Guppedantha Manasu: సరికొత్త రూపంలో రిషి.. జగతిని రిక్వెస్ట్ చేస్తున్న ఫణీంద్ర!

Guppedantha Manasu: స్టార్ మా లో ప్రసారమవుతున్న గుప్పెడంత మనసు సీరియల్ మంచి కథ కథనాలతో టాప్ రేటింగ్ ని సంపాదించుకుంటుంది. తోటి కోడలి అరాచకత్వానికి బలై భర్తకి కొడుక్కి దూరమైన ఒక స్త్రీ కథ ఈ సీరియల్. ఇక ఈరోజు జూన్ 17 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో  పేపర్ మీద లెక్కలు వేసుకుంటూ రిషి నువ్వు వెళ్లి ఇన్ని రోజులు అయింది ఇన్నాళ్ళు నీకోసం ఎదురు చూస్తూనే ఉన్నాను ఇంకా ఎన్ని రోజులు ఈ ఎదురు చూపులు అని బాధపడుతూ ఉంటుంది జగతి. అంతలోనే అక్కడికి వచ్చిన ధరణి ఎన్నాళ్ళని ఇలా బాధపడుతూ కూర్చుంటారత్తయ్య అంటూ అత్తగారిని ఓదారుస్తుంది.

 ఎన్నాళ్ళైనా తప్పదు చేసిన తప్పుకి ఫలితం అనుభవిస్తున్నాను. నా కొడుక్కి మంచి చేస్తున్నాను అనుకున్నాను కానీ ఇలా దూరం అయిపోతాను అనుకోలేదు అని బాధపడుతుంది జగతి. అత్తయ్య పోలీస్ కంప్లైంట్ ఇవ్వటం కానీ పేపర్లో యాడ్ వేయించినా గాని రిషి తప్పకుండా తిరిగి వస్తాడు అంటుంది ధరణి. అలా చేస్తే మనకి దొరుకుతాడేమో కానీ నామీద మరింత కోపం పెంచుకొని ఉన్న చోట నుంచి మరోచోటికి వెళ్లిపోతాడు.

 అయినా వాడు తప్పిపోలేదు కదమ్మా కావాలనే మా నుంచి దూరంగా ఉన్నాడు అంటుంది జగతి. అలా అయితే రిషి ఎప్పుడు వస్తాడు ఎవరి కోసం వస్తాడు అంటుంది ధరణి. మహేంద్ర కోసం వస్తాడు నా కోసం వస్తాడు ఈరోజు కాకపోతే రేపైనా నా కొడుకు వస్తాడు జరిగింది అర్థం చేసుకుంటాడు అంటుంది జగతి. ఇంకా ఆపు అంటూ మహేంద్ర గట్టిగా అరవడంతో ధరణి జగతి ఇద్దరు గుమ్మం వైపు చూస్తారు.

 అక్కడ కోపంతో ఊగిపోతున్న మహేంద్ర కనిపిస్తాడు. నా కొడుకు వస్తాడు వస్తాడు అని చెప్తుందే తప్ప ఇప్పటికీ ఇంకా వాడు వచ్చింది లేదు. అసలు ఏం జరిగిందో చెప్పమంటే నోరు విప్పడం లేదు నేను ఏం తప్పు చేశాను తనని ప్రేమించి పెళ్లి చేసుకోవడమే నేను చేసిన తప్ప ఎందుకు నాకు ఇంత శిక్ష వేస్తుంది అని బాధపడతాడు మహేంద్ర. అలా అనకండి చిన్న మామయ్య తప్పు చేశానని అత్తయ్య ఒప్పుకుంటున్నారు కదా ఆవిడ బాధ కూడా మీరు అర్థం చేసుకోవాలి అంటుంది ధరణి.

