పురిటి నొప్పులతో అస్పత్రిలో చేరిన మోనిత.. ఆర్టిఫిషియల్ గర్భం కాదని అల్టిమేట్ షాక్?

బుల్లితెరపై ప్రసారమవుతున్న కార్తీకదీపం (Karthika Deepam) సీరియల్ బుల్లితెర ప్రేక్షకులను బాగా ఆకట్టుకుంటుంది. ఇక ప్రస్తుతం ఈ సీరియల్ కథ మరింత ఆసక్తిగా మారటంతో రేటింగ్ లో కూడా మొదటి స్థానంలో దూసుకుపోతుంది. ఇక ఈ రోజు ఎపిసోడ్ హైలెట్ ఏంటో చూద్దాం.  

హాస్పిటల్ లో మోనిత (Monitha) పురిటి నొప్పులతో బాధపడటంతో డాక్టర్ భారతి వెంటనే కార్తీక్ కు ఫోన్ చేసి చెబుతుంది. మోనితకు పురిటి నొప్పులు వస్తున్నాయని ఎలాగైనా హాస్పిటల్ కి రమ్మని వచ్చి సంతకం చేయమని చెప్పడంతో కార్తీక్ (Karthik) భారతి పై కోపంగా మాట్లాడుతాడు.

ఎలా రమ్మంటున్నావు అని గతంలో తను చేసిన తప్పులు గురించి తెలిసి కూడా ఎలా అని అంటాడు కార్తీక్ (Karthik). ఇక సౌందర్య (Soundarya) కార్తీక్ మాట్లాడుతున్న మాటలన్ని పక్కన ఉండి వింటుంది. అంతలోనే దీప కాఫీ పట్టుకొని రావడంతో సౌందర్య మాట మారుస్తూ మాట్లాడుతుంది.

దాంతో దీపకు వాళ్లు మాట మారుస్తున్నారని అర్థమైంది. ఇక దీప (Deepa) వెళ్ళాక మళ్లీ భారతి ఫోన్ చేయటంతో వెంటనే సౌందర్య తీసుకొని మాట్లాడుతుంది. సౌందర్య తో భారతి.. మోనితకు (Monitha) పురిటి నొప్పులు వస్తున్నాయని.. బిడ్డ పేగు మెడకు చుట్టుకుందని చెబుతుంది.

బిడ్డ పేగు మెడకు చుట్టుకుంటే మంచిది కాదని ఇంట్లో పెద్ద వాళ్ళకి కీడు జరుగుతుందని అంటుంది. ఇక సౌందర్య (Soundarya) ఆలోచనలో పడుతుంది. మరోవైపు మోనిత పురిటి నొప్పులతోనే కార్తీక్ రావాలని మాట్లాడుతుంది. కార్తీక్ (Karthik) వస్తేనే ఆపరేషన్ చేయించుకుంటాను అని అంటుంది.

ఇక భారతి (Bharathi) మళ్ళీ వీడియో కాల్ చేసి సౌందర్యకు చూపిస్తుంది. వెంటనే కార్తీక్ దగ్గరికి రావడంతో కార్తీక్ సౌందర్యతో మోనిత (Monitha) గతంలో చేసిన నేరాల గురించి మాట్లాడుతూ ఎలా వెళ్ళను అని కోపంగా అరుస్తాడు. మళ్లీ దీప రావడంతో మాట మారుస్తారు.

మరోవైపు పిల్లలిద్దరూ మాట్లాడుకుంటుండగా హిమ తన తండ్రి మీద కోపం తగ్గించుకొని సారి చెప్పాలని చూస్తుంది. ఇక హిమ జ్వరం కోసం బ్లడ్ టెస్ట్ శాంపుల్ రిపోర్టుల కోసం దీప వెళ్లాలని సౌందర్యకు (Soundarya) చెబుతుంది. ఏమి చేసేది లేక సౌందర్య కార్తీక్ ను మోనిత (Monitha) దగ్గరికి తీసుకెళ్లాలని చూస్తుంది.

దీప (Deepa) తమతో వస్తానన్న కూడా వద్దని సౌందర్య కార్తీక్ ను తీసుకెళ్తుంది. దీప ఏదో జరుగుతుందని ఆలోచనలో పడుతుంది. తరువాయి భాగంలో మోనిత కార్తీక్ తో ఆర్టిఫిషియల్ శాంపుల్ కాదని సహజంగా జరిగిందని చెబుతుంది. అంతేకాకుండా దీపకు (Deepa) కూడా ల్యాబ్ లో ఆర్టిఫిషియల్ కాదని తెలిసిపోతుంది.