూటింగ్ లో పాల్గొంటున్నారు. హృతిక్ రోషన్ తో కలిసి చేస్తున్న మల్టీస్టారర్ ఈ చిత్రం. వార్ 2 అనంతరం ప్రశాంత్ నీల్ తో మూవీ చేస్తారు. దీనిపై అధికారిక ప్రకటన జరిగింది. అలాగే దేవర 2 మూవీ ఎన్టీఆర్ పూర్తి చేయాల్సి ఉంది. దేవర 2 ఉండకపోవచ్చనే ప్రచారం జరుగుతుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి