టాలీవుడ్ హీరోగా జగపతి బాబు (Jagapathi babu) వందల సినిమాల్లో నటించిన విషయం తెలిసిందే. ప్రస్తుతం విలన్ గా వరుస చిత్రాలతో మెప్పిస్తున్నారు. అయితే, గతంలో ఆయన పోగొట్టున్న ఆస్తులపై తాజాగా ఆకస్తికర వ్యాఖ్యలు చేశారు.
ఒకప్పుడు హీరోగా అలరించిన టాలీవుడ్ ప్రముఖ నటుడు జగపతి బాబు ప్రస్తుతం ఇండస్ట్రీలో విలన్ గా మారి సక్సెస్ ఫుల్ కేరీర్ ను చూస్తున్నారు. అయితే 40 ఏండ్లకు పైగా ఇండస్ట్రీలో ఉన్న జగపతి బాబు తన ఆస్తులు పోగొట్టుకున్న విషయం తెలిసిందే.
అయితే, గతేడాది తన ఆస్తి తిరిగి వచ్చిందంటూ కూడా కొన్ని వార్తలు పుట్టుకొచ్చాయి. కానీ వాటిని జగపతి బాబు ఖండించారు. ఇదిలా ఉంటే.. ఈరోజు జగపతి బాబు 61వ పుట్టిరోజు ఈ సందర్భంగా ఓ ప్రముఖ యూట్యూబ్ ఛానెల్ కు ఇంటర్వ్యూ ఇచ్చారు.
ఈ ఇంటర్వ్యూలో తను పోగొట్టుకున్న ఆస్తులపై జగపతిబాబు మొదటిసారిగా స్పందించారు. ఆయన మాట్లాడుతూ.. ‘నా ఆస్తి క్యాసినో, పేకాటతో పేలేదు. వేరే వాళ్లు దోపిడి చేశారని కూడా అనను. డబ్బుల విషయంలో లెక్కలేకపోవడం, జాగ్రత్తగా ఉండకపోవడం మూలంగా అలాంటి పరిస్థితి వచ్చింది. నాకు డబ్బు విషయంలో అయితే జీరో నాలెడ్జ్.
లెక్క ప్రకారం.. నేను సంపాదించిన ఆస్తుల విలువ ఇప్పుడు 1000 కోట్లకు పైగానే ఉంటుంది. అయితే, అంతలా ఆస్తులు పోగొట్టుకోవడానికి కారణం ఏంటనేది పెద్ద ప్రశ్న. సమాధానం చెప్పడం కష్టం కూడానూ. ఇక క్యాసినోతో ఆస్తులు పోలేదు. నేను సరదాకు మాత్రమే ఆడతాను.
అంత డబ్బు ఎలా పోయిందనే దానికి క్లారిటీ లేదు. ఒకరి బ్లేమ్ చేయను కూడా. చెప్పాలంటే చాలా మందే ఉన్నారు. బ్రోకర్స్ వల్ల కావచ్చు. నేను కూడా అజాగ్రత్తగా ఉండకపోవడంతో అలా జరిగి ఉండచ్చు. ఇందులో నా పొరపాటు కూడా తప్పకుండా ఉందని’ తెలిపారు.
ఇక ఆస్తుల విషయంలో తన పిల్లలకు కూడా క్లారిటీ ఇచ్చారన్నారు. ఇక్కరూపాయి కూడా లేని స్థితిలో అన్నిపోనూ రూ.30 కోట్ల ఉంటే చాలని అనుకున్నారంట. అది సరిపోతుందని భావించినట్టు తెలిపారు. మళ్లీ జగపతి బాబు కామెంట్స్ వైరల్ అవుతున్నాయి. ప్రస్తుతం జగపతి బాబు ‘సలార్’ చిత్రంలో కీలక పాత్ర పోషిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి