తండ్రి కోసం జగతి చెప్పిన పని చేసిన రిషి.. వసు ఎంగేజ్మెంట్ విషయంతో షాకైన రిషి?

బుల్లితెరపై ప్రసారమవుతున్న గుప్పెడంత మనసు  (Guppedantha Manasu) సీరియల్ బుల్లితెర ప్రేక్షకులను బాగా ఆకట్టుకుంటుంది. తల్లి, కొడుకు నేపథ్యంలో ప్రసారమవుతున్న ఈ సీరియల్ రేటింగ్ లో కూడా మొదటి స్థానంలో దూసుకెళ్తుంది. ఇక ఈ రోజు ఎపిసోడ్ హైలెట్ ఏంటో చూద్దాం.  

వసుధారా (Vasudhara) కాలేజీకి వచ్చాక రిషికి వెంటనే తనకు, శిరీష్ (Sirish) కి మధ్య జరుగుతున్న సీక్రెట్ గురించి ఆలోచనలు వస్తాయి. ఇక వసు తనను పలకరించడంతో రిషి తనపై కాస్త రివేంజ్ తీర్చుకుంటాడు. కానీ వసుకి మాత్రం రిషి ఇలా ఎందుకు అంటున్నాడో తనకు అర్థం కాలేకపోతుంది.

ఇక జగతి (Jagathi) మేడం ప్రాజెక్టు కోసం ఒక ప్లాన్ చేసిందని చెప్పిన కూడా రిషి (Rishi) మాత్రం శిరీష్ ను ఉద్దేశించి తనపై వెటకారంగా, కోపంగా మాట్లాడతాడు. అదే సమయంలో వసు బుక్స్ కింద పడడంతో ఇద్దరూ ఒకేసారి బుక్ తీయడానికి ప్రయత్నిస్తారు. సీన్ రొమాంటిక్ గా అనిపిస్తుంది.

అలా రిషి (Rishi) తనకు కాస్త కౌంటర్ ఇస్తుండగా అదే సమయంలో వసుకి శిరీష్ ఫోన్ చేసి సండే రోజు మీటింగ్ అని చెబుతాడు. ఆ విషయాన్ని అప్పుడే వచ్చిన మహేంద్ర వర్మ (Mahendra Varma) చెప్పడంతో రిషి షాక్ అవుతాడు. వెంటనే వారిపై కోపంగా అరిచి అక్కడ నుంచి వెళ్ళిపోతాడు.

మహేంద్ర వర్మ ఇంట్లో సంతోషంగా ఉంటూ చెస్ గేమ్ ఆడుతాడు. రిషి (Rishi) గేమ్ కూడా తనే ఆడుతాడు. ధరణి రావటంతో తనకు ఒక ప్లాన్ చెబుతాడు. మరోవైపు జగతి, వసులు కాలేజీ గురించి మాట్లాడుతుండగా ధరణి (Dharani) ఫోన్ చేసి మామయ్యకు ఒంట్లో బాలేదని చెప్పి కట్ చేస్తుంది.

ఇక జగతికి ఈ విషయం తెలియడంతో టెన్షన్ పడుతుంది. మహేంద్ర వర్మకు ఫోన్ చేయడంతో ఫోన్ స్విచ్ ఆఫ్ అని వస్తుంది. రిషి (Rishi) మాత్రం వసు గురించి ఆలోచిస్తూ ఉంటాడు. వసు (Vasu) ఫోన్ చేసి సార్ తో మాట్లాడాలని అంటుంది.

ఇక మహేంద్రవర్మ రిషి (Rishi) రావడాన్ని గమనించి పడుకున్నట్లు నటిస్తాడు. రిషి సార్ కు ఫోన్ ఇచ్చాడని అనుకొని జగతి (Jagathi) మాట్లాడుతుంది. జ్వరం వస్తే కషాయం తాగుతావు కదా అని కషాయం తయారుచేసే విధానం గురించి చెబుతోంది.

రిషి (Rishi) మాట్లాడటంతో ఫోన్ కట్ చేస్తుంది. ఇక రిషి కషాయం చేసి మహేంద్రవర్మ దగ్గరికి తీసుకువస్తాడు. తరువాయి భాగంలో మహేంద్ర వర్మ (Mahendra Varma) రిషి మనసులో నిజం బయట పెట్టడానికి వసుతో ఎంగేజ్మెంట్ గురించి మాట్లాడతాడు. రిషి షాక్ అయినట్లు కనిపిస్తాడు.