Top 10 Heroines: నయనతారకి షాక్‌, శ్రీలీల రచ్చ.. సమంత, రష్మిక, కాజల్‌ స్థానాలివే.. ఇండియా టాప్ 10 హీరోయిన్లు

ఓర్మాక్స్ మీడియా జూన్‌ నెలకు సంబంధించిన ఇండియా టాప్‌ 10 మోస్ట్ పాపులర్‌ హీరోయిన్ల జాబితాని విడుదల చేసింది. ఇందులో నయనతార డౌన్‌ అయితే, శ్రీలీల మళ్లీ లిస్ట్ లోకి వచ్చింది.

ఇండియా టాప్‌ 10 హీరోయిన్ల జాబితా

ఇండియా వైడ్‌గా మోస్ట్ పాపులర్‌ హీరోయిన్ల జాబితాని ఓర్మాక్స్ మీడియా ప్రతి నెల ప్రకటిస్తుంటుంది. ఇప్పుడు జూన్‌ నెలకు సంబంధించిన జాబితాని తాజాగా విడుదల చేసింది. హీరోల లిస్ట్ మాదిరిగానే హీరోయిన్ల లిస్ట్ రిలీజ్‌ చేసింది. ఇందులో పెద్దగా మార్పులు లేవు, కానీ శ్రీలీల మళ్లీ జాబితాలోకి వచ్చింది. నయనతార రెండు స్థానాలు పడిపోయింది.  మరి సమంత, రష్మిక మందన్నా, కాజల్‌, సాయిపల్లవి ఏ స్థానాల్లో ఉన్నారనేది చూస్తే.

సమంతదే నెంబర్‌ 1 ప్లేస్‌

హీరోల్లో ప్రభాస్‌ స్థానంలో మార్పు లేదు, అలానే హీరోయిన్లలో సమంత స్థానంలోనూ మార్పు కనిపించడం లేదు. మధ్యలో ఒకటి రెండు సార్లు మాత్రమే ఆమె తగ్గింది. మళ్లీ ఎప్పటిలాగే మొదటి స్థానంలోకి వస్తుంది. ఇప్పుడు కూడా ఫస్ట్ ప్లేస్‌ని సొంతం చేసుకుంది. తిరుగులేని నెంబర్‌ 1గా నిలిచింది సమంత. రెండో స్థానంలో అలియాభట్‌, మూడో స్థానంలో దీపికా పదుకొనె నిలిచారు.

రష్మిక మందన్నా స్థానం ఏంటంటే

ఇక నాల్గో స్థానంలో ఎప్పటిలాగానే నేషనల్‌ క్రష్‌ సొంతం చేసుకుంది. ఈ మధ్య రష్మిక హంగామా లేదు. అందుకే ఆమె స్థానంలో మార్పు లేదు. చాలా వరకు రష్మిక అదే స్థానంలో ఉంటుంది. అయితే దీపికా, రష్మిక స్థానాల్లో చిన్నపాటి మార్పులు చోటు చేసుకుంటాయి.

జోరు చూపిస్తున్న కాజల్‌

ఐదో స్థానంలో కాజల్‌ ఉంది. ఈ అమ్మడికి పెద్దగా సినిమాలు లేకపోయినా టాప్‌ 5లోనే ఉంటుంది. అంతేకాదు ఆ స్థానంలో పెద్దగా మార్పు కూడా లేదు. అయితే కాజల్‌ సోషల్‌ మీడియాలో యాక్టివ్‌ గా ఉంటోంది. కమర్షియల్స్ తో బిజీగా ఉంటుంది. వీటి వల్ల ఆమె నిత్యం డిస్కషన్‌లో ఉంటుంది. అందుకే ఓర్మాక్స్ మీడియా టాప్‌ 10 లిస్ట్ లో నిలుస్తోంది.

సాయి పల్లవి జోరు

ఆరో స్థానంలో సాయిపల్లవి ఉంది. నేచురల్‌ స్టార్‌గా నిలుస్తోన్న సాయి పల్లవి గత నెలలో ఏడో స్థానంలో ఉండగా ఇప్పుడు ఆరో స్థానానికి రావడం విశేషం. దీనికి `రామయణ్‌` కారణమని చెప్పొచ్చు. ఏడో స్థానంలో కృతి సనన్‌ ఉన్నది. ఎనిమిదో స్థానంలో నయనతార ఉంది. మేలో ఆరో స్థానంలో ఉన్న నయనతార ఇప్పుడు ఎనిమిదికి పడిపోవడం గమనార్హం.

లిస్ట్ లోకి వచ్చిన శ్రీలీల

త్రిష ఈ సారి తొమ్మిదో స్థానం దక్కించుకోగా, శ్రీలీల పదో స్థానం సొంతం చేసుకుంది. త్రిష గత నెలలో కూడా అదే స్థానంలో ఉంది. శ్రీలీల గత నెలలో అసలు టాప్‌ 10లోనే లేదు. కానీ ఇప్పుడు చివరి స్థానంలో నిలవడం విశేషమని చెప్పొచ్చు.