 తన బాధని నేను అర్థం చేసుకుంటే మరి నా బాధని ఎవరు అర్థం చేసుకుంటారు. నా బాధ అర్థం అవుతుందా అంటూ ధరణి చేతిని తన గుండె మీద పెట్టుకొని నా గుండె ఎంత వేగంగా కొట్టుకుంటుందో నీకు అర్థం అవుతుందా. నా కొడుకు కోసం రోడ్డుమీద బిచ్చగాడిలాగా తిరుగుతున్నాను. ఇటు నిజం చెప్పడం లేదు అటు వసుధార నోరు విప్పడం లేదు అంటూ చాలా బాధతో అక్కడ నుంచి వెళ్ళిపోతాడు మహేంద్ర. అంటే వసుధార కూడా నిజం చెప్పలేదన్నమాట అనుకుంటుంది జగతి.

మరోవైపు వసుధార ముందు ఒక వ్యక్తి నడుస్తూ ఉంటాడు. సైడ్ తప్పుకోమంటుంది వసుధార. ఆ వ్యక్తి సైడ్ ఇవ్వటంతో ముందుకి వెళ్తుంది కానీ ఏదో అనుమానం రావటంతో మళ్ళీ వెనక్కి తిరుగుతుంది. చూసేసరికి రిషి గుండు కొట్టించుకుని టోపీ పెట్టుకుని ఉంటాడు. షాకైన వసుధార ఏంటి సార్ మీరు మా రిషి సారేనా అంటూ ఆశ్చర్యంగా అడుగుతుంది. నాకు కావాల్సింది ఈ ఫీలింగే. నేను నీకు ఇప్పటినుంచి కొత్తగా అనిపించాలి పాత విషయాలు మన మధ్య రాకూడదు అని చెప్పి అక్కడ నుంచి వెళ్ళిపోతాడు రిషి.

 నా మనసు లోంచి మిమ్మల్ని చెరిపేయాలని మీరు ఇలా చేస్తున్నారని అర్థమైంది. మీ రూపం మారినంత మాత్రాన మిమ్మల్ని దూరం చేసుకుంటానని ఎలా అనుకున్నారు అని మనసులో అనుకుంటుంది  వసుధార. మరోవైపు ఆఫీసులో ఉన్న జగతి తో నిన్ను, మహేంద్ర ని ఇలా చూస్తే చాలా బాధగా అనిపిస్తుంది. నిజం చెప్పే మహేంద్ర కి ఏదో సమస్య వస్తుందని నువ్వు నిజం చెప్పడం లేదని నాకు అర్థమైంది కనీసం నాకైనా నిజం చెప్పు అని బ్రతిమాలితాడు ఫణీంద్ర.

 ఈ విషయంలో నన్ను క్షమించండి అంటుంది జగతి. ఇంతలో మినిస్టర్ ఫోన్ చేసి మీతో అర్జెంటుగా మాట్లాడాలి వీలైతే ఇప్పుడే రండి అని జగతికి ఫోన్ చేస్తాడు. అదే విషయం ఫణీంద్ర తో చెప్తే ఏదో అర్జెంటు విషయం అయి ఉంటుంది వెళ్లి రమ్మని చెప్తాడు ఫణీంద్ర. మహేంద్ర ని కూడా నాతో రమ్మని చెప్తారా అని రిక్వెస్ట్ చేస్తుంది జగతి. వాడు చాలా బాధలో ఉన్నాడు. వాడిని రమ్మని నేను శాసించలేను.

వాడి ఆనందం వర్షం వాడి కోపం ప్రళయం. అందుకే నీకు నేను ఎలాంటి సాయం చేయలేను అంటాడు ఫణీంద్ర. బావగారి మంచితనాన్ని మనసులోనే మెచ్చుకుంటుంది జగతి. సరే బావగారు నేను వెళ్లి వస్తాను అని చెప్పి బయలుదేరుతుంది. తర్వాత ఏం జరిగిందో రేపటి ఎపిసోడ్ లో చూద్దాం.