‘నిమిషానికి కోటీ రూపాయలు తీసుకుంటున్న’.. నటి ఊర్వశీ రౌటేలా కామెంట్స్ పై విపరీతమైన ట్రోలింగ్..

బాలీవుడ్ నటి ఊర్వశీ రౌటేలా స్పెషల్ అపియరెన్స్ తో వరుస చిత్రాల ద్వారా దుమ్ములేపుతున్న విషయం తెలిసిందే. తను తీసుకుంటున్న రెమ్యునరేషన్ పై తాజాగా కామెంట్స్ చేసింది. ఇందుకు నెటిజన్ల నుంచి ట్రోల్స్ ను ఎదుర్కొంటోంది.   

నటి ఊర్వశీ రౌటేలా (Urvashi Rautela) పేదేళ్లుగా బాలీవుడ్ లో యాక్టివ్ గా ఉంటోంది. 2013 నుంచి వరుస చిత్రాలతో అలరిస్తూ వస్తోంది. నటిగా కీలక పాత్రలు పోషిస్తూనే.. మరోవైపు స్పెషల్ అపియరెన్స్ లతోనూ ఆకట్టుకుంటోంది. ‘సింగ్ సాబ్ ది గ్రేట్’, ‘సనమ్ రే’, ‘గ్రేట్ గ్రాండ్ మస్తీ’, ‘పాగల్ పంథి’ వంటి చిత్రాల్తో అలరించింది.

ఇదిలా ఉంటే.. ప్రస్తుతం బాలీవుడ్ లో ఈ ముద్దుగుమ్మ సందడి పెద్దగా లేదనే చెప్పాలి. మూడేళ్లుగా ఈ బ్యూటీ అక్కడ ఏ చిత్రంలో  నటించలేదు. ఇప్పుడు ఆమె దక్షిణాది ప్రేక్షకులనే అలరిస్తోంది. సౌత్ సినిమాల్లో ముఖ్యంగా తెలుగు చిత్రాల్లో ఐటెం సాంగ్ ల్లో నటిస్తూ దుమ్ములేపుతోంది.

‘వాల్తేరు వీరయ్య’, ‘ఏజెంట్’, ‘బ్రో’ వంటి చిత్రాల్లో ఊర్వశీ వరుసగా ఐటెం నెంబర్స్ చేసింది. గ్లామర్ స్టెప్పులేసి తెలుగు ఆడియెన్స్ ను ఉర్రూతలూగించింది. ఇప్పటికీ ఇక్కడ వరుస చిత్రాల్లో నటిస్తూ ఫుల్ బిజీగా ఉంది. సౌత్ ఆడియెన్స్ కు మరింతగా దగ్గరవుతోంది. 

Urvashi Rautela

ఇలా క్రేజ్ పెంచుకుంటున్న సమయంలోనే ఊర్వశీ పలు సందర్భాల్లో తన పోస్టులు, కామెంట్లతో సోషల్ మీడియాలో హాట్ టాపిక్ గ్గా మారుతున్నారు. తాజాగా ఈ బ్యూటీ చేసిన కామెంట్స్ కు విపరీతంగా ట్రోలింగ్ ను ఎదుర్కొంటున్న బాలీవుడ్ మీడియాలో వార్తలు వస్తున్నాయి. ఇంతకీ ఆమె చేసిన కామెంట్స్ ఏంటీ.. ఎందుకు విమర్శిస్తున్నారనేది చూద్దాం..

Urvashi Rautela

తాజాగా ఊర్వశీ ఓ ఈవెంట్ కు హాజరైంది. అక్కడ రిపోర్టర్ అడిగిన ప్రశ్నకు ఆసక్తికరంగా బదులిచ్చింది. మీరు దేశంలోనే అత్యధిక పారితోషికం తీసుకున్నారు? దీనిపై మీరేదైనా చెప్పాలనుకుంటున్నారా? అని అడిగాడు. ఆయన వ్యాఖ్యలను అంగీకరిస్తూ ఊర్వశీ బదులిచ్చింది. ’ఇది మంచి విషయం. ప్రతి సెల్ఫ్ మేడ్ నటుడు, నటి ఇలాంటి రోజును చూడాలని  కోరుకుంటారని నేను భావిస్తున్నాను’ అని ఆన్సర్ చేసింది. 

కానీ, ఆ వీడియో సోషల్ మీడియాలో వైరల్ చేస్తూ.. ఊర్వశీని కొందరు విమర్శిస్తున్నారు. ఇంతకీ ఆమెకు నిమిషానికి కోటీ రూపాయలు ఎవరు ఇస్తున్నారు? ఆమెను అసలు ఎవరు చూస్తున్నారు? ఇక్కడ నటి చేస్తున్నారా? అంటూ ట్రోల్ చేస్తున్నారు. గతేడాది కూడా హాలీవుడ్ సూపర్ స్టార్ లియోనార్డో డికాప్రియో తనను పొగిడాడని ఊర్వశీ చేసిన కామెంట్లతోనూ ట్రోల్స్ కు గురైంది. ప్రస్తుతం తెలుగులో ‘స్కంద’, ‘బ్లాక్ రోజ్’ చిత్రాలు, హిందీలో ‘దిల్ హై గ్రే’ సినిమాల్లో నటిస్తోంది.