పవిత్ర ముందే.. నరేశ్ పెళ్లిళ్లపై హైపర్ ఆది షాకింగ్ కామెంట్స్.. వారి రియాక్షన్ ఏంటీ?

సీనియర్ నటుడు నరేశ్ పెళ్లిళ్లపై జబర్దస్త్ నటుడు హైపర్ ఆది షాకింగ్ కామెంట్స్ చేశారు. వినాయక చవితి సందర్భంగా ప్రసారం కానున్న స్పెషల్ ఈవెంట్ కు పవిత్రా లోకేష్ తో కలిసి గెస్ట్ గా హాజరయ్యారు. ఈ సందర్భంగా హైపర్ ఆది చేసిన వ్యాఖ్యలు హాట్ టాపిక్ గా మారాయి.   

జబర్దస్త్ కమెడియన్ హైపర్ ఆది (Hyper Aadi) పంచులు, ప్రాసల గురించి ప్రత్యేకంగా చెప్పనక్కర్లేదు. ‘జబర్దస్’ కామెడీ షోతో బుల్లితెరపై సెన్సేషన్ గా మారిన ఆది ప్రస్తుతం సినిమాల్లోనూ నటిస్తున్నారు. బడా హీరోల చిత్రాల్లో కీలక పాత్రలు పోషించడంతో పాటు ఈవెంట్లలోనూ సందడి చేస్తున్నారు. 

ఇప్పటికే ‘భోళాశంకర్’ ఈవెంట్ లో హైపర్ ఆది స్పీచ్ తో హోరెత్తించిన విషయం తెలిసిందే. సినిమాల్లో మెరుస్తూనే ఇటు ‘జబర్దస్త్’లో నటిస్తూనే.. టీవీ షోలతోనూ అలరిస్తున్నారు. తాజాగా ‘సామీ రారా’ (Swamy Ra Ra)  అనే వినాయక చవితి స్పెషల్ ఈవెంట్ లో సందడి చేస్తోంది. ఇది ఈటీవీలో ప్రసారం కానుంది. 

తాజాగా ఈ ప్రత్యేకమైన ప్రొగ్రామ్ కు సంబంధించిన ప్రోమోను టీమ్ విడుదల చేసింది. ఈవెంట్ కు నటుడు నరేశ్ (Naresh), పవిత్రా లోకేష్ (Pavitra Lokesh) స్పెషల్ గెస్ట్ లుగా హాజరయ్యారు. బుల్లితెర అందాల యాంకర్ శ్రీముఖి వ్యాఖ్యాతగా వ్యవహరించింది. హైపర్ ఆది, తదితర కమెడియన్స్  పాల్గొని షోలో నవ్వులు పూయించే ప్రయత్నం చేశారు. 

ఇదిలా ఉంటే.. ప్రోమోలో హైపర్ ఆది నరేశ్ పెళ్లిళ్లపై షాకింగ్ కామెంట్స్ చేశారు. పవిత్రా పక్కనే ఉన్నప్పటికీ ‘నాకు ఒక్క పెళ్లే అవ్వట్లేదు.. మీకు పెళ్లి, మళ్లీ పెళ్లి? ఎలా సార్’ అని ఈవెంట్ వేదికగా నరేశ్ ను ప్రశ్నించారు. ఆది కామెంట్స్ కు నరేశ్, పవిత్రా మాత్రం ప్రోమోలో నవ్వుతూ కనిపించారు.  ఇంతకీ ఎలాంటి సమాధానం ఇచ్చారనేది ఆసక్తికరంగా మారింది.

నరేష్ మూడు పెళ్లిళ్లపై, ముఖ్యంగా మూడో భార్య రమ్యరఘుపతి (Ramya Raghupathi) తో విడిపోవడం.. పవిత్రా లోకేష్ తో రిలేషన్ లో ఉండటం మొన్నటి వరకు హాట్ టాపిక్ గ్గానే నడిచింది. ఇప్పుడిప్పుడు పాతపడుతండగా.. హైపర్ ఆది కామెంట్స్ తో మళ్లీ చర్చనీయాంశంగా మారింది. ఫుల్ ఎపిసోడ్ వస్తే గానీ నరేశ్ ఆన్సర్ ఏంటనేది? ఇంకేమైనా తమ విషయాలపై స్పందించారా? అన్నది తెలియనుంది. 

సీనియర్ నటి, దివంగత విజయ నిర్మల తనయుడిగా నరేశ్ ఇండస్ట్రీలోకి వచ్చారు. హీరోగా పలు చిత్రాల్లో నటించి తెలుగు ప్రేక్షకుల్లో మంచి గుర్తింపు తెచ్చుకున్నారు. ప్రస్తుతం క్యారెక్టర్ ఆర్టిస్ట్ గా ఫుల్ జోష్ లో ఉన్నారు. ఇక చివరిగా నరేష్ - పవిత్రా జంటగా ‘మళ్లీ పెళ్లి’ చిత్రంతో ప్రేక్షకుల ముందుకు వచ్చారు. మే 26న చిత్రం విడుదలైంది. ప్రస్తుతం ఓటీటీలో స్ట్రీమింగ్ అవుతోంది.