రాంచరణ్ 'గేమ్ ఛేంజర్' ఎందుకు అన్ ప్రిడిక్టబుల్.. టీజర్ లో అదిరిపోయే డైలాగ్, వైరల్ ?

మెగా పవర్ స్టార్ రాంచరణ్ నటించిన లేటెస్ట్ మూవీ గేమ్ ఛేంజర్. భారీ చిత్రాల దర్శకుడు శంకర్ దర్శకత్వంలో ఈ చిత్రం తెరకెక్కుతోంది. సంక్రాంతికి ఈ చిత్రం రిలీజ్ అవుతున్నట్లు ఆల్రెడీ అనౌన్స్ చేశారు. దీనితో నెమ్మదిగా ప్రచార కార్యక్రమాలు మొదలవుతున్నాయి. ఇండియాతో పాటు యుఎస్ లో కూడా గేమ్ ఛేంజర్ చిత్ర ఈవెంట్స్ నిర్వహించేలా నిర్మాత దిల్ రాజు ప్రణాళిక రాణిస్తున్నారు. 

ఈ నెల 9న అంటే శనివారం రోజు లక్నోలో గేమ్ ఛేంజర్ టీజర్ రిలీజ్ చేయబోతున్నట్లు చిత్ర యూనిట్ అనౌన్స్ చేసింది. టీజర్ రిలీజ్ డేట్ ప్రకటించినప్పటి నుంచి సోషల్ మీడియాలో గేమ్ ఛేంజర్ తో పాటు.. అన్ ప్రిడిక్టబుల్ అనే పదం తెగ వైరల్ అవుతోంది. అసలు గేమ్ ఛేంజర్ చిత్రానికి అన్ ప్రిడిక్టబుల్ పదానికి సంబంధం ఏంటి అని అంతా ఆసక్తిగా తెలుసుకునే ప్రయత్నం చేస్తున్నారు. 

అందుతున్న సమాచారం మేరకు టీజర్ లో 'అన్ ప్రిడిక్టబుల్' అనే డైలాగ్ హైలైట్ కాబోతోందట. రాంచరణ్ పాత్ర కూడా అన్ ప్రిడిక్టబుల్ గా ఉంటుందట. ఇక టీజర్ నిడివి 1 నిమిషం 40 సెకండ్ల పాటు ఉండబోతున్నట్లు తెలుస్తోంది. చిత్ర వర్గాల నుంచి అందుతున్న లీకుల ప్రకారం టీజర్ సంచలనం సృష్టించడం ఖాయం అని అంటున్నారు. 

లక్నో నగరంలో దిల్ రాజు టీజర్ లాంచ్ కోసం గ్రాండ్ ఈవెంట్ ప్లాన్ చేస్తున్నారు. ఆ తర్వాత రాంచరణ్ ప్రొమోషన్స్ కోసం అమెరికాలోని డల్లాస్ లో పర్యటించనున్నారు. శంకర్ ఫామ్ మాత్రమే మెగా అభిమానులని కలవర పెడుతోంది. శంకర్ తన స్ట్రాంగ్ జోన్ అయిన పొలిటికల్ థ్రిల్లర్ కథాంశంతో గేమ్ ఛేంజర్ చిత్రాన్ని రూపొందించారు.