Pavitra Lokesh: పవిత్ర లోకేష్ ఒక్క రోజు రెమ్యునరేషన్ ఎంతంటే?

పవిత్ర లోకేష్ మోస్ట్ వాంటెడ్ క్యారెక్టర్ ఆర్టిస్ట్ గా మారారు. వివాదాలు ఆమెకు కలిసొచ్చాయి. ఈ క్రమంలో రెమ్యూనరేషన్ కూడా పెంచారట.   

నటి పవిత్ర లోకేష్ టాలీవుడ్ లో ప్రముఖంగా వినిపిస్తున్న పేరు. గత ఏడాది కాలంగా ఆమె రోజూ వార్తల్లో ఉంటున్నారు. నటుడు నరేష్ తో ఆమె సహజీవనం చేస్తున్న క్రమంలో పవిత్ర లోకేష్ ఫోకస్ లోకి వచ్చారు. పవిత్ర చాలా కాలంగా తెలుగులో చిత్రాలు చేస్తున్నారు. ఆమె జనాల దృష్టిని ఆకర్షించింది మాత్రం నరేష్ ప్రేయసిగా.. 

2022 ప్రారంభంలో నరేష్-పవిత్ర లోకేష్ పెళ్లి వార్తలు గుప్పుమన్నాయి. వీరిద్దరూ మహాబలేశ్వర్ ఆలయంలో ప్రత్యేక పూజలు చేశారు. ఫోటోలు బయటకు రాగా నరేష్ నాలుగో వివాహం చేసుకున్నాడంటూ... పుకార్లు రేగాయి. పవిత్రను వివాహం చేసుకోలేదు, కలిసి జీవిస్తున్న మాట వాస్తవం అని నరేష్ వివరణ ఇచ్చారు. దీంతో మూడో భార్య రమ్య రఘుపతి రంగంలోకి దిగింది. ఈ ముగ్గురు కేంద్రంగా పెద్ద హైడ్రామా నడిచింది. 

తాజాగా నరేష్-పవిత్ర లోకేష్ జంటగా మళ్ళీ పెళ్లి టైటిల్ తో మూవీ చేశారు. మే 26న విడుదలైన మళ్ళీ పెళ్లి మిక్స్డ్ టాక్ తెచ్చుకుంది. నరేష్-పవిత్రల నిజ జీవితంలో జరిగిన యదార్థ సంఘటనలు ఆధారంగా ఈ చిత్రం తెరకెక్కింది. నరేష్ భార్య రమ్య రఘుపతి క్యారెక్టర్ చాలా తప్పుగా చూపించారని సమాచారం. 

ఈ వివాదాలు పవిత్ర లోకేష్ కెరీర్ కి బాగా ప్లస్ అయ్యాయట. ఆమెకు ఆఫర్స్ పెరిగాయట. అదే సమయంలో రెమ్యూనరేషన్ రెట్టింపు చేసిందట. గతంలో పవిత్ర లోకేష్ రోజుకు రూ. 50 వేలు తీసుకునేవారట. ఇప్పుడు దాన్ని లక్ష రూపాయలు చేశారట. మేకర్స్ సైతం ఇచ్చేందుకు సిద్దపడుతున్నారట. ఈ మేరకు టాలీవుడ్ వర్గాల్లో చర్చ నడుస్తుంది.

పవిత్ర లోకేష్ కన్నడ నటి. కెరీర్ బిగినింగ్ లో హీరోయిన్ గా కూడా చేశారు. మొదటి భర్తతో ఆమెకు విడాకులు అయ్యాయి. గత నాలుగేళ్లుగా ఆమె నరేష్ తో సహజీవనం చేస్తున్నారు.