Jana Nayagan Team Salary: హెచ్. వినోత్ దర్శకత్వంలో దళపతి విజయ్, పూజా హెగ్డే, మమితా బైజు నటించిన 'జన నాయగన్' సినిమా కోసం నటీనటులు తీసుకున్న రెమ్యునరేషన్ వివరాలు ఇప్పుడు సోషల్ మీడియాలో వైరల్ అవుతున్నాయి.
తమిళ సినీ పరిశ్రమలో ఈ ఏడాది అత్యంత హైప్ క్రియేట్ చేసిన సినిమాల్లో 'జన నాయగన్' (జన నాయకుడు) ఒకటి. ఇది విజయ్ చివరి సినిమా కావడంతో, షూటింగ్ మొదలైనప్పటి నుంచే అంచనాలు ఆకాశాన్నంటాయి. ఈ సినిమాను ఈ ఏడాది జనవరిలో సంక్రాంతికి రిలీజ్ చేయాలని ప్లాన్ చేశారు. కానీ చివరి నిమిషంలో సెన్సార్ సమస్యల వల్ల సినిమా ఆగిపోయింది. ఆ తర్వాత ఎన్నికల తేదీలు ప్రకటించడంతో, గత ఆరు నెలలుగా 'జన నాయగన్' విడుదల కాలేదు. ఇప్పుడు అన్ని అడ్డంకులు తొలగిపోయి, సినిమా విడుదలకు సిద్ధంగా ఉంది.
25
జూలై 2న జన నాయగన్ రిలీజ్
'జన నాయగన్' సినిమా జూలై 23న రిలీజ్ కానుంది. విడుదలకు ఒక్క రోజే ఉండటంతో, తమిళనాడు అంతా పండగ వాతావరణం నెలకొంది. థియేటర్ల వద్ద విజయ్ అభిమానులు భారీ కటౌట్లు పెట్టి, అలంకరణలు చేస్తున్నారు. సినిమా ఇప్పటికే లీక్ అయినా, థియేటర్లోనే చూడాలనే ఉత్సాహంతో చాలా మంది అభిమానులు ఉన్నారు. అందుకే ఈ సినిమా తమిళ సినీ చరిత్రలో భారీ వసూళ్లు సాధిస్తుందని అంచనా వేస్తున్నారు.
35
జన నాయగన్ రెమ్యూనరేషన్ వివరాలు
'జన నాయగన్' సినిమాలో నటించిన నటీనటుల రెమ్యూనరేషన్ వివరాలు బయటకొచ్చాయి. ఈ లిస్టులో హీరో విజయ్ అందరికంటే ఎక్కువ పారితోషికం తీసుకున్నారు. ఆయనకు రూ.220 కోట్లు చెల్లించారట. ఆయన తర్వాత అత్యధిక పారితోషికం అందుకున్న నటుడు బాబీ డియోల్. ఆయనకు రూ.8 కోట్లు ఇచ్చారట. ఈ సినిమాలో బాబీ డియోల్ విజయ్కు విలన్గా నటించారు. మరో విలన్గా నటించిన ప్రకాష్ రాజ్కు రూ.5 కోట్లు పారితోషికంగా ఇచ్చారు.
'జన నాయగన్' సినిమాలో హీరోయిన్లలో పూజా హెగ్డేకే ఎక్కువ పారితోషికం ఇచ్చారు. ఈ చిత్రంలో విజయ్కు జోడీగా నటించిన ఆమెకు రూ.6 కోట్లు చెల్లించారట. ఆమె తర్వాత, ఈ సినిమాలో కీలక పాత్ర పోషించిన నటి ప్రియమణికి రూ.3 కోట్లు పారితోషికంగా ఇచ్చారు. ఇక మరో ముఖ్య పాత్ర చేసిన మమితా బైజుకు రూ.75 లక్షలు మాత్రమే ఇచ్చారట.
55
హెచ్. వినోత్ రెమ్యూనరేషన్ కి ఎంతంటే?
'జన నాయగన్' సినిమాను డైరెక్ట్ చేసిన హెచ్. వినోత్కు రూ.25 కోట్లు రెమ్యూనరేషన్గా ఇచ్చారట. ఆయన కెరీర్లోనే ఇది అత్యధిక మొత్తం. అలాగే, ఈ చిత్రానికి సంగీతం అందించిన మ్యూజిక్ డైరెక్టర్ అనిరుధ్కు రూ.13 కోట్లు చెల్లించారట. ఇక, ఈ సినిమాలో కీలక పాత్రలు పోషించిన గౌతమ్ మీనన్కు రూ.3 కోట్లు, నటుడు నరేన్కు రూ.2.5 కోట్లు పారితోషికంగా ఇచ్చినట్లు సమాచారం.
