సుడిగాలి సుధీర్‌తోనే కాదు, చంటితోనూ నాకు ఎఫైర్ ఉందన్నారు.. `జబర్దస్త్` రష్మి షాకింగ్‌ కామెంట్స్

`జబర్దస్త్` యాంకర్‌ రష్మి.. సుడిగాలి సుధీర్‌తో రిలేషన్‌లో ఉన్నట్టు వార్తలు వైరల్‌ అవుతున్న విషయం తెలిసిందే. అయితే ఈరిలేషన్‌కి సంబంధించిన రష్మి సంచలన వ్యాఖ్యలు చేశారు. 

`జబర్దస్త్` కామెడీ షో సక్సెస్‌ కావడంలో ఒక పిల్లర్‌గా ఉంది యాంకర్‌ రష్మి. హాట్‌ అందాలతో, ముద్దు ముద్దు మాటలతో ఆమె షోలో చేసే సందడి అంతా ఇంతా కాదు. ఓవైపు చలాకీతనంతో, మరోవైపు సెక్సీ అందాలతో కనువిందు చేస్తుంది. షోకి గ్లామర్‌ తీసుకొస్తుంది. యూత్‌కి కావాల్సిన అంశాలు కూడా ఇందులో ఉండటంతో ఈ షోకి ఏజ్‌తో సంబంధం లేకుండా కనెక్ట్ అవుతున్నారు. అదే సమయంలో సుధీర్‌తో రష్మికి మధ్య లవ్‌ ఎఫైర్‌  తరచూ హైలైట్‌ అవుతుంది. 

తనపై వచ్చే లవ్‌ ఎఫైర్‌ రూమర్లపై రష్మి స్పందించింది. `ఎన్‌టీవీ`ఛానెల్‌కి ఇచ్చిన ఇంటర్వ్యూలో ఆమె `జబర్దస్త్` షోకి సంబంధించి, తనపై వచ్చే రూమర్లపై, కెరీర్‌పై  స్పందించి ఆసక్తికర వ్యాఖ్యలు చేసింది. ఇది పాత ఇంటర్వ్యూ కావడం గమనార్హం. దాన్ని మరోసారి టెలికాస్ట్ చేయగా, ఇప్పుడది వైరల్‌ అవుతుంది. ఆమె చెప్పిన విషయాలు హాట్‌ టాపిక్‌ అవుతున్నాయి. 

`జబర్దస్త్`టీమ్‌లలో సుడిగాలి సుధీర్‌ టీమ్‌ ఇష్టమని తెలిపింది. వారితోపాటు చమ్మక్‌ చంద్ర, చంటి టీమ్‌లు కూడా ఇష్టమని పేర్కొంది. సుధీర్‌ టీమ్‌ వాళ్లు స్పాంటీనియస్‌గా పంచ్‌లు వేస్తూ నవ్విస్తారని, చంటి మాటలతో మ్యాజిక్‌ చేసి నవ్విస్తారని, చంద్ర పర్‌ఫెక్షన్‌ అద్భుతంగా ఉంటుందని తెలిపింది. సుధీర్‌ టీమ్‌కి ఫైవ్‌ థౌజండ్‌ వాలా ఇస్తానని, చంటికి మిర్చి పటాక్‌, చంద్రకి లక్ష్మీ బాంబ్‌ గిఫ్ట్ గా ఇస్తానని పేర్కొంది. 

సుడిగాలి సుధీర్‌తో ఎఫైర్‌పై స్పందిస్తూ, సుధీర్‌తోనే కాదు, చంటితోనూ తనకు లింక్‌ పెట్టారని వాపోయింది. మిగిలిన టీమ్‌ మెంబర్స్ లో అందరికి మ్యారేజ్‌లు అయ్యాయని, దీంతో వారితో తనకు లింక్‌ పెట్టలేదని, కానీ పెళ్లి కాని వారందరితోనూ తనకు లింక్‌ పెట్టినట్టు చెప్పింది రష్మి. అయితే అలాంటి రూమర్స్ రావడానికి కారణం సేమ్‌ ఏజ్‌ గ్రూప్‌ అని, ఎక్కువగా కనెక్ట్ కావడంతో అలా ఎఫైర్లు క్రియేట్ చేస్తున్నారని తెలిపారు. 

ఇలాంటి రూమర్స్ ని ఎలా తీసుకుంటావనే ప్రశ్నకి రష్మి స్పందిస్తూ, తాను సీరియస్‌గా తీసుకోనని, సరదాగానే తీసుకుంటానని తెలిపింది. జబర్దస్త్ లోకి వచ్చాక తనలో చాలా మార్పు వచ్చిందని, ప్రతి విషయాన్ని కామెడీగానే తీసుకోవడం అలవాటైందన్నారు. ఎంతటి సీరియస్‌ విషయమైనా, తనకు లైట్‌గానే అనిపిస్తుందని, అందుకే ఈ ఎఫైర్‌ని పెద్దగా పట్టించుకోనని తెలిపింది రష్మి. 

`జబర్దస్త్` షోలో వల్గారిటీపై ఆమె స్పందిస్తూ, అది ఎవరికీ వల్గారిటీ అనిపించడం లేదని, అందరు దాన్ని యాక్సెప్ట్ చేస్తున్నారని, దాని వల్లే మంచి టీఆర్‌పీ రేటింగ్‌ వస్తుందని చెప్పింది. మొదట విమర్శలు వచ్చినా, వాటికి అందరు అలవాటు పడ్డారని తెలిపింది. `జబర్దస్త్` షో కేవలం అడల్ట్ కే అని, చిన్నపిల్లలకు కాదని తెలిపింది. అందుకే రాత్రి టైమ్‌లో ఇది ప్రసారం అవుతుందని చెప్పింది. ఇంటిళ్లిపాది ఈ షోని ఎంజాయ్‌ చేస్తున్నారని, అందులో తప్పులు వెతకడం మానేసి, ఎంజాయ్ చేస్తున్నారని తెలిపింది రష్మి. 

టెలివిజన్‌, కెరీర్‌లపై యాంకర్‌ రష్మి స్పందిస్తూ, టెలివిజన్‌, సినిమా రెండూ చేస్తానని తెలిపింది. సినిమా ఆఫర్లు వస్తే చేసేందుకు సిద్ధమే అని చెప్పింది. కానీ తన ఫస్ట్ ప్రయారిటీ టీవీనే అని పేర్కొంది. మరోవైపు టీవీలో వెంటనే గుర్తింపు వస్తుందని, సినిమాలో చాలా టైమ్‌ పడుతుందని తెలిపింది. టీవీ షోలో గ్లామర్‌గా కనిపించడం వేరని, కామెడీ వేరని, డ్రెస్‌ అనేది తన పర్సనల్‌ అని పేర్కొంది రష్మి. 

హాట్‌ యాంకర్‌గా పేరుతెచ్చుకున్న రష్మి `జబర్దస్త్`లో తొమ్మిదేళ్లుగా యాంకర్‌గా చేస్తుంది. హాట్‌ హాట్‌ అందాలతో కనువిందు చేస్తుంది. వరుస ఫోటో షూట్లు చేస్తూ ఆకట్టుకుంటుంది. సోషల్‌ మీడియాలో ఫాలోయింగ్‌ని పెంచుకుంటుంది. మరోవైపు సుధీర్‌తో ఎఫైర్‌ విషయంలోనూ హాట్‌ టాపిక్‌ అవుతుంది. తరచూ వార్తల్లో నిలుస్తుంది